1 Kawˊrinhtuˊ 12:16 - Plang (Blang)

¹⁶ Yhukˊ naˊ a lawn lahˊ, “Kopti unˊ meuh uiˊ ngaiˊ naˊ, uiˊ hkuinˊ meuh hk'eung ka jawngkuiˊ tuˊ naˊ.” Kopti lahˊ ka a yeuh keutitˊ naˊ, a hkuinˊ toˊ ri yeuh ri unˊ laee meuh hk'eung ka jawngkuiˊ tuˊ naˊ.

1 Kawˊrinhtuˊ 12:16 ပူးပေါင်းရင်းမြစ်များ

Roˊma 12:10

Leumeusˊ puri seunˊ ecˊawngˊ reuˊ. Tuilˊ puri isˊ munhpungˊ hk'aˊnaee sawnˊ peue chakˊ lheuˊ mi ri naˊ reuˊ.

Roˊma 12:3

Kopti meuh a munˊ tuilˊ ri ri uiˊ naˊ, uiˊ hk'oˊ ri lahˊ a ri peˊ ku peue, pawlaee sawngˊ hteumˊ peˊ keuting lheuˊ kuˊ buih meuh peˊ naˊ. Daecti hk'aˊnaee kueˊ peˊ sati naˊ, sawngˊ kuit yawo pal htan Peucawoˊ tuilˊ Eun ri peˊ naˊ reuˊ.

1 Kawˊrinhtuˊ 12:15

Cung naˊ a lawn lahˊ, “Kopti unˊ meuh uiˊ tiˊ naˊ, uiˊ hkuinˊ meuh hk'eung ka jawngkuiˊ tuˊ naˊ.” Kopti lahˊ ka a yeuh keutitˊ naˊ, a hkuinˊ toˊ ri yeuh ri unˊ laee meuh hk'eung ka jawngkuiˊ tuˊ naˊ.

1 Kawˊrinhtuˊ 12:17

Jawngkuiˊ tuˊ naˊ gawmˊeucˊ a lawn meuh pal ngaiˊ koˊ, a ciˊ kaw kueˊ hk'aˊ cang mhawngˊ naˊ tawngnhawˊ ri naˊ? Jawngkuiˊ tuˊ naˊ gawmˊeucˊ a lawn meuh pal yhukˊ koˊ, a ciˊ kaw kueˊ hk'aˊ cang mhawngˊ saeoˊ naˊ tawngnhawˊ ri naˊ?

1 Kawˊrinhtuˊ 12:22

Neumneum ka naˊ koˊ, hk'eung kuˊ nyu eˊ kawlˊreng kloe hk'aˊnaee jawngkuiˊ tuˊ ri naˊ a lawn unˊ kueˊ a hkuinˊ kaw pun.

Hpiˊliˊpiˊ 2:3

Pawlaee yeuh ri sumˊ lhungˊ sumˊ keuting, pawlaee kuit yawo pun tuˊ ri naˊ palkoe, daecti yeuh a hk'aˊnaee hpumˊ onawnˊ ri, sawnˊ peue ri chakˊ hk'aiˊ tuˊ peˊ naˊ reuˊ.