1 Kawˊrinhtuˊ 8:1 - Plang (Blang)

¹ Lawng ka kuˊ hk'a tan ri ruphtu naˊ yeuh a kiˊ. Yawng eˊ kueˊ ri cuˊyi gawmˊeucˊ ri. Cuˊyi naˊ yeuh ka eˊ hpumˊ lhungˊ hpumˊ keuting. Daecti hk'aˊ leumeusˊkeus naˊ a yeuh eˊ teumˊkawm puri.

1 Kawˊrinhtuˊ 8:1 ပူးပေါင်းရင်းမြစ်များ

Peue caee 15:10

Kop awnˊ na, maetˊmaenˊ a ciˊ meuh kop keunhawˊ peˊ vaeeˊ long ri nawk Peucawoˊ Eun ri uinˊ kuˊ klawmˊ naˊ pang seuplangˊ ce tapaeˊ naˊ? Aˊtaˊ aˊya eˊ naˊ ce maeeˊ eˊ ri eˊ ku unˊ pe kuˊ klawmˊ aenˊ na.

Peue caee 15:29

Kaw peˊ kah ri vel hk'a kuˊ hk'a tan ri ruphtu, hk'a nhamˊ, hk'a keune satˊ seurotˊ ngok ri yeum naˊ maeeˊ hk'aˊ hkuitˊnawngˊtangˊ naˊ. Peˊ lawn cang vel ceu nang aenˊ ce koˊ, chakˊ ka nyawkˊ. Kuit nyawkˊ kuit samˊran reuˊ.”

Peue caee 21:25

Pun ce peue unˊ meuh peue ceu Yuˊda yumˊ naˊ ce koˊ, ye temˊ ri tuilˊ lai kuˊ hk'oˊ ye, ye tawsˊ a deut ri ce naˊ kah ce vel hk'a kuˊ hk'a tan ri ruphtu, hk'a nhamˊ, hk'a keune satˊ seurotˊ ngok ri yeum naˊ maeeˊ hk'aˊ hkuitˊnawngˊtangˊ naˊ.”

Roˊma 11:25

Ecˊawngˊ naˊ peˊ, punta kaw peˊ unˊ hpumˊ keuting maeeˊ tuˊ ri meun naˊ, uiˊ sumˊ kah peˊ leuceng pun kuˊ vangdohˊ ruiˊ aenˊ a. Aenˊ a meuh peue Iˊsarelaˊ naˊ ngonˊ kaw ce hpumˊ cenˊ rot ti peue unˊ meuh peue ceu Yuˊda naˊ kaw ce ingˊ lec nuk caˊlangˊ ri naˊ.

Roˊma 12:16

Yeuh hpumˊ ri meuh ti meulˊ utˊ tiduihˊ reuˊ. Pawlaee va ri kueˊ hpumˊ lhungˊ hpumˊ keuting naˊ, daecti yeuh aˊmawo maeeˊ peue htan tem unˊ kueˊ munhpungˊ naˊ ce reuˊ. Pawlaee mhawngˊ ri hk'oˊcuin.

Roˊma 14:10

Yeuh a keutitˊ naˊ, kopti kaw eˊ kah ri cawng nanggalˊ ka ten tawsˊ aˊmu Eun Peucawoˊ naˊ gawmˊeucˊ eˊ. A ciˊ meuh kop keunhawˊ peˊ vaeeˊ tawsˊ aˊmu ri ecˊawngˊ ri naˊ ce? A ciˊ meuh kop keunhawˊ peˊ vaeeˊ ri hkamram ecˊawngˊ ri naˊ ce?

Roˊma 14:14

Kuˊ yawng uiˊ neumneum hk'aˊnaee Cawoˊ Yesuˊ Eun naˊ koˊ, taengtaeng kuˊ hk'a naˊ meun koˊ caˊ kueˊ a kuˊ unˊ seungaˊ chakˊ. Daecti aˊnhawˊ lawn sawnˊ ceu nangnhawˊ naˊ unˊ seungaˊ chakˊ koˊ, ceu nang awnˊ a ku meuh kuˊ unˊ seungaˊ chakˊ pun heun.

Roˊma 14:19

Kop awnˊ na, kah eˊ yeuh kuˊ kaw yeuh eˊ utˊ samˊran cumyenˊ naˊ ri puri maeeˊ kah eˊ yeuh ri hukˊhawnˊ hk'aˊnaee hk'aˊ yumˊ naˊ ri puri reuˊ.

Roˊma 14:22

Kuˊ yumˊ mi lawng ceu nang aenˊ ce naˊ roksaˊ a nang seunaˊ paˊ Peucawoˊ naˊ reuˊ. Peue unˊ tangˊ mapˊ ri ti meun ri lawng kuˊ htawhkam eun meuh kuˊ cawpˊ hawcˊ naˊ, kah eun pun munˊ.

Roˊma 14:3

Peue hk'a kuˊ hk'a ku ceu naˊ eun, pawlaee ri hkamram kuˊ unˊ hk'a naˊ eun. Kuˊ unˊ hk'a naˊ eun, pawlaee tangˊ mapˊ ri kuˊ hk'a naˊ eun. Kopti Peucawoˊ rap Eun ri ti ka hawcˊ.

Roˊma 15:14

Ecˊawngˊ naˊ peˊ, yumˊ uiˊ htonnuk peˊ ri kuˊ chakˊ naˊ, htonnuk peˊ ri cuˊyi naˊ maeeˊ cang sangsawnˊ peˊ puri pun naˊ.

1 Kawˊrinhtuˊ 1:5

Kopti hk'aˊnaee Yesuˊ Hkrit Eun naˊ pun peˊ ri hukˊhawnˊ hk'aˊnaee ku ceu naˊ. A meuh hk'aˊnaee hk'aˊ leukahˊ leupong peˊ gawmˊeucˊ maeeˊ hk'aˊ peuyhaˊ cuˊyi peˊ ku ceu naˊ.

1 Kawˊrinhtuˊ 10:15

Lahˊ uiˊ a ri peue cang kuit ri mhawngˊ naˊ ce. Peˊ naˊ caet ri nawk kuˊ lahˊ uiˊ naˊ meun reuˊ.

1 Kawˊrinhtuˊ 10:28

Daecti peue ti ri peue eun lawn lahˊ, “Aenˊ meuh a kuˊ hk'a tan ri ruphtu hawcˊ naˊ” koˊ, kopti meuh a kuˊ lahˊ a ri mi naˊ eun maeeˊ kopti meuh a hpumˊ cang yawng naˊ, pawlaee hk'a a.

1 Kawˊrinhtuˊ 14:20

Ecˊawngˊ naˊ peˊ, pawlaee kah kamkuit peˊ naˊ seunˊ konˊ nyom. Hk'aˊ rai peˊ naˊ yeuh ri meuh seunˊ oˊngak reuˊ. Daecti kamkuit peˊ naˊ yeuh ri meuh seunˊ nang hengˊ reuˊ.

1 Kawˊrinhtuˊ 15:34

Kuit ri nawk hk'aˊ leupaws seumeuˊ naˊ reuˊ. Pawlaee tang yeuh mapˊ naˊ baee. Kopti peue ngonˊ naˊ unˊ yawng ce lawng Eun Peucawoˊ naˊ. Lahˊ uiˊ a yeuhkiˊ naˊ meuh a punta kaw a yeuh peˊ kaic.

1 Kawˊrinhtuˊ 4:10

Ya meuh peue ngaˊ pun Hkrit Eun, daecti peˊ meuh peue hengˊlaetˊ hk'aˊnaee Hkrit Eun. Ya kawlˊreng kloe, peˊ kawlˊreng keuting. Peˊ kueˊ munhpungˊ, ya unˊ kueˊ munhpungˊ.

1 Kawˊrinhtuˊ 4:18

Peue hk'aˊnaee peˊ naˊ ce ngonˊ, ce mhawngˊ ri hk'oˊcuin seunˊ kaw uiˊ unˊ laee ingˊ ri peˊ koˊ.

1 Kawˊrinhtuˊ 4:6

Ecˊawngˊ naˊ peˊ, lahˊ uiˊ peˊ mhawngˊ lawng uiˊ naˊ maeeˊ lawng eun Apawˊlu naˊ meuh a punta kaw a kueˊ peuehotˊ pun peˊ. Aenˊ a meuh punta kaw peˊ rin ri ti vangdohˊ ka kuˊ lahˊ ka nang htawm Seungaˊ naˊ ri ya. A lahˊ, “Pawlaee yeuh a pon lheuˊ kuˊ temˊ a ri uinˊ ri naˊ.” Yeuh a keutitˊ naˊ koˊ, peˊ hkuinˊ kaw laee tangˊ ti peue eun lhungˊ tangˊ ti peue eun tem.

1 Kawˊrinhtuˊ 5:2

A saeeˊ meuh htanˊ aenˊ na, peˊ vaeeˊ kawnˊ meung mhawngˊ ri hk'oˊcuin. Htukˊ peˊ ri hpumˊ lu unˊ makˊ laee yeuh aˊmawo eun peue yeuh keutitˊ naˊ eun, unˊ meuh ka aw?

1 Kawˊrinhtuˊ 5:6

Mhawngˊ peˊ ri hk'oˊcuin naˊ a hkuinˊ chakˊ. Yeuh mapˊ yeuhkiˊ naˊ seunˊ a paeng naˊ koˊ. Paeng kueˊ peunaeˊ jhaecˊ naˊ cang yeuh a hkawomunˊ naˊ bingˊ gawmˊ meulˊ ri.

1 Kawˊrinhtuˊ 8:2

Peue ti ri peue eun lawn hteumˊ ri yawng kuˊ ti ri ceu naˊ hawcˊ koˊ, hpaw eun ca nang yawng kuˊ kuingˊhpaw eun ri yawng naˊ.

1 Kawˊrinhtuˊ 8:4

Kop awnˊ na, lawng ka hk'a kuˊ hk'a tan ri ruphtu naˊ yeuh a kiˊ. Yawng eˊ ruphtu naˊ meuh a kuˊ unˊ kueˊ peuehotˊ pang bhenˊ keuteˊ aenˊ na. Eˊ yawng Peucawoˊ kueˊ Eun ti tonˊ koe.

1 Kawˊrinhtuˊ 8:7

Daecti hpaw a caˊ meuh peue ku peue nang yawng lawng aenˊ na. Peue ngonˊ naˊ hteumˊ peue ruphtu naˊ aˊyu imˊ neum. Kop awnˊ na yam hk'a ce kuˊ hk'a tan ri ruphtu naˊ, ce hteumˊ a meuh kuˊ hk'a tan ri peucawoˊ neumneum naˊ. Kopti hpumˊ cang yawng ce naˊ kawlˊreng kloe ka, a yeuh ce hk'awˊjeuk.

Eˊfeˊsuˊ 4:16

Neum Heun ri, jawngkuiˊ tuˊ kuˊ toˊ ghokˊ ri ri puri ri seunak ku nyeng naˊ gawmˊeucˊ a keuting hukˊhawnˊ maeeˊ gawm baet ri keuting hukˊ meun hk'aˊnaee hk'aˊ leumeusˊkeus naˊ yam hk'eung ti ceu hawcˊ ti ceu awnˊ buih sawngˊ yeuh ce kanˊ ri naˊ.

Kawˊlawˊsaeˊ 2:18

Pawlaee kah peue sawngˊ guil ri meuh peue hpumˊ onawnˊ faeeˊ inˊhpom naˊ ce ingˊ yeuh peˊ unˊ cang rap ri ti lapsawngˊ naˊ. Peue awnˊ meunuiˊmeunuiˊ ce lahˊ ris lawng kuˊ nyu ce naˊ. Ce hpumˊ keuting ri kamkuit kuˊ unˊ kueˊ peuehotˊ hotˊ hpumˊ ka hk'aˊ nhamˊ keune ri naˊ.

Tuhˊ ri tuilˊ 2:14

Daecti Uiˊ kueˊ kuˊ kaw tawk mi ti ceu. Peˊ ri ngonˊ, peˊ jhawpˊ kuˊ sangsawnˊ eun Balam naˊ. Balam eun sangsawnˊ Balakˊ eun heulˊ copˊ peue Iˊsarelaˊ naˊ ce yeuh mapˊ ri kah ce hk'a kuˊ hk'a tan ri ruphtu naˊ maeeˊ kah ce hkuitˊnawngˊtangˊ naˊ.

Tuhˊ ri tuilˊ 2:20

Daecti Uiˊ kueˊ kuˊ kaw tawk mi ti ceu. Taeˊ mi Yesebelaˊ kuˊ lahˊ meun ri meuh beunˊ suip leukahˊ Eun Peucawoˊ naˊ ka. Kuˊ sangsawnˊ ka naˊ a yeuh mhaiˊ Uiˊ naˊ ce kleucˊ hk'aˊ ri. Ka kah ce hkuitˊnawngˊtangˊ maeeˊ kah ce hk'a kuˊ hk'a tan ri ruphtu naˊ.