1 Kawˊrinhtuˊ 4:11 - Plang (Blang)

¹¹ Rot maetˊmaenˊ, ya ngeupˊ kuˊ hk'a, sumˊ nyui leuumˊ, cut hk'ohk'eung, pun ri hkamˊ hk'aˊ taˊfaetˊ naˊ maeeˊ unˊ kueˊ vang utˊ.

1 Kawˊrinhtuˊ 4:11 ပူးပေါင်းရင်းမြစ်များ

Mahtae 8:20

Yesuˊ Eun topˊ a, “Soˊ hk'i naˊ kueˊ a keutuiˊ. Saecˊ meuh simˊ peulˊ nang vawo naˊ a ku kueˊ hanˊ. Daecti Konˊ aiˊ peue naˊ Eun koˊ, hpaw Eun caˊ kueˊ vang uinˊ cingˊ ri naˊ.”

Peue caee 14:19

Hawcˊ awnˊ na, peue Yuˊda utˊ nang veng Anhtiˊok naˊ maeeˊ veng Iˊkawˊniˊ ngonˊ naˊ ce ingˊ copˊ ri pun peue cum heunˊ naˊ ce utˊ hk'aˊ ti. Ce dhimˊ Pawˊlu eun ri seumu. Kopti hteumˊ ce eun yeum naˊ, ce olˊ ri heulˊ tec eun hk'aˊnok ka veng naˊ.

Peue caee 16:23

Hawcˊ taˊfaetˊ ce ka heunˊheunˊ naˊ, ce seueˊ ka nang htawngˊ. Ce tuilˊ leukahˊ ri roˊ htawngˊ naˊ eun, ce kah eun koˊ kawn ka meulamlam ri.

Peue caee 23:2

Yam awnˊ na, peue jhawpˊ rit keuting muis Ananiˊ naˊ eun kah peue cawng keunam Pawˊlu eun naˊ ce dah moeng eun Pawˊlu naˊ.

Roˊma 8:35

Aˊnhawˊ ciˊ kaw cang ti eˊ gahˊ hk'aiˊ hk'aˊ leumeusˊkeus Eun Hkrit naˊ pun, hk'aˊ tukhka, hk'aˊ nyhapˊ, hk'aˊ keunhapˊ nokneh, hk'aˊ ngeupˊ ri, unˊ kueˊ hk'ohk'eung, hk'aˊ hk'oˊlhatˊ maeeˊ moeng leungawng aenˊ ce aw?

1 Kawˊrinhtuˊ 9:4

Unˊ kueˊ eˊ ahkvang kaw hk'asomˊ aw?

2 Kawˊrinhtuˊ 11:20

Neumneum ka naˊ koˊ, peue kuˊ ce yeuh peˊ meuh mhaiˊ ri naˊ, peue yeuh ri hk'a ri peˊ naˊ, peue chiˊlai ri hk'a peˊ naˊ, peue tangˊ tuˊ ri lhungˊ keuting naˊ maeeˊ peue dah beh peˊ naˊ peˊ yeunˊhkam ri ce.

2 Kawˊrinhtuˊ 4:8

Ya saecˊ naˊ pun ri hkamˊ hk'aˊ nuic peue ri ku honˊ ku duihˊ naˊ koˊ, daecti a hkuinˊ nang rot ti betˊnyaiˊ ya. Ya saecˊ naˊ kuit unˊ dohˊ, daecti a hkuinˊ nang rot ti htan kuit teuk ya.

Hpiˊliˊpiˊ 4:12

Yam cutyawmˊ naˊ a yeuh saˊnhawˊ naˊ uiˊ yawng a. Yam kueˊ paipeng naˊ a yeuh saˊnhawˊ naˊ, uiˊ ku yawng a yeut. Saecˊ naˊ hk'a ri sakˊ, aˊkoˊ ngeupˊ ri, saecˊ naˊ meuneum aˊkoˊ hk'oˊtukyak, a saecˊ naˊ yeuh saˊnhawˊ koˊ, rin uiˊ ri ti kuˊ vangdohˊ moˊ ka hk'aˊ hitˊ hpumˊ ri kuˊ kueˊ meun uiˊ naˊ hawcˊ.

2 Tiˊmoˊse 3:11

kuˊ keunhapˊ nokneh maeeˊ kuˊ tukhka uiˊ naˊ ce. Mi pun ri yawng kuˊ keunhapˊ peue uiˊ nang veng Anhtiˊok, veng Iˊkawˊniˊ maeeˊ veng Lisˊtraˊ naˊ, daecti Peucawoˊ Eun yeuh uiˊ pon ceu nang awnˊ ce gawmˊeucˊ.