1 Petruˊ 3:14 - Plang (Blang)

¹⁴ Daecti peˊ lawn pun ri hkamˊ kuˊ tukhka naˊ kopti yeuh peˊ kuˊ cawpˊ naˊ koˊ, Peucawoˊ kaw Eun nap munˊ ri peˊ. Pawlaee lhatˊ ri kuˊ glhatˊ peue peˊ naˊ, pawlaee tokˊseupa ri ka.

1 Petruˊ 3:14 ပူးပေါင်းရင်းမြစ်များ

Mahtae 10:28

Pawlaee lhatˊ ri peue cang toh yawo jawngkuiˊ tuˊ naˊ daecti ce unˊ cang toh civit naˊ. Daecti lhatˊtil ri Peucawoˊ Cawoˊ cang toh civit maeeˊ jawngkuiˊ tuˊ hk'aˊnaee keutongˊnyarok naˊ Eun reuˊ.

Mahtae 10:31

Kop awnˊ na pawlaee lhatˊ, ngos heunˊ peˊ hk'aiˊ aˊraic heunˊ tuˊ naˊ ce.

Mahtae 10:39

Aˊnhawˊ lawn jhawpˊ aˊyu ri naˊ koˊ, eun kaw pun ri sum aˊyu ri. Aˊnhawˊ lawn sum aˊyu ri naˊ pun Uiˊ koˊ, eun kaw pun aˊyu ri.

Mahtae 16:25

Kopti aˊnhawˊ lawn sumˊ aˊyu pon koˊ, eun kaw pun ri sum aˊyu ri. Daecti aˊnhawˊ lawn sum aˊyu ri naˊ pun Uiˊ koˊ, eun kaw pun aˊyu pon.

Mahtae 19:29

Aˊnhawˊ lawn tecla nya ri, aˊkoˊ ecˊawngˊ ri, aˊkoˊ makuiingˊ ri, aˊkoˊ konˊhk'i ri, aˊkoˊ malˊ na ri kopti pun muis Uiˊ naˊ koˊ, eun kaw pun nammaet ka tipakˊ pun maeeˊ eun ku kaw pun citˊ tip aˊyu tip cotˊcu ri.

Makuˊ 10:29

Yesuˊ Eun topˊ a, “Kaw Uiˊ lahˊ a ri peˊ neumneum, aˊnhawˊ lawn tecla nya ri, aˊkoˊ ecˊawngˊ ri, aˊkoˊ makuiingˊ ri, aˊkoˊ konˊhk'i ri, aˊkoˊ malˊ na ri naˊ kopti pun Uiˊ maeeˊ leukahˊ munˊ renˊkawn naˊ koˊ,

Makuˊ 8:35

Kopti aˊnhawˊ lawn sumˊ aˊyu pon koˊ, eun kaw pun ri sum aˊyu ri naˊ. Daecti aˊnhawˊ lawn sum aˊyu ri pun Uiˊ maeeˊ leukahˊ munˊ renˊkawn naˊ koˊ, eun kaw pun aˊyu pon.

Yoˊhan 14:1

Pawlaee va hpumˊ peˊ naˊ kuit nyhapˊ kuit yak. Papuing Peucawoˊ Eun reuˊ. Papuing Uiˊ ri yeut reuˊ.

Yoˊhan 14:27

Uiˊ tuilˊ hk'aˊ kuit nyawkˊ kuit samˊran cumyenˊ naˊ ri peˊ. Hk'aˊ kuit nyawkˊ kuit samˊran cumyenˊ tuilˊ Uiˊ naˊ, a hkuinˊ seunˊ kuˊ tuilˊ ka bhenˊ keuteˊ naˊ. Pawlaee kah hpumˊ peˊ naˊ kuit nyhapˊ, pawlaee lhatˊ.

Peue caee 9:16

Kopti meuh a muis Uiˊ naˊ, eun kaw pun ri tukhka aˊneng, Uiˊ kaw yeuh eun nyu a.”

2 Kawˊrinhtuˊ 12:10

Kop awnˊ na kopti meuh a Hkrit Eun naˊ, uiˊ renˊkawn hk'aˊnaee hk'aˊ kawlˊreng kloe, hk'aˊnaee hk'aˊ chaw hkamram peue ri, hk'aˊnaee hk'aˊ tukhka, hk'aˊnaee hk'aˊ keunhapˊ nokneh peue ri naˊ maeeˊ hk'aˊnaee hk'aˊ hk'oˊtukyak naˊ. Kopti yam kawlˊreng kloe uiˊ naˊ, uiˊ kawlˊreng keuting.

Hpiˊliˊpiˊ 1:29

Kopti Peucawoˊ tuilˊ Eun peˊ kaw yumˊ Hkrit Eun palkoe naˊ a hkuinˊ meuh, daecti Eun ku kah peˊ pun ri hkamˊ kuˊ tukhka naˊ pun Heun yeut.

Yakopˊ 1:12

Munˊ keuting ri peue cang yeunˊhkam yam hk'eupˊ eun kuˊ copˊlong naˊ, kopti hawcˊ eun hkamˊ pe ri kuˊ copˊlong naˊ, eun kaw pun cuiˊmaw hk'ilˊ civit kuˊ Peucawoˊ tuilˊ Eun kati ri peue leumeusˊ Eun naˊ ce.

Yakopˊ 5:11

Seunˊ tup yawng peˊ a, sawnˊ eˊ peue cang yeunˊhkam naˊ ce munˊ keuting. Peˊ ku pun ri mhawngˊ lawng hk'aˊ yeunˊhkam eun Yawˊbaˊ naˊ hawcˊ. Vang tisutˊ ka naˊ, Peucawoˊ Eun ciˊ yeuh saˊnhawˊ ri heun, peˊ ku pun ri nyu a. Peucawoˊ kueˊ Eun hk'aˊ leumeusˊkeus maeeˊ hk'aˊ cang tukyak naˊ htonnuk.

1 Petruˊ 3:6

Seunˊ Saraˊ, leuceng ka leukahˊ eun Abraham, ka klawng eun meuh cawoˊ. Peˊ lawn yeuh kuˊ chakˊ naˊ unˊ laee lhatˊ ri kuˊ rai keunhawˊ naˊ ce koˊ, peˊ ku meuh konˊ lhanˊ ka Saraˊ yeut.