1 Kawˊrinhtuˊ 9:21 - Plang (Blang)

²¹ Pun peue unˊ kueˊ leukahˊ ritroe naˊ ce, punta kaw uiˊ cang va ce ingˊ yumˊ Peucawoˊ Eun naˊ, uiˊ ku seunˊ peue unˊ kueˊ leukahˊ ritroe naˊ ce yeut (uiˊ saecˊ naˊ unˊ pon ritroe Eun Peucawoˊ naˊ, daecti utˊ uiˊ hk'aˊruim ka leukahˊ ritroe Eun Hkrit naˊ).

1 Kawˊrinhtuˊ 9:21 ပူးပေါင်းရင်းမြစ်များ

Peue caee 15:28

Citˊ seungaˊ chakˊ naˊ maeeˊ ye ri kaw ye unˊ po beus hk'aˊpang peˊ saecˊ ti ceu naˊ, a htukˊ hpumˊ ye. Daecti peˊ kaw kah ri vel ceu nang aenˊ ce.

Peue caee 16:4

Yam buih heulˊ ce nang veng ti veng hawcˊ ti veng naˊ, kuˊ saˊlit ce peue caee Eun Yesuˊ naˊ maeeˊ roˊkan utˊ nang veng Yeruˊsalaem naˊ punta kaw peue hotˊ ri yeuh a naˊ, ce ku suip ri lahˊ a heulˊ.

Peue caee 21:25

Pun ce peue unˊ meuh peue ceu Yuˊda yumˊ naˊ ce koˊ, ye temˊ ri tuilˊ lai kuˊ hk'oˊ ye, ye tawsˊ a deut ri ce naˊ kah ce vel hk'a kuˊ hk'a tan ri ruphtu, hk'a nhamˊ, hk'a keune satˊ seurotˊ ngok ri yeum naˊ maeeˊ hk'aˊ hkuitˊnawngˊtangˊ naˊ.”

Roˊma 2:12

Peue unˊ kueˊ leukahˊ ritroe ce yeuh mapˊ gawmˊeucˊ ri naˊ kaw ce pun ri lulaic kopti unˊ toˊ ri ri leukahˊ ritroe naˊ. Peue utˊ hk'aˊruim leukahˊ ritroe ce yeuh mapˊ gawmˊeucˊ ri naˊ, kaw ce pun ri hkamˊ hk'aˊ tawsˊ aˊmu naˊ hotˊ leukahˊ ritroe naˊ.

Roˊma 2:14

Yam peue unˊ meuh peue ceu Yuˊda kuˊ unˊ kueˊ leukahˊ ritroe naˊ yawng ce ri yeuh kuˊ kueˊ hk'aˊnaee leukahˊ ritroe naˊ, ce saecˊ naˊ unˊ kueˊ leukahˊ ritroe, ce meuh leukahˊ ritroe ri meun.

Roˊma 7:22

Kopti vang ruiˊ ka hpumˊ uiˊ naˊ, renˊ uiˊ maeeˊ leukahˊ ritroe Eun Peucawoˊ naˊ.

Roˊma 7:25

Munˊ keuting ri Peucawoˊ Eun. Pun uiˊ ri pon ri Yesuˊ Hkrit Peucawoˊ eˊ naˊ Eun. Kop awnˊ na hk'aˊ civit naˊ koˊ, uiˊ meuh mhaiˊ ka ritroe Eun Peucawoˊ naˊ. Daecti hk'aˊ nhamˊ keune naˊ koˊ, uiˊ meuh mhaiˊ ka ritroe ka mapˊ naˊ.

Roˊma 8:4

Yeuh Eun keutitˊ naˊ meuh a punta ritroe leupaws seumeuˊ ka leukahˊ ritroe naˊ kaw a htonnuk hk'aˊnaee peue unˊ aˊyu imˊ hotˊ hk'aˊ nhamˊ keune daecti aˊyu imˊ hotˊ hk'aˊ Citˊ seungaˊ naˊ eˊ.

Galatiˊ 3:2

Sumˊ mhaingˊ uiˊ peˊ ti moeng yawo. Pun peˊ Citˊ seungaˊ naˊ ri kopti hotˊ peˊ ri yeuh leukahˊ ritroe naˊ aw, aˊkoˊ kopti yumˊ peˊ kuˊ pun peˊ ri mhawngˊ naˊ aw?

Galatiˊ 6:2

Teumˊ puri peus beus puri naˊ reuˊ. Yeuh peˊ keutitˊ naˊ, buih hotˊ peˊ ri yeuh leukahˊ ritroe Eun Hkrit naˊ.

Hebraeˊ 8:10

Aenˊ meuh a kati satˊcaˊ hk'uˊ kaw Uiˊ tangˊ ri peue ceu Iˊsarelaˊ naˊ ce yam kawnˊ kaw ingˊ naˊ, Peucawoˊ Eun paoˊ a yeuh keutitˊ. Uiˊ kaw seueˊ leukahˊ ritroe ri naˊ hk'aˊnaee hpumˊ ce naˊ. Uiˊ kaw temˊ a nang meulˊ bhumˊ ce naˊ. Uiˊ kaw meuh Peucawoˊ ce, ce ku kaw meuh peue Uiˊ yeut.