1 Kawˊrinhtuˊ 8:13 - Plang (Blang)

¹³ Kop awnˊ na kuˊ hk'a uiˊ naˊ a lawn yeuh ecˊawngˊ naˊ ce hk'uicˊ hk'aˊnaee mapˊ naˊ koˊ, punta kaw uiˊ unˊ laee meuh kuˊ yeuh ce htangˊmeul naˊ, uiˊ hkuinˊ kaw laee pawnˊ keune naˊ baee.

1 Kawˊrinhtuˊ 8:13 ပူးပေါင်းရင်းမြစ်များ

Mahtae 17:27

Daecti punta kaw eˊ unˊ cang yeuh ce seungeuengˊ ri ti naˊ, mi naˊ heulˊ metˊ kaˊ nang glu naˊ reuˊ. Kaˊ la mi ri pun nanggalˊ naˊ vas mi nawk moeng ka naˊ, mi naˊ nyu paec punˊ htaepˊ. Mi naˊ ti ri heulˊ seueˊ a meuh hkawnˊ ka nya hk'oˊ munˊ keuting naˊ pun mi maeeˊ pun Uiˊ reuˊ.”

Peue caee 15:20

Daecti eˊ naˊ kah ri temˊ ri tuilˊ lai kah ce vel kuˊ hk'a kueˊ vang ri kopti ruphtu naˊ, hk'aˊ hkuitˊnawngˊtangˊ, hk'a keune satˊ seurotˊ ngok ri yeum maeeˊ hk'a nhamˊ,

Roˊma 14:13

Kop awnˊ na, pawlaee tawsˊ aˊmu ri puri. Daecti htukˊ eˊ ri kuit a deut hpaw eˊ caˊ kaw laee yeuh kuˊ kaw yeuh ecˊawngˊ naˊ ce seuduih leuveulˊ ri naˊ maeeˊ unˊ laee va ri yeuh kuˊ kangˊ hk'aˊ ce naˊ, a jaen naˊ chakˊ.

Roˊma 14:21

Kopti meuh a hk'a eˊ keune, aˊkoˊ nyui eˊ plaiˊ, aˊkoˊ yeuh eˊ kuˊ ti ri ceu a yeuh ecˊawngˊ eˊ naˊ ce seuduih leuveulˊ ri koˊ, ceu nang aenˊ ce unˊ makˊ ri yeuh a, a jaen naˊ chakˊ.

1 Kawˊrinhtuˊ 10:32

Pawlaee yeuh ri meuh kleumˊ ka vang seuduih leuveulˊ ce peue Yuˊda naˊ, aˊkoˊ peue Helasaˊ naˊ, aˊkoˊ peue konˊ Hkrit Eun Peucawoˊ naˊ ce.

1 Kawˊrinhtuˊ 10:33

Daecti yeuh seunˊ kuˊ yeuh uiˊ naˊ reuˊ. Coˊcaˊ uiˊ ri yeuh kuˊ yeuh uiˊ ku ceu naˊ kaw a htukˊ hpumˊ peue gawmˊeucˊ naˊ. Kopti hpaw uiˊ caˊ sok ri yeuh kuˊ kaw kueˊ peuehotˊ pun tuˊ ri naˊ meun, daecti punta peue gawmˊeucˊ naˊ kaw ce pun ri rap ri ti hk'aˊ htut lawtpon naˊ, uiˊ sok ri yeuh kuˊ kaw kueˊ peuehotˊ pun ce naˊ.

1 Kawˊrinhtuˊ 13:5

Hk'aˊ leumeusˊkeus naˊ unˊ yeuh kuˊ unˊ nawpsang, unˊ kuit pun tuˊ ri meun koe, unˊ hpumˊ dotˊ, unˊ cang kueˊ hpumˊ ri peue.

1 Kawˊrinhtuˊ 6:12

Pun uiˊ ahkvang kaw yeuh ku ceu naˊ pun, daecti ku ceu naˊ ce a hkuinˊ pe kueˊ munˊ gawmˊeucˊ. Pun uiˊ ahkvang kaw yeuh ku ceu naˊ pun, daecti uiˊ hkuinˊ yawmˊ ri meuh mhaiˊ ka saecˊ ti ceu.

1 Kawˊrinhtuˊ 9:12

Peue seubu naˊ ce lawn kueˊ ahkvang kaw pun ri rap ri ti hk'aˊ teumˊkawm peˊ naˊ koˊ, ya jaen naˊ kueˊ ahkvang ka lheuˊ ce ri, unˊ meuh ka aw? Daecti ya hkuinˊ loˊ ahkvang awnˊ na. Lheuˊ awnˊ na, punta kaw a unˊ meuh kuˊ hamˊtap leukahˊ munˊ renˊkawn lawng Eun Hkrit naˊ, ya yeunˊhkam a ku ceu ka.

2 Kawˊrinhtuˊ 11:29

Aˊnhawˊ lawn kawlˊreng kloe koˊ, unˊ kawlˊreng kloe uiˊ aw? Aˊnhawˊ lawn pun ri hkamˊ hk'aˊ kleucˊ hk'aˊ ri yeuh mapˊ naˊ koˊ, unˊ klehˊ uiˊ aw?

2 Kawˊrinhtuˊ 6:3

Punta kaw peue unˊ cang chaw hkamram kanˊ kuˊ yeuh ya naˊ, ya hkuinˊ yeuh kuˊ seuduih leuveulˊ aˊnhawˊ saecˊ ti peue.