1 Kawˊrinhtuˊ 9:24 - Plang (Blang)

²⁴ Peue keutec hk'uih hk'aˊnaee vang keutec hk'uih naˊ hk'uih ce ku peue ri, daecti kuˊ pun lapsawngˊ naˊ eun meuh yawo ti peue, unˊ yawng peˊ a aw? Punta kaw peˊ pun lapsawngˊ naˊ, hk'uih reuˊ.

1 Kawˊrinhtuˊ 9:24 ပူးပေါင်းရင်းမြစ်များ

Roˊma 6:16

Unˊ yawng peˊ a aw, peˊ lawn yawmˊ ri leuceng leukahˊ aˊnhawˊ koˊ, meuh peˊ mhaiˊ eun hkawnˊ a? Meuh peˊ mhaiˊ ka mapˊ kuˊ va peˊ heulˊ ri hk'aˊ yeum naˊ aw, aˊkoˊ meuh peˊ mhaiˊ ka hk'aˊ leuceng ri ti kuˊ va peˊ heulˊ ri hk'aˊ leupaws seumeuˊ naˊ aw?

1 Kawˊrinhtuˊ 9:13

Unˊ yawng peˊ peue yeuh kanˊ hk'aˊnaee nya hk'oˊ munˊ keuting naˊ pun ce ri hk'a kuˊ hk'a ka nya hk'oˊ munˊ keuting naˊ awˊ? Maeeˊ, unˊ yawng peˊ peue yeuh mhaiˊ nang ten dum ri tan naˊ pun ce bun ka kuˊ tan naˊ aw?

1 Kawˊrinhtuˊ 9:23

Yeuh uiˊ ceu nang aenˊ ce ku ceu naˊ meuh a kopti nyu uiˊ leukahˊ munˊ renˊkawn naˊ maeeˊ meuh a punta kaw uiˊ pun ri pawngˊ ri maeeˊ munˊ ka leukahˊ munˊ renˊkawn naˊ.

1 Kawˊrinhtuˊ 9:26

Kop awnˊ na, a hkuinˊ meuh hk'uih uiˊ hk'aˊnaee vang unˊ kueˊ uiˊ vang kaw rot naˊ. A hkuinˊ meuh dhawcˊ uiˊ vawo seunˊ peue hkvuikˊ ri dhawcˊ naˊ ce.

Galatiˊ 2:2

Hukˊ uiˊ nungˊ naˊ uiˊ hotˊ hk'aˊ Peucawoˊ tuhˊ Eun ri uiˊ naˊ. Uiˊ ris kuˊ rup seunˊ roˊ naˊ ce mhawngˊ a koe lawng sangsawnˊ uiˊ leukahˊ munˊ renˊkawn naˊ ri peue unˊ meuh peue ceu Yuˊda naˊ ce. Hpaw uiˊ caˊ sumˊ kah kanˊ kuˊ yeuh uiˊ hawcˊ naˊ maeeˊ kanˊ kuˊ buih yeuh uiˊ maetˊmaenˊ naˊ meuh kuˊ hk'oˊhk'awngˊ.

Galatiˊ 5:7

Kuˊ buih yeuh peˊ nanggalˊ aenˊ a naˊ chakˊ ka hawcˊ, aˊnhawˊ ciˊ hamˊtap yeuh peˊ unˊ laee leuceng ri ti hk'aˊ neumneum naˊ?

Hpiˊliˊpiˊ 2:16

Punta hteoˊ uiˊ ri naˊ maeeˊ yeuh uiˊ kanˊ naˊ unˊ meuh a kuˊ hk'oˊhk'awngˊ naˊ maeeˊ punta kaw uiˊ cang yeuh a meuh seureˊ ri pun hk'aˊnaee seunyi yam Hkrit tang lih Eun naˊ, tuilˊ leukahˊ aˊyu imˊ naˊ ri peue mapˊ naˊ ce reuˊ.

Hpiˊliˊpiˊ 3:12

Pun uiˊ aenˊ ce gawmˊeucˊ hawcˊ naˊ, aˊkoˊ pun uiˊ ri hkamˊ ri mheˊ ri meuh peue chakˊ htonnuk hawcˊ naˊ, a hkuinˊ meuh. Daecti punta kaw uiˊ seubut ri ti kuˊ Yesuˊ Hkrit uinˊ Eun uiˊ kaw seunˊ Heun ri naˊ, uiˊ tawkˊ cimˊ ri heulˊ.

Hpiˊliˊpiˊ 3:14

Punta hk'aˊ kaw uiˊ pun ri hukˊ nang kuingˊ pang maoˊ naˊ kopti meuh a kuˊ Yesuˊ Hkrit yeuh Eun naˊ kaw a meuh lapsawngˊ pun uiˊ naˊ, uiˊ kaw tawkˊ cimˊ ri heulˊ vang pe naˊ.

Kawˊlawˊsaeˊ 2:18

Pawlaee kah peue sawngˊ guil ri meuh peue hpumˊ onawnˊ faeeˊ inˊhpom naˊ ce ingˊ yeuh peˊ unˊ cang rap ri ti lapsawngˊ naˊ. Peue awnˊ meunuiˊmeunuiˊ ce lahˊ ris lawng kuˊ nyu ce naˊ. Ce hpumˊ keuting ri kamkuit kuˊ unˊ kueˊ peuehotˊ hotˊ hpumˊ ka hk'aˊ nhamˊ keune ri naˊ.

Hebraeˊ 12:1

Kop awnˊ na, kopti kueˊ eˊ muk nang hkamˊ saˊhkiˊ vet eˊ rop nuknhenˊ htanˊ awnˊ a hawcˊ naˊ, kah eˊ ti ri tec kuˊ olˊyat eˊ naˊ maeeˊ mapˊ ghokˊghekˊ ri keutawnˊ pit eˊ naˊ ce gawmˊeucˊ ka. Kah eˊ eutˊ hpumˊ yeunˊhkam ri hteoˊ ri hotˊ hk'aˊ rangraen ri uinˊ ri pun eˊ naˊ pawh.

Yakopˊ 1:12

Munˊ keuting ri peue cang yeunˊhkam yam hk'eupˊ eun kuˊ copˊlong naˊ, kopti hawcˊ eun hkamˊ pe ri kuˊ copˊlong naˊ, eun kaw pun cuiˊmaw hk'ilˊ civit kuˊ Peucawoˊ tuilˊ Eun kati ri peue leumeusˊ Eun naˊ ce.

Tuhˊ ri tuilˊ 3:11

Unˊ lingˊ kaw Uiˊ lih ri mi. Punta kaw peue unˊ cang rimˊ ri ti cuiˊmaw hk'ilˊ mi naˊ pun, jhawpˊ kuˊ kueˊ mi naˊ meulamlam ri reuˊ.