1 Kawˊrinhtuˊ 3:5 - Plang (Blang)

⁵ Apawˊlu eun ciˊ meuh aˊnhawˊ? Pawˊlu eun ciˊ meuh aˊnhawˊ? Gum meuh ya mhaiˊ va peˊ ingˊ yumˊ hotˊ beus kuˊ Peucawoˊ sawngˊ tuilˊ Eun ri ya naˊ.

1 Kawˊrinhtuˊ 3:5 ပူးပေါင်းရင်းမြစ်များ

Mahtae 25:15

Eun tuilˊ leumuil ri kuˊ ti peue naˊ eun hpawnˊ talan, kuˊ ti peue naˊ eun lalˊ talan, kuˊ ti peue naˊ eun ti talan hotˊ seunˊ kuˊ yawng kuˊ cang ce naˊ. Hawcˊ koˊ, eun pucti heulˊ.

Luˊka 1:2

Ce temˊ a seunˊ peue guil leukahˊ munˊ renˊkawn naˊ lahˊ ce eˊ mhawngˊ lawng kuˊ pun ce ri nyu a tangˊ neum yamla ka ri naˊ hawcˊ.

Yoˊhan 3:27

Yoˊhan eun topˊ a, “A lawn unˊ meuh kuˊ Peucawoˊ tuilˊ Eun neum kuingˊ pang maoˊ naˊ koˊ, peue hkuinˊ cang pun keunhawˊ.

Peue caee 18:24

Yam awnˊ na, peue Yuˊda muis Apawˊlu meuh peue veng Alekˊsandrian naˊ eun ingˊ nang veng Eˊfeˊsuˊ naˊ. Eun meuh peue chanan leukahˊ, yawng htawm Seungaˊ naˊ nyawkˊ.

Peue caee 19:1

Yam Apawˊlu kawnˊ utˊ eun nang veng Kawˊrinhtuˊ naˊ, Pawˊlu eun heulˊ hpaˊ nang ngonˊ ka kuingˊ naˊ, eun rot nang veng Eˊfeˊsuˊ. Eun pun ri hk'eupˊ tapaeˊ naˊ ce tehˊ ngonˊ.

Roˊma 15:16

Eun kah uiˊ meuh mhaiˊ Eun Yesuˊ Hkrit, kah uiˊ heulˊ ri peue unˊ meuh peue ceu Yuˊda naˊ ce. Eun kah uiˊ yeuh kanˊ ce peue jhawpˊ rit, a meuh heulˊ paoˊ leukahˊ munˊ renˊkawn Eun Peucawoˊ naˊ ri punta peue unˊ meuh peue ceu Yuˊda naˊ kaw ce keutˊ ri meuh kuˊ tan kuˊ Peucawoˊ rap Eun ri ti pun naˊ, a meuh kuˊ pun ri saicˊ ri seungaˊ chakˊ ri Citˊ seungaˊ chakˊ naˊ.

1 Kawˊrinhtuˊ 12:28

Hk'aˊnaee muk konˊ Hkrit naˊ Peucawoˊ tangˊ Eun ri uinˊ peue caee Eun Yesuˊ naˊ ce nanggalˊ. Lalˊ muk ti muk naˊ Eun tangˊ ri uinˊ peue sangsawnˊ leukahˊ munˊ renˊkawn naˊ ce. Loeˊ muk ti muk naˊ Eun tangˊ ri uinˊ peue sangsawnˊ naˊ ce. Hawcˊ ka naˊ Eun tangˊ ri uinˊ peue yeuh kuˊ hk'oˊamˊ, peue kueˊ lapsawngˊ cang baiˊ peue peuyhat naˊ ce cuin, peue cang teumˊkawm peue, peue kueˊ lapsawngˊ meuh roˊkan maeeˊ peue cang lahˊ leukahˊ unˊ duing mhawngˊ naˊ ce.

1 Kawˊrinhtuˊ 16:12

Ecˊawngˊ uiˊ Apawˊlu eun koˊ, uiˊ saecˊ naˊ coˊcaˊ ri kaw kah eun heulˊ ri peˊ maeeˊ ecˊawngˊ naˊ ce tiduihˊ koˊ, daecti maetˊmaenˊ eun hkuinˊ nang sumˊ heulˊ. Eun lawn kueˊ yam kaw heulˊ koˊ, eun naˊ heulˊ ri peˊ yeut.

1 Kawˊrinhtuˊ 3:10

Kopti meuh a munˊ Peucawoˊ tuilˊ Eun ri uiˊ naˊ, uiˊ pun ri tangˊ kleumˊ ka nya naˊ hawcˊ seunˊ a meuh uiˊ nang chanan plengˊ nya koˊ. Peue seubu naˊ ce ingˊ goˊ hk'aˊpang ka kleumˊ awnˊ na hukˊ. Daecti a kaw goˊ ri yeuh saˊnhawˊ naˊ sawngˊ uinˊ sati ri reuˊ.

1 Kawˊrinhtuˊ 3:22

Pawˊlu eun, aˊkoˊ Apawˊlu eun, aˊkoˊ Petruˊ eun, aˊkoˊ bhenˊ keuteˊ naˊ, aˊkoˊ aˊyu naˊ, aˊkoˊ hk'aˊ yeum naˊ, aˊkoˊ cu yam maetˊmaenˊ naˊ, aˊkoˊ hk'aˊ nanggalˊ naˊ, aˊkoˊ aenˊ ce gawmˊeucˊ meuh a isˊ peˊ.

1 Kawˊrinhtuˊ 3:7

Kop awnˊ na, nang jheumˊ naˊ eun aˊkoˊ nang lhuikˊ naˊ eun ka hkuinˊ aˊyeˊ keuting. Daecti Peucawoˊ Cawoˊ yeuh a keuting naˊ aˊyeˊ keuting Eun.

1 Kawˊrinhtuˊ 9:17

Uiˊ lawn peus hpumˊ ri sangsawnˊ leukahˊ munˊ renˊkawn naˊ koˊ, uiˊ kaw pun lapsawngˊ. Daecti uiˊ lawn yeuh a maeeˊ unˊ peus ri hpumˊ ri koˊ, gup meuh uiˊ nang yeuh a hotˊ yawo beus ka naˊ.

2 Kawˊrinhtuˊ 11:23

Meuh ce mhaiˊ Eun Hkrit aw? (Lahˊ uiˊ a yeuhkiˊ naˊ a seunˊ meuh uiˊ peue maˊrat koˊ.) Uiˊ ku jaen meuh lheuˊ ce ri yeut. Uiˊ yeuh kanˊ heunˊ hk'aiˊ ce ri. Uiˊ tawn pun ri lec htawngˊ heunˊ hk'aiˊ ce ri. Uiˊ pun ri hkamˊ hk'aˊ taˊfaetˊ reng nyawkˊ naˊ lheuˊ ce ri. Uiˊ pun ri keucu hk'eupˊ hk'aˊ daee yeum naˊ heunˊ hk'aiˊ ce ri.

2 Kawˊrinhtuˊ 3:3

Meuh peˊ htawm Eun Hkrit naˊ, peˊ yeuh a pucti lih hawcˊ. Aenˊ a meuh pliˊ ka kanˊ kuˊ yeuh ya naˊ. A hkuinˊ temˊ ri ri lamuikˊ, daecti a temˊ ri ri Citˊ seungaˊ Eun Peucawoˊ Cawoˊ aˊyu imˊ naˊ Eun. A hkuinˊ temˊ ri pang meulˊ seumu naˊ, daecti a temˊ ri ri meulˊ bhumˊ peue naˊ.

2 Kawˊrinhtuˊ 3:6

Eun tuilˊ ya ara chanan kaw ya meuh peue yeuh kanˊ ka kati satˊcaˊ hk'uˊ naˊ. Aenˊ a hkuinˊ meuh kati satˊcaˊ ka tuˊ htawm ka leukahˊ ritroe temˊ ri naˊ, daecti a meuh kati satˊcaˊ ka Citˊ seungaˊ naˊ. Kopti leukahˊ ritroe naˊ toh a aˊyu, daecti Citˊ seungaˊ naˊ a tuilˊ civit naˊ.

2 Kawˊrinhtuˊ 4:1

Kop awnˊ na, kopti pun ya kanˊ aenˊ a ri neum hk'aˊ tukyak Eun Peucawoˊ naˊ, ya hkuinˊ hpumˊ lu.

2 Kawˊrinhtuˊ 4:5

Kopti hpaw ya caˊ sangsawnˊ lawng ka tuˊ meun ya naˊ, daecti ya sangsawnˊ lawng Eun Yesuˊ Hkrit meuh Eun Peucawoˊ naˊ maeeˊ lawng meuh meun ya mhaiˊ peˊ kopti meuh a Yesuˊ Eun naˊ.

2 Kawˊrinhtuˊ 4:7

Daecti ya ri seunˊ ya keutongˊ keuteˊ. Leukahˊ Eun Peucawoˊ naˊ a seunˊ hk'eung ngos heunˊ moˊ ri hk'aˊnaee keutongˊ keuteˊ naˊ. Tiˊca keuting naˊ lih a neum Peucawoˊ Eun, hpaw a caˊ lih neum tuˊ ya naˊ meun.

2 Kawˊrinhtuˊ 5:18

Ceu nang aenˊ ce gawmˊeucˊ lih a neum Peucawoˊ Eun. Eun yeuh eˊ htukˊlung ri ri cu Eun Hkrit Eun. Eun tuilˊ kanˊ kaw yeuh peue htukˊlung ri naˊ ri ya.

2 Kawˊrinhtuˊ 6:1

Hk'aˊnaee vang meuh eˊ peue yeuh kanˊ Eun Peucawoˊ naˊ ya hk'oˊhk'ang a ri peˊ, pawlaee yeuh munˊ Eun Peucawoˊ pun peˊ ri rap ri ti naˊ meuh kuˊ hk'oˊhk'awngˊ.

2 Kawˊrinhtuˊ 6:4

Daecti punta kaw peue yawng meuh ya peue yeuh kanˊ Eun Peucawoˊ naˊ, ya yeuh ku hk'aˊ ku ceu naˊ hk'aˊnaee hk'aˊ yeunˊhkam, hk'aˊ tukhka naˊ maeeˊ hk'aˊ nyhapˊ naˊ.

Eˊfeˊsuˊ 3:7

Pun uiˊ ri meuh mhaiˊ ka leukahˊ munˊ renˊkawn naˊ ri lapsawngˊ munˊ Eun Peucawoˊ tuilˊ Eun ri uiˊ ri kanˊ yeuh ka tiˊca Eun naˊ.

Kawˊlawˊsaeˊ 1:23

A saecˊ yeuh saˊnhawˊ, peˊ kaw kah ri aˊyu imˊ hotˊ hk'aˊ yumˊ peˊ naˊ, cawng keutawnˊ unˊ fuiiˊfaiˊ hk'aiˊ hk'aˊ keutuiˊ hpumˊ kueˊ hk'aˊnaee leukahˊ munˊ renˊkawn naˊ. Aenˊ a meuh leukahˊ munˊ renˊkawn pun peˊ ri mhawngˊ, pun peˊ ri paoˊ a ri kuˊ aˊyu imˊ ku ceu kuˊ pun ri hpanplengˊ ri utˊ hk'aˊruim ka kuingˊ pang maoˊ naˊ. Uiˊ ri, meuh uiˊ Pawˊlu. Uiˊ meuh mhaiˊ ka leukahˊ munˊ renˊkawn aenˊ na.

Kawˊlawˊsaeˊ 1:25

Keutˊ uiˊ ri meuh mhaiˊ ce muk konˊ Hkrit naˊ hotˊ kuˊ Peucawoˊ kah Eun uiˊ paoˊ leukahˊ ri naˊ htonnuk ri peˊ.

1 Tiˊmoˊse 1:12

Munˊ keuting ri Cawoˊ eˊ Yesuˊ Hkrit Cawoˊ tuilˊ kawlˊreng uiˊ naˊ Eun. Kopti sawnˊ Eun uiˊ kati keutawnˊ, Eun uinˊ uiˊ yeuh mhaiˊ ri.

1 Petruˊ 4:10

Htukˊ peˊ ri yeuh mhaiˊ peue ku peue ri hotˊ seunˊ lapsawngˊ pun peˊ neum Peucawoˊ Eun naˊ reuˊ. Lapsawngˊ munˊ Eun Peucawoˊ pun peˊ heunˊ ceu naˊ sawnˊ a hkaem loˊ a hk'aˊnaee vang kati keutawnˊ ri reuˊ.