1 Kawˊrinhtuˊ 4:4 - Plang (Blang)

⁴ Hpumˊ cang yawng uiˊ naˊ hpaw a caˊ tangˊ uiˊ yeuh kuˊ kleucˊ. Daecti ceu nang aenˊ ce a hkuinˊ toˊ ri lahˊ uiˊ cawpˊ. Cawoˊ Peucawoˊ kaw Eun meuh nang tawsˊ aˊmu uiˊ.

1 Kawˊrinhtuˊ 4:4 ပူးပေါင်းရင်းမြစ်များ

Yoˊhan 21:17

Yesuˊ Eun tang lahˊ a ri heun hton loeˊ pok, “Siˊmon konˊ Yoˊhan, lakˊ leumeusˊ mi Uiˊ aw?” Kopti Yesuˊ mhaingˊ Eun, “Lakˊ leumeusˊ mi Uiˊ aw?” hton loeˊ pok naˊ, Petruˊ eun hpumˊ lu. Eun topˊ a, “Cawoˊ, yawng Mi ku ceu gawmˊeucˊ naˊ. Mi yawng leumeusˊ uiˊ Mi.” Yesuˊ eun lahˊ, “Uiiˊ konˊyungˊ Uiˊ naˊ ce reuˊ.

Peue caee 23:1

Pawˊlu eun keueˊtamˊ ri muk peue hk'om kanˊ naˊ ce. Eun lahˊ, “Ecˊawngˊ naˊ peˊ, kanˊ kaw uiˊ htukˊ ri yeuh ri Peucawoˊ Eun naˊ buih yeuh uiˊ a ri hpumˊ cang yawng ri naˊ rot seunyaenˊ.”

Roˊma 2:13

Kopti peue leupaws seumeuˊ nanggalˊ Eun Peucawoˊ naˊ ce hkuinˊ meuh peue pun ri mhawngˊ leukahˊ ritroe naˊ, daecti peue hotˊ ri yeuh leukahˊ ritroe naˊ ce palkoe Peucawoˊ sawnˊ Eun ce meuh peue leupaws seumeuˊ.

Roˊma 4:2

Neumneum ka na koˊ, Abraham eun lawn naˊ leupaws seumeuˊ ri kuˊ yeuh eun naˊ koˊ, eun kaw lheuˊ ri kuˊ mhawngˊ ri hk'oˊcuin. Daecti nanggalˊ Eun Peucawoˊ naˊ a hkuinˊ yeuh keutitˊ.

1 Kawˊrinhtuˊ 4:3

Peˊ ri, aˊkoˊ a sumˊ naˊ meuh aˊnhawˊ, peˊ lawn tawsˊ aˊmu ri uiˊ koˊ, uiˊ hkuinˊ seueˊ a nang hpumˊ ri. Neumneum ka naˊ koˊ, saecˊ meuh tuˊ uiˊ naˊ meun, uiˊ hkuinˊ tawsˊ aˊmu ri ti.

1 Kawˊrinhtuˊ 4:5

Kop awnˊ na pawlaee nang kuit a deut nanggalˊ yam ka naˊ unˊ nang rot ka naˊ, koˊ a rot ri yam Peucawoˊ kaw Eun lih rot naˊ reuˊ. Peucawoˊ kaw Eun hueˊ kuˊ moˊ ri vang duimˊlawng naˊ lih vang cengˊ naˊ. Eun kaw tuhˊ kamkuit utˊ nang hpumˊ peue naˊ pucti lih. Yam awnˊ na, peue kaw pun ri rap ri ti hk'aˊ Peucawoˊ sukˊseunˊ Eun ri naˊ kuingˊhpaw maeeˊ kuˊ yeuh ri naˊ ku peue ri.

2 Kawˊrinhtuˊ 1:12

Kuˊ cang mhawngˊ ya ri hk'oˊcuin naˊ meuh a hpumˊ cang yawng ya naˊ hkamˊ a saˊhkiˊ aˊyu imˊ ya pang bhenˊ keuteˊ naˊ ri hk'aˊ seungaˊ chakˊ naˊ maeeˊ ri nang puin ka hpumˊ lih neum Peucawoˊ Eun naˊ. Lheuˊ awnˊ na a meuh hk'aˊnaee vang yeuh ya aˊmawo peˊ naˊ. Ya hkuinˊ aˊyu imˊ hotˊ cuˊyi ka bhenˊ keuteˊ naˊ, daecti aˊyu imˊ ya hotˊ munˊ Eun Peucawoˊ naˊ.

2 Kawˊrinhtuˊ 5:10

Kopti eˊ ri gawmˊeucˊ, punta kaw eˊ pun ri rap kuˊ kuingˊhpaw maeeˊ kuˊ yeuh eˊ yam kawnˊ utˊ eˊ hk'aˊnaee jawngkuiˊ tuˊ ri aenˊ a naˊ, kuˊ meuh kuˊ chakˊ yeuh eˊ naˊ, aˊkoˊ kuˊ unˊ chakˊ yeuh eˊ naˊ, eˊ kaw kah ri ingˊ nanggalˊ ka tenceoˊ tawsˊ aˊmu Eun Hkrit naˊ ku peue ri.