1 Kawˊrinhtuˊ 12:9 - Plang (Blang)

⁹ Kuˊ seubu ti peue naˊ eun koˊ, Citˊ seungaˊ ti tonˊ awnˊ a tuilˊ eun isˊ hk'aˊ yumˊ naˊ. Kuˊ seubu ti peue naˊ eun koˊ, Citˊ seungaˊ ti tonˊ awnˊ a tuilˊ eun isˊ lapsawngˊ cang baiˊ peue cuin naˊ.

1 Kawˊrinhtuˊ 12:9 ပူးပေါင်းရင်းမြစ်များ

Mahtae 10:8

Baiˊ peue peuyhat naˊ ce cuin. Yeuh peue yeum naˊ ce tang kuhˊ imˊ. Baiˊ peue naw naˊ ce cuin. Ra ri tec seucaˊ naˊ ce. Seunˊ pun hk'oˊhk'awngˊ peˊ a, tang tuilˊ hk'oˊhk'awngˊ a.

Mahtae 21:21

Yesuˊ Eun topˊ a, “Kaw Uiˊ lahˊ a ri peˊ neumneum, peˊ lawn kueˊ hk'aˊ yumˊ unˊ kangkae koˊ, gup kaw peˊ cang yeuh yawo kuˊ meuh ri kleumˊ pliˊ keutuic ti lhemˊ aenˊ a koe naˊ a hkuinˊ meuh, daecti kaw peˊ cang tuilˊ leukahˊ ri gong aenˊ na, ‘Sat ri heulˊ hk'uicˊ lec nang mhaˊseumutˊ naˊ reuˊ’, a ku naˊ meuh yeuh keutitˊ yeut.

Makuˊ 16:18

ce naˊ mheutˊ seueuengˊ ri tiˊ ri, ce saecˊ naˊ hk'a yunˊ, ce hkuinˊ kaw yeuh keunhawˊ ri ka, ce naˊ tangˊ tiˊ ri hk'aˊpang peue peuyhat, peuyhat ce peue awnˊ a ku naˊ cuin.”

Makuˊ 6:13

Ce ra ri tec seucaˊ naˊ heunˊ tuˊ. Ce lhuikˊ peue peuyhat heunˊ peue naˊ ce ri lamawn, ce baiˊ ce cuin.

Luˊka 10:9

Baiˊ peue peuyhat utˊ mawnˊ naˊ ce cuin yeut. Lahˊ a ri ce yeuh keutitˊ, ‘Kuingˊ Eun Peucawoˊ naˊ utˊ a keunam peˊ hawcˊ.’

Luˊka 9:2

Eun cusˊ ce pucti heulˊ sangsawnˊ lawng kuingˊ Eun Peucawoˊ naˊ, kah ce baiˊ peue peuyhat naˊ ce cuin.

Peue caee 10:38

A meuh lawng Peucawoˊ tangˊ Eun ri uinˊ Yesuˊ peue veng Nasaraetˊ naˊ Eun ri cu Eun Citˊ seungaˊ chakˊ naˊ maeeˊ tiˊca ri naˊ, maeeˊ lawng heulˊ Eun ti duihˊ hawcˊ ti duihˊ, Eun yeuh kuˊ chakˊ maeeˊ baiˊ Eun peue utˊ hk'aˊruim tiˊca ka Satan naˊ ce ku peue ri, kopti Peucawoˊ utˊ Eun maeeˊ Heun.

Peue caee 5:15

Kopti peue caee eun Yesuˊ naˊ yeuh ce kuˊ hk'oˊamˊ naˊ, peue klawmˊ peue peuyhat naˊ ce nang hk'eung itˊ ti unˊ lahˊ, pang cong ri unˊ lahˊ, uinˊ ce nang gonˊ hk'aˊ naˊ, punta yam Petruˊ long eun hk'aˊ naˊ, vang leng ka aˊlawng eun naˊ a cang pen peue peuyhat naˊ ce unˊ yawng.

1 Kawˊrinhtuˊ 12:28

Hk'aˊnaee muk konˊ Hkrit naˊ Peucawoˊ tangˊ Eun ri uinˊ peue caee Eun Yesuˊ naˊ ce nanggalˊ. Lalˊ muk ti muk naˊ Eun tangˊ ri uinˊ peue sangsawnˊ leukahˊ munˊ renˊkawn naˊ ce. Loeˊ muk ti muk naˊ Eun tangˊ ri uinˊ peue sangsawnˊ naˊ ce. Hawcˊ ka naˊ Eun tangˊ ri uinˊ peue yeuh kuˊ hk'oˊamˊ, peue kueˊ lapsawngˊ cang baiˊ peue peuyhat naˊ ce cuin, peue cang teumˊkawm peue, peue kueˊ lapsawngˊ meuh roˊkan maeeˊ peue cang lahˊ leukahˊ unˊ duing mhawngˊ naˊ ce.

1 Kawˊrinhtuˊ 12:30

Meuh peue nang pun lapsawngˊ cang baiˊ peue peuyhat naˊ ce cuin ku peue ri aw? Meuh peue nang cang lahˊ leukahˊ unˊ duingˊ mhawngˊ naˊ ku peue ri aw? Meuh peue nang cang ti vangdohˊ ka leukahˊ unˊ duing mhawngˊ naˊ ku peue ri aw?

1 Kawˊrinhtuˊ 13:2

Uiˊ saecˊ naˊ kueˊ lapsawngˊ ka sangsawnˊ leukahˊ munˊ renˊkawn naˊ, aˊkoˊ uiˊ cang yawng kuˊ vangdohˊ ruiˊ ka leukahˊ moˊ ri naˊ, aˊkoˊ uiˊ kueˊ cuˊyi naˊ gawmˊeucˊ, aˊkoˊ uiˊ kueˊ hk'aˊ yumˊ cang kah gong naˊ ce satˊ ri pun naˊ daecti uiˊ lawn unˊ kueˊ hk'aˊ leumeusˊkeus naˊ koˊ, uiˊ hkuinˊ kueˊ ngos saecˊ peunaeˊ.

2 Kawˊrinhtuˊ 4:13

Temˊ a ri nang htawm Seungaˊ naˊ yeuhkiˊ, “Kopti yumˊ uiˊ, uiˊ leukahˊ.” Kopti kueˊ ya hk'aˊ yumˊ seunˊ aenˊ a naˊ, ya leukahˊ.

Eˊfeˊsuˊ 2:8

Kopti meuh a munˊ Eun Peucawoˊ naˊ, peˊ pun hk'aˊ htut lawtpon naˊ ri hk'aˊ yumˊ peˊ naˊ. Hk'aˊ htut aenˊ na, peˊ hkuinˊ pun a ri yeuh meun peˊ a, daecti a meuh lapsawngˊ lih neum Peucawoˊ Eun,

Hebraeˊ 11:33

Kopti meuh a hk'aˊ yumˊ naˊ, peue awnˊ ce pe kuingˊ naˊ, tuilˊ hk'aˊ leupaws seumeuˊ naˊ, pun ri rap ri ti kuˊ Peucawoˊ yeuh Eun kati ri naˊ, dop moeng ka leuvai sangsiˊ naˊ,