1 Petruˊ 2:12 - Plang (Blang)

¹² Yam utˊ peˊ hk'aˊnaee muk ce peue unˊ yumˊ Peucawoˊ Eun naˊ, ce saecˊ naˊ peusahˊ nyoe lahˊ peˊ yeuh kuˊ kleucˊ naˊ, punta kaw ce nyu kuˊ chakˊ yeuh peˊ naˊ maeeˊ kaw ce tuilˊ munhpungˊ ri Peucawoˊ Eun seunyi yam kaw Eun tang lih ri eˊ naˊ, aˊyu imˊ hotˊ hk'aˊ chakˊ naˊ reuˊ.

1 Petruˊ 2:12 ပူးပေါင်းရင်းမြစ်များ

Mahtae 10:25

Tapaeˊ naˊ eun lawn keuteul hpeng seuraˊ ri naˊ eun maeeˊ mhaiˊ naˊ eun lawn keuteul hpeng cawoˊ ri naˊ eun koˊ, hk'oˊ ka hawcˊ. Peue lawn klawng cawoˊ nya naˊ eun meuh Beˊelˊsebuˊ koˊ, peue ciˊ pe naˊ klawng peue nya peue hk'ulˊ eun naˊ ce lheuˊ aenˊ na pe aˊneng?

Mahtae 5:11

Yam yeuh peue kuˊ unˊ nawpsang, keunhapˊ nokneh peˊ maeeˊ lahˊ lawng kuˊ unˊ kueˊ unˊ meuh naˊ ri peˊ kopti meuh a Uiˊ ri naˊ, kaw peˊ pun munˊ.

Mahtae 5:16

Seunˊ awnˊ na, punta peue gawmˊeucˊ naˊ kaw peue nyu kuˊ chakˊ yeuh peˊ naˊ maeeˊ kaw peue sukˊseunˊ Kuiingˊ peˊ Cawoˊ utˊ nang kuingˊ pang maoˊ naˊ Eun, yeuh kuˊ cengˊ peˊ naˊ cengˊ nanggalˊ peue reuˊ.

Mahtae 9:8

Yam peue heunˊ naˊ nyu ce a naˊ, ce lhatˊ. Ce sukˊseunˊ Peucawoˊ Cawoˊ tuilˊ tiˊca yeuhkiˊ naˊ ri peue naˊ Eun.

Luˊka 1:68

“Sukˊseunˊ Peucawoˊ ce peue Iˊsarelaˊ naˊ Eun reuˊ, kopti ingˊ teumˊkawm htut Eun peue ceu ri naˊ ce lawtpon hawcˊ.

Luˊka 19:44

Ce kaw yat ti dhimˊ mi pang bhenˊ keuteˊ naˊ, mi ri maeeˊ konˊhk'i mi hk'aˊnaee hkui veng mi naˊ. Ce kaw unˊ laee uinˊ seumu naˊ po ri hk'aˊpang puri saecˊ ti meulˊ, kopti unˊ pawn mi yam Peucawoˊ lih Eun ri mi naˊ.”

Luˊka 6:22

Meuh a kopti Konˊ aiˊ peue naˊ Eun, peue naˊ ces ri peˊ, sawnˊ ri tec peˊ, chaw hkamram peˊ maeeˊ yeuh muis peˊ naˊ lu, kaw peˊ pun munˊ.

Yoˊhan 13:31

Hawcˊ puc eun ri heulˊ naˊ, Yesuˊ Eun lahˊ, “Maetˊmaenˊ, Konˊ aiˊ peue naˊ pun Eun munhpungˊ ri hawcˊ. Peucawoˊ Eun ku pun munhpungˊ ri naˊ kopti Konˊ aiˊ peue naˊ Eun.

Peue caee 15:14

Siˊmon eun ris eˊ mhawngˊ a hawcˊ lawng nanggalˊ ka naˊ Peucawoˊ yeuh Eun hk'aˊ tukyak ri naˊ pucti lih ri leuk Eun peue unˊ meuh peue ceu Yuˊda naˊ ce ingˊ meuh peue ri ngonˊ naˊ.

Peue caee 24:13

Ce sok unˊ cang pun kuˊ kaw htawhkam ka mapˊ buih tangˊ ce hk'aˊpang uiˊ naˊ.

Peue caee 25:7

Yam Pawˊlu rot eun naˊ, peue Yuˊda lih neum veng Yeruˊsalaem naˊ ce cawng rop eun. Ce tangˊ aˊmu reng naˊ hk'aˊpang eun ri kuˊ unˊ kueˊ saˊhkiˊ keunhawˊ heunˊ ceu naˊ.

Peue caee 28:22

Daecti ye ku sumˊ mhawngˊ kamkuit mi naˊ, kopti yawng ye peue utˊ ku duihˊ naˊ tangˊ ce mapˊ ri muk ritroe aenˊ na.”

Roˊma 12:17

Pawlaee yeuh ri topˊ kuˊ rai naˊ ri peue yeuh kuˊ rai ri peˊ naˊ ce. Peus hpumˊ ri yeuh kuˊ nyu peue meuh kuˊ chakˊ kuˊ cawpˊ naˊ reuˊ.

Roˊma 13:13

Kah eˊ yeuh kuˊ kuingˊhpaw maeeˊ utˊ eˊ hk'aˊnaee yam ka peunnyi naˊ, pawlaee yeuh kuˊ renˊkawn pon lheuˊ, pawlaee yuicˊ ri plaiˊ, pawlaee yeuh ri hkuitˊnawngˊtangˊ, pawlaee kleucˊ leumeul puri, pawlaee gvah muk gvah cum puri maeeˊ pawlaee hkoeˊmangˊ puri.

Roˊma 14:18

Aˊnhawˊ lawn yeuh mhaiˊ Eun Hkrit hk'aˊnaee ceu nang aenˊ ce koˊ, hitˊ eun hpumˊ Eun Peucawoˊ. Eun ku hitˊ hpumˊ peue yeut.

Roˊma 15:9

punta peue unˊ meuh peue ceu Yuˊda naˊ kaw ce tuilˊ munhpungˊ ri Peucawoˊ Eun kopti meuh a hk'aˊ tukyak Eun naˊ. Hotˊ seunˊ kuˊ temˊ a ri nang htawm Seungaˊ naˊ, “Kop awnˊ na, uiˊ kaw sukˊseunˊ Mi nang ngonˊ ce peue unˊ meuh peue ceu Yuˊda naˊ. Uiˊ kaw cai sukˊseunˊ muis Mi naˊ.”

1 Kawˊrinhtuˊ 14:25

Kuˊ moˊ ri hk'aˊnaee hpumˊ eun naˊ a kaw pucti lih glihˊgleuengˊ. Hawcˊ koˊ, eun kaw seukluin ri faeeˊ Peucawoˊ Eun. Eun kaw lahˊ, “Peucawoˊ utˊ Eun maeeˊ peˊ neumneum.”

2 Kawˊrinhtuˊ 1:12

Kuˊ cang mhawngˊ ya ri hk'oˊcuin naˊ meuh a hpumˊ cang yawng ya naˊ hkamˊ a saˊhkiˊ aˊyu imˊ ya pang bhenˊ keuteˊ naˊ ri hk'aˊ seungaˊ chakˊ naˊ maeeˊ ri nang puin ka hpumˊ lih neum Peucawoˊ Eun naˊ. Lheuˊ awnˊ na a meuh hk'aˊnaee vang yeuh ya aˊmawo peˊ naˊ. Ya hkuinˊ aˊyu imˊ hotˊ cuˊyi ka bhenˊ keuteˊ naˊ, daecti aˊyu imˊ ya hotˊ munˊ Eun Peucawoˊ naˊ.

2 Kawˊrinhtuˊ 13:7

Punta kaw peˊ unˊ yeuh kuˊ kleucˊ naˊ, ya hk'oˊ munˊ ri Peucawoˊ Eun. Aenˊ a hkuinˊ meuh punta kaw peue pun ri nyu lawt pun ya hk'aˊ caet ri nawk naˊ hawcˊ naˊ. Daecti a meuh punta ya saecˊ naˊ seunˊ lawt unˊ pun ya hk'aˊ caet ri nawk naˊ koˊ, peˊ kaw yeuh kuˊ cawpˊ naˊ.

2 Kawˊrinhtuˊ 8:21

Kopti ya hkuinˊ sumˊ yeuh kuˊ cawpˊ naˊ nanggalˊ Eun Peucawoˊ naˊ palkoe, daecti ya ku sumˊ yeuh kuˊ cawpˊ naˊ nanggalˊ ce peue naˊ yeut.

Eˊfeˊsuˊ 2:3

Leumahˊ, eˊ ri gawmˊeucˊ eˊ tawn utˊ hk'aˊnaee peue unˊ leuceng ri ti leukahˊ Eun Peucawoˊ naˊ ce yeuh ri kaw pun hk'aˊ taˊnhaˊ ka nhamˊ keune ri naˊ, hotˊ ri yeuh kuˊ kuit kuˊ sumˊ isˊ ri naˊ htonnuk. Kopti meuh eˊ peue naˊ, eˊ ku kuingˊ maeeˊ hk'aˊ seungeuengˊ Eun Peucawoˊ naˊ seunˊ peue seubu naˊ ce.

Eˊfeˊsuˊ 4:22

Kuˊ toˊ ri hk'aˊ aˊyu imˊ hk'imˊ peˊ naˊ, pun peˊ ri rap ri ti leukahˊ sangsawnˊ hk'aˊ kaw peˊ tecla jawngkuiˊ tuˊ hk'imˊ peˊ kuˊ buih pun ri hkamˊ kuˊ kaw yeuh peˊ lulaic heulˊ ri taˊnhaˊ copˊlong meun naˊ hawcˊ,

Hpiˊliˊpiˊ 1:27

A saecˊ naˊ yeuh saˊnhawˊ koˊ, yeuh ri kuingˊhpaw maeeˊ leukahˊ munˊ renˊkawn Eun Hkrit naˊ reuˊ. Hawcˊ koˊ, uiˊ saecˊ naˊ ingˊ ri peˊ, aˊkoˊ pun ri mhawngˊ yawo lawng peˊ naˊ unˊ lahˊ, uiˊ kaw yawng cawng keutawnˊ meuh peˊ hpumˊ ti meulˊ, seunˊ peue ti peue peˊ tuikˊ peuengˊ punta hk'aˊ yumˊ ka leukahˊ munˊ renˊkawn naˊ.

Hpiˊliˊpiˊ 4:8

Ecˊawngˊ naˊ peˊ, leukahˊ tisutˊ naˊ, kuˊ meuh neumneum, kuˊ kuingˊ ri sukˊseunˊ, kuˊ cawpˊ, kuˊ seungaˊ chakˊ, kuˊ hk'oˊleumeusˊ maeeˊ kuˊ hk'oˊsukˊseunˊ naˊ kuit ri mhawngˊ lawng aenˊ ce reuˊ. Ceu nang aenˊ ce meuh a kuˊ chakˊ kuingˊ ri sukˊseunˊ naˊ, kuit ri nawk a reuˊ.

1 Hteˊsalawˊniˊ 4:12

punta hk'aˊ aˊyu imˊ peˊ ku seunyi naˊ kaw a meuh hk'aˊ yumyamˊ ce peue utˊ hk'aˊnok naˊ maeeˊ kaw peˊ unˊ loˊ ri cu aˊnhawˊ naˊ.

1 Tiˊmoˊse 2:2

Punta kaw eˊ cang kuit nyawkˊ kuit samˊran utˊ cumyenˊ hk'aˊnaee vang hkopyawmˊ ri Peucawoˊ Eun naˊ maeeˊ vang aˊyu imˊ chakˊ ri naˊ, uiˊ sumˊ kah mi hk'oˊ munˊ, hk'oˊhk'ang, sukˊseunˊ Peucawoˊ Eun pun hkunˊhawˊhkamˊ maeeˊ peue kueˊ anˊnya naˊ ce yeut.

1 Tiˊmoˊse 4:12

Pawlaee uinˊ peue chaw hkamram ri meuh mi nang aetˊ naˊ, daecti vang leukahˊ mi, vang yeuh mi kanˊ, vang hk'aˊ leumeusˊkeus mi, hk'aˊ yumˊ mi maeeˊ vang seungaˊ chakˊ mi naˊ, yeuh mi meuh vang hotˊ rin ce peue yumˊ naˊ.

1 Tiˊmoˊse 5:10

kueˊ muis lawsˊ hk'aˊnaee yeuh kanˊ chakˊ naˊ, uˊhpama ri koˊ, roksaˊ konˊhk'i ri, cang rap ri ti checˊ, hkucˊ cung ce peue Eun Peucawoˊ naˊ, teumˊkawm nang tukhka maeeˊ tan tuˊ ri yeuh kanˊ chakˊ ku ceu.

Hebraeˊ 13:18

Hk'oˊ munˊ pun ye reuˊ. Yawng ye kueˊ ri hpumˊ cang yawng seungaˊ chakˊ naˊ maeeˊ sumˊ aˊyu imˊ ye hk'aˊnaee kueˊ ri munhpungˊ ri hk'aˊ ku ceu naˊ neumneum.

Hebraeˊ 13:5

Roksaˊ hk'aˊ aˊyu peˊ naˊ unˊ va a leumeusˊ hk'ilˊ leumuil naˊ maeeˊ sawngˊ nyu kuˊ kueˊ peˊ naˊ hitˊ ti hpumˊ peˊ naˊ reuˊ. Kopti Peucawoˊ lahˊ Eun a, “Kaw Uiˊ unˊ duing tecla mi, unˊ duing hk'akcakˊ mi.”

Yakopˊ 3:13

Hk'aˊnaee peˊ ri, aˊnhawˊ ciˊ hengˊlaetˊ cang yawng ri peˊ? Kah eun yeuh a pucti lih hk'aˊnaee vang aˊyu imˊ chakˊ eun naˊ maeeˊ hk'aˊnaee kuˊ yeuh eun ri hpumˊ onawnˊ ri kuˊ lih neum peuyhaˊ cuˊyi eun naˊ reuˊ.

1 Petruˊ 2:15

Kopti yeuh peˊ moeng ce peue unˊ cang kuit ri nawk naˊ leukahˊ cumyenˊ ri yeuh kuˊ chakˊ naˊ, htukˊ a hpumˊ Eun Peucawoˊ.

1 Petruˊ 3:16

Punta peue peusahˊ nyoe kuˊ chakˊ yeuh peˊ hk'aˊnaee Hkrit Eun naˊ kaw ce kaic ri peusahˊ nyoe ce ri peˊ naˊ, roksaˊ hpumˊ cang yawng peˊ naˊ seungaˊ reuˊ.

1 Petruˊ 4:11

Punta Peucawoˊ kaw Eun pun munhpungˊ ri hk'aˊnaee ku ceu ri Yesuˊ Hkrit Eun naˊ, aˊnhawˊ lawn kaw leukahˊ koˊ, eun htukˊ ri lahˊ a seunˊ meuh eun peue lahˊ leukahˊ Eun Peucawoˊ naˊ koˊ. Aˊnhawˊ lawn kaw yeuh mhaiˊ koˊ, eun htukˊ ri yeuh a hotˊ seunˊ kawlˊreng Peucawoˊ tuilˊ Eun naˊ. Kah munhpungˊ tiˊca naˊ kueˊ ri Heun cotˊcu ri reuˊ. Amin.

2 Petruˊ 3:11

Kopti ku ceu gawmˊeucˊ naˊ kaw a lulaic yeuh keutitˊ naˊ, peˊ ciˊ kaw htukˊ ri meuh peue yeuh saˊnhawˊ? Peˊ kaw htukˊ ri aˊyu imˊ hk'aˊnaee hk'aˊ seungaˊ chakˊ ri maeeˊ aˊyu imˊ hotˊ hk'aˊ Eun Peucawoˊ