1 Petruˊ 1:17 - Plang (Blang)

¹⁷ Kopti klawng peˊ Aˊkuiingˊ Cawoˊ unˊ meuh hk'aˊmawnˊ hk'aˊmaenˊ tawsˊ aˊmu hotˊ kanˊ kuˊ yeuh peue naˊ Eun, aˊyu imˊ hk'aˊnaee vang hkopyawmˊ lhatˊ ri seunˊ meuh peˊ peue leuvok unˊ duing nyu ka bhenˊ keuteˊ naˊ reuˊ.

1 Petruˊ 1:17 ပူးပေါင်းရင်းမြစ်များ

Mahtae 16:27

Kopti Konˊ aiˊ peue naˊ kaw Eun lih hk'aˊnaee munhpungˊ Eun Kuiingˊ ri naˊ maeeˊ inˊhpom ri naˊ ce tiduihˊ. Yam awnˊ na, Eun kaw tuilˊ lapsawngˊ naˊ ri peue hotˊ seunˊ kuˊ sawngˊ yeuh meun peue naˊ.

Mahtae 22:16

Ce kah tapaeˊ ri naˊ ce maeeˊ peue eun Herotˊ naˊ ce heulˊ mhaingˊ Yesuˊ Eun, “Seuraˊ, yawng ye meuh Mi peue leupaws seumeuˊ. Mi sangsawnˊ a hotˊ hk'aˊ Eun Peucawoˊ naˊ neumneum. Mi unˊ meuh maeeˊ hk'aˊmawnˊ hk'aˊmaenˊ ri peue. Mi hkuinˊ keueˊ ri buh aˊnhawˊ.

Mahtae 6:9

Kop awnˊ na, htukˊ peˊ ri hk'oˊ munˊ yeuhkiˊ, ‘Kuiingˊ ye utˊ nang kuingˊ pang maoˊ naˊ Mi, kah muis Mi naˊ meuh kuˊ hkopyawmˊ yumyamˊ.

Roˊma 11:20

Cawpˊ ka yeut, pun ce ri tawsˊ ri tec ri naˊ meuh a kopti unˊ yumˊ ce naˊ. Daecti pun peˊ ri utˊ naˊ meuh a kopti yumˊ peˊ naˊ. Pawlaee hpumˊ keuting, daecti lhatˊ reuˊ.

2 Kawˊrinhtuˊ 1:2

Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

2 Kawˊrinhtuˊ 5:6

Kop awnˊ na, saecˊ meuh yamnhawˊ eˊ hpumˊ keutawnˊ. Yawng eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, utˊ eˊ seungai Peucawoˊ Eun.

2 Kawˊrinhtuˊ 7:1

Aˊmawo leumeusˊ naˊ peˊ, kopti pun eˊ leukahˊ kati yeuhkiˊ naˊ hawcˊ naˊ, kah eˊ saicˊ meun ri tec kuˊ yeuh jawngkuiˊ tuˊ maeeˊ civit eˊ hk'awˊjeuk naˊ reuˊ. Yeuh hk'aˊ seungaˊ chakˊ naˊ htonnuk ri hk'aˊ lhatˊtil ri Peucawoˊ Eun naˊ reuˊ.

2 Kawˊrinhtuˊ 7:11

Hk'aˊ hpumˊ lu hotˊ alo Eun Peucawoˊ naˊ a ciˊ yeuh keunhawˊ naˊ pucti lih hk'aˊnaee peˊ naˊ kuit ri nawk a reuˊ, a meuh kueˊ peˊ hpumˊ coˊcaˊ, lahˊ meun tuˊ ri leupaws seumeuˊ, hk'aˊ seungeuengˊ ri peue yeuh mapˊ naˊ ce, hk'aˊ pawn kuiˊ ri, hk'aˊ keutuiˊ hpumˊ, hk'aˊ peus hpumˊ ri maeeˊ hk'aˊ tang yeuh ri topˊ naˊ. Unˊ laee yeuh kleucˊ peˊ ri ceu nang aenˊ ce naˊ, peˊ htawhkam meun a ri ti hawcˊ.

Galatiˊ 2:6

Peue rup seunˊ roˊ aˊyeˊ keuting naˊ ce hkuinˊ bobaee kuˊ lahˊ uiˊ naˊ. Ce saecˊ naˊ meuh peue yeuh saˊnhawˊ koˊ, a hkuinˊ kueˊ aˊyeˊ keunhawˊ pun uiˊ. Peucawoˊ hpaw Eun caˊ keueˊ ri kuˊ hk'aˊnok naˊ.

Eˊfeˊsuˊ 1:17

Hk'oˊ uiˊ a ri Peucawoˊ Eun Cawoˊ Yesuˊ Hkrit eˊ kuˊ meuh Aˊkuiingˊ munhpungˊ keuting naˊ Eun kah peˊ kueˊ citˊ seungaˊ ka cuˊyi naˊ maeeˊ citˊ seungaˊ ka tuhˊ ri tuilˊ naˊ, punta kaw peˊ gawm yawng Eun heunˊ naˊ.

Eˊfeˊsuˊ 3:14

Kop awnˊ na, uiˊ seukluin ri hk'oˊ munˊ nanggalˊ Eun Aˊkuiingˊ

Eˊfeˊsuˊ 6:9

Cawoˊ naˊ peˊ, yeuh a seunˊ awnˊ a ri mhaiˊ peˊ naˊ ce reuˊ. Pawlaee glhatˊ ce, kopti tup yawng peˊ Cawoˊ kuˊ meuh Cawoˊ peˊ maeeˊ Cawoˊ ce naˊ utˊ Eun nang kuingˊ pang maoˊ naˊ. Eun hkuinˊ meuh maeeˊ hk'aˊmawnˊ hk'aˊmaenˊ.

Hpiˊliˊpiˊ 2:12

Kop awnˊ na aˊmawo leumeusˊ uiˊ naˊ peˊ, seunˊ leuceng peˊ ri ti leukahˊ uiˊ naˊ ingˊ laleung naˊ, a hkuinˊ caee meuh yam utˊ uiˊ maeeˊ peˊ naˊ palkoe, daecti peˊ naˊ htukˊ ri jaen gawm leuceng a heunˊ hk'aiˊ yam unˊ laee utˊ uiˊ maeeˊ peˊ naˊ, kah peˊ suip ri yeuh a heulˊ hk'aˊnaee hk'aˊ lhatˊ ruing naˊ rot ti pun peˊ hk'aˊ htut lawtpon naˊ reuˊ.

Kawˊlawˊsaeˊ 3:25

Aˊnhawˊ lawn yeuh kuˊ kleucˊ naˊ koˊ, eun kaw pun ri rap ri ti tut ka naˊ hotˊ kuˊ kleucˊ yeuh ri naˊ. Peucawoˊ hpaw Eun caˊ keueˊ ri buh peue.

Hebraeˊ 12:28

Kop awnˊ na, kopti kaw eˊ hk'awsˊ pun kuingˊ unˊ cang fuiiˊfaiˊ naˊ, kah eˊ munˊ keuting sukˊseunˊ Peucawoˊ Eun ri hk'aˊ hkopyawmˊ lhatˊ eˊ ri Heun naˊ,

Hebraeˊ 4:1

Kop awnˊ na, kopti kati kaw lec hk'aˊ keuluiˊ Eun naˊ kawnˊ kueˊ ka naˊ, kah eˊ uinˊ sati ri meuh lamlam ri unˊ kah aˊnhawˊ chat hk'aˊ keuluiˊ aenˊ na saecˊ ti peue.

1 Petruˊ 2:11

Aˊmawo leumeusˊ uiˊ meuh peue leuvok unˊ duing nyu pang bhenˊ keuteˊ naˊ peˊ, hk'oˊhk'ang uiˊ peˊ tecla taˊnhaˊ kuˊ toˊtamˊ hk'aˊ civit peˊ naˊ.

1 Petruˊ 3:15

Daecti sawnˊ Hkrit Eun meuh Peucawoˊ ri nang hpumˊ peˊ naˊ reuˊ. Peue lawn mhaingˊ peˊ a ciˊ meuh kop keunhawˊ peˊ vaeeˊ kueˊ vang keutuiˊ hpumˊ yeuhkiˊ naˊ koˊ, peˊ ciˊ kaw topˊ a ri peue gawmˊeucˊ yeuh saˊnhawˊ naˊ, saecˊ meuh yamnhawˊ rangraen ri uinˊ ri meulamlam reuˊ. Daecti topˊ a hk'aˊnaee vang hpumˊ onawnˊ hkopyawmˊ ri ri ce reuˊ.