Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Petruˊ 2:9 - Plang (Blang)

9 Daecti meuh peˊ peue Peucawoˊ leuk Eun ri ti. Peˊ meuh peue jhawpˊ rit keuting, meuh peue ceu seungaˊ chakˊ, meuh konˊhk'i Eun Peucawoˊ. Kuˊ yeuh Eun aenˊ a meuh punta kaw peˊ heulˊ paoˊ lawng kanˊ keuting Eun naˊ. Eun klawng peˊ pucti hk'aiˊ vang duimˊlawng naˊ ingˊ lec vang cengˊ chakˊ Eun naˊ.

အခန်းကိုကြည့်ပါ။ ကော်ပီ




1 Petruˊ 2:9
50 ပူးပေါင်းရင်းမြစ်များ  

ce meuh peue utˊ vang duimˊlawng naˊ, ce pun ri nyu kuˊ cengˊ keuting nyawkˊ naˊ hawcˊ. Peue utˊ hk'aˊruim rum ka hk'aˊ yeum naˊ kuˊ cengˊ naˊ tilˊ ka rot ri ce hawcˊ.”


Seunˊ awnˊ na, punta peue gawmˊeucˊ naˊ kaw peue nyu kuˊ chakˊ yeuh peˊ naˊ maeeˊ kaw peue sukˊseunˊ Kuiingˊ peˊ Cawoˊ utˊ nang kuingˊ pang maoˊ naˊ Eun, yeuh kuˊ cengˊ peˊ naˊ cengˊ nanggalˊ peue reuˊ.


A kaw tilˊ kuˊ cengˊ ri peue utˊ nang duimˊlawng, maeeˊ peue utˊ hk'aˊruim rum ka aˊlawng hk'aˊ yeum naˊ ce. A kaw teukˊ va eˊ heulˊ hk'aˊ vang kuit nyawkˊ kuit samˊran naˊ.”


Punta kaw ce pun ri saicˊ ri seungaˊ chakˊ ri hk'aˊ neumneum naˊ, kopti meuh a ce ri, Uiˊ saicˊ ri seungaˊ chakˊ meun.


Nomˊnawk tuˊ peˊ naˊ maeeˊ muk konˊyungˊ kuˊ Citˊ seungaˊ chakˊ naˊ uinˊ a peˊ meuh nang nomˊnawk roksaˊ naˊ ce meulamlam ri reuˊ. Meuh nang koˊ konˊyungˊ muk konˊ Hkrit Eun Peucawoˊ kuˊ Peucawoˊ leuvaee Eun hk'aiˊ nhamˊ ri naˊ reuˊ.


Aenˊ a meuh punta kaw mi heulˊ blasˊ ngaiˊ ce naˊ, hpawtˊ ce hk'aiˊ vang duimˊlawng naˊ ce naˊ tang ingˊ ri kuˊ cengˊ naˊ, hpawtˊ ce hk'aiˊ tiˊca ka Satan naˊ ce naˊ tang ingˊ ri Peucawoˊ Eun naˊ, punta kaw ce pun hk'aˊ ploeˊ mapˊ naˊ, hawcˊ koˊ, ce naˊ pun ri utˊ maeeˊ muk ce peue pun ri saicˊ mapˊ ri seungaˊ chakˊ ri kopti yumˊ ce Uiˊ naˊ.’


Hawcˊ koˊ, hkunˊhawˊhkamˊ Akliˊpaˊ eun lahˊ a ri Pawˊlu eun, “Hk'aˊnaee ti yam yawo aenˊ na, kuit mi ri kaw cang saˊlit pun uiˊ meuh konˊ Hkrit aw?”


Saecˊ meuh eˊ ri, eˊ ku meuh peue klawng Eun ri ti yeut. A hkuinˊ meuh pal peue ceu Yuˊda naˊ ce koe, daecti a ku meuh peue unˊ meuh peue ceu Yuˊda naˊ ce yeut.


Aˊnhawˊ lawn yeuh nya hk'oˊ munˊ Eun Peucawoˊ naˊ lu koˊ, Peucawoˊ Eun kaw yeuh hkawnˊ eun lu. Kopti nya hk'oˊ munˊ Eun Peucawoˊ naˊ seungaˊ chakˊ ka. Peˊ ri, peˊ meuh nya hk'oˊ munˊ awnˊ a.


Citˊ seungaˊ chakˊ naˊ a meuh nang htawhkam eˊ kaw meuh nang rap ri ti sinˊ ri naˊ rot ti yam peue Eun Peucawoˊ naˊ kaw ce pun hk'aˊ htut lawtpon naˊ. Aenˊ meuh a pun kuˊ kaw sukˊseunˊ munhpungˊ Eun naˊ.


punta kaw eˊ sukˊseunˊ Peucawoˊ tuilˊ Eun munˊ keuting lhungˊ naˊ ri eˊ hk'oˊhk'awngˊ htonnuk naˊ ri kuˊ leumeusˊ nyawkˊ Eun naˊ.


Kah munhpungˊ naˊ kueˊ ri Heun hk'aˊnaee muk konˊ Hkrit naˊ ce maeeˊ hk'aˊnaee Yesuˊ Hkrit Eun ku cu suip ri heulˊ cotˊcu ri reuˊ. Amin.


Punta hk'aˊ kaw uiˊ pun ri hukˊ nang kuingˊ pang maoˊ naˊ kopti meuh a kuˊ Yesuˊ Hkrit yeuh Eun naˊ kaw a meuh lapsawngˊ pun uiˊ naˊ, uiˊ kaw tawkˊ cimˊ ri heulˊ vang pe naˊ.


Kopti teumˊkawm Eun eˊ pon hk'aiˊ kuingˊ ka hk'aˊ duimˊlawng naˊ, maeeˊ va eˊ lec kuingˊ Eun Konˊ aiˊ leumeusˊ Eun naˊ.


Heun ri, teumˊkawm htut Eun eˊ lawtpon. Eun klawng eˊ lec hk'aˊnaee aˊyu seungaˊ chakˊ naˊ. A hkuinˊ meuh kopti yeuh eˊ a, daecti meuh a kopti alo maeeˊ munˊ Eun naˊ. Munˊ aenˊ a tuilˊ ri ri eˊ hk'aˊnaee Yesuˊ Hkrit Eun tangˊ neum yamla ri naˊ hawcˊ,


Tuilˊ Eun tuˊ ri naˊ ri eˊ meun, a meuh punta kaw Eun teumˊkawm htut eˊ lawtpon hk'aiˊ kuˊ rai naˊ ce gawmˊeucˊ, saicˊ ri uinˊ eˊ seungaˊ pun Eun, kah eˊ meuh peue Eun koe maeeˊ kah eˊ seuyungˊseuyahˊ yeuh kuˊ chakˊ naˊ.


Punta kaw peˊ leuceng ri ti Yesuˊ Hkrit Eun maeeˊ nhamˊ Eun naˊ kaw a rawtˊ peˊ naˊ, Kuiingˊ Peucawoˊ Eun leuk ri ti peˊ ri saicˊ peˊ seungaˊ chakˊ ri Citˊ seungaˊ naˊ hawcˊ seunˊ yawng Eun ri uinˊ a naˊ. Kah munˊ sinˊ maeeˊ hk'aˊ kuit nyawkˊ kuit samˊran cumyenˊ naˊ kueˊ ri peˊ htonnuk reuˊ.


Saecˊ peˊ ri, peˊ kaw seunˊ seumu aˊyu imˊ naˊ, Peucawoˊ Eun naˊ ti ri plengˊ peˊ meuh nya hk'aˊ civit naˊ. Peˊ ku naˊ pun ri meuh peue jhawpˊ rit seungaˊ chakˊ, peˊ kaw tan kuˊ tan. Kopti cu peˊ Yesuˊ Hkrit Eun naˊ, kuˊ tan peˊ naˊ a htukˊ hpumˊ Eun Peucawoˊ.


Punta Peucawoˊ kaw Eun pun munhpungˊ ri hk'aˊnaee ku ceu ri Yesuˊ Hkrit Eun naˊ, aˊnhawˊ lawn kaw leukahˊ koˊ, eun htukˊ ri lahˊ a seunˊ meuh eun peue lahˊ leukahˊ Eun Peucawoˊ naˊ koˊ. Aˊnhawˊ lawn kaw yeuh mhaiˊ koˊ, eun htukˊ ri yeuh a hotˊ seunˊ kawlˊreng Peucawoˊ tuilˊ Eun naˊ. Kah munhpungˊ tiˊca naˊ kueˊ ri Heun cotˊcu ri reuˊ. Amin.


Eun uinˊ eˊ meuh peue kuingˊ ri, maeeˊ punta kaw eˊ yeuh mhaiˊ Eun Peucawoˊ maeeˊ yeuh mhaiˊ Eun Kuiingˊ Eun naˊ, Eun uinˊ eˊ meuh peue jhawpˊ rit. Kah munhpungˊ maeeˊ tiˊca naˊ kueˊ ri Heun cotˊcu ri reuˊ. Amin.


Peue pun ri pawngˊ ri hk'aˊnaee vang tang kuhˊ imˊ pok nanggalˊ aenˊ a naˊ ce munˊ keuting, ce meuh peue seungaˊ chakˊ. Tiˊca ka hk'aˊ yeum lalˊ pok ti pok naˊ a kaw unˊ kueˊ hk'aˊpang ce. Ce kaw meuh peue jhawpˊ rit Eun Peucawoˊ maeeˊ peue jhawpˊ rit Eun Hkrit. Ce kaw uˊpeung maeeˊ Heun tiduihˊ tihengˊ neum.


Mi yeuh ce meuh peue kuingˊ maeeˊ peue jhawpˊ rit yeuh mhaiˊ Eun Peucawoˊ eˊ naˊ hawcˊ. Ce kaw uˊpeung bhenˊ keuteˊ naˊ.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ