1 Kawˊrinhtuˊ 12:12 - Plang (Blang)

¹² Jawngkuiˊ tuˊ naˊ a saecˊ pawngˊ ri maeeˊ hk'eung heunˊ hk'eung naˊ, a meuh yawo jawngkuiˊ tuˊ keuhti. Hk'eung naˊ a saecˊ kueˊ heunˊ hk'eung, a pawngˊ ri meuh yawo jawngkuiˊ tuˊ keuhti. Hkrit Eun ku seunˊ awnˊ a yeut.

1 Kawˊrinhtuˊ 12:12 ပူးပေါင်းရင်းမြစ်များ

1 Kawˊrinhtuˊ 10:17

Kopti meuh a hkawomunˊ ti meulˊ naˊ eˊ meuh jawngkuiˊ tuˊ keuhti yawo, kopti ruim eˊ ri hk'a hkawomunˊ ti meulˊ awnˊ a naˊ.

1 Kawˊrinhtuˊ 12:20

Seunˊ awnˊ na, a kueˊ hk'eung naˊ heunˊ ceu, daecti a kueˊ yawo jawngkuiˊ tuˊ keuhti.

1 Kawˊrinhtuˊ 12:27

Meuh peˊ jawngkuiˊ tuˊ Eun Hkrit. Peˊ ri ti peue hawcˊ ti peue peˊ meuh hk'eung ka jawngkuiˊ tuˊ awnˊ a.

1 Kawˊrinhtuˊ 12:7

Lapsawngˊ ka Citˊ seungaˊ naˊ tuilˊ a ri ri peue ku peue punta kaw a kueˊ munˊ pun peue gawmˊeucˊ naˊ.

Galatiˊ 3:16

Peucawoˊ Eun yeuh kati satˊcaˊ ri Abraham eun maeeˊ ceucat eun naˊ. Nang htawm Seungaˊ naˊ a hkuinˊ lahˊ, “ceucat eun naˊ ce”, aenˊ a sumˊ lahˊ peue heunˊ peue. Daecti nang htawm Seungaˊ naˊ a lahˊ, “ceucat mi”, aenˊ a sumˊ lahˊ yawo peue ti peue. Peue awnˊ a meuh Hkrit Eun.

Eˊfeˊsuˊ 1:23

Muk konˊ Hkrit naˊ meuh ce jawngkuiˊ tuˊ Eun Hkrit. Ce htonnuk ri Hkrit Cawoˊ yeuh ku ceu a htonnuk naˊ Eun.

Eˊfeˊsuˊ 4:12

Aenˊ ce meuh a punta kaw rangraen peue Eun Peucawoˊ naˊ ce pun kanˊ mhaiˊ naˊ, punta tuˊ Eun Hkrit naˊ kaw a gawm baet ri keuting hukˊ

Eˊfeˊsuˊ 4:4

Kueˊ a jawngkuiˊ tuˊ keuhti koe maeeˊ Citˊ seungaˊ ti tonˊ koe seunˊ klawng Eun peˊ ingˊ lec hk'aˊ keutuiˊ hpumˊ keuhti koe naˊ,

Eˊfeˊsuˊ 5:23

Kopti me naˊ meuh eun cingˊ eun beunˊ naˊ seunˊ Hkrit meuh Eun cingˊ ce muk konˊ Hkrit naˊ. Hkrit Eun ku meuh Cawoˊ teumˊkawm htut muk konˊ Hkrit kuˊ meuh jawngkuiˊ tuˊ Eun naˊ ce lawtpon yeut.

Eˊfeˊsuˊ 5:30

Kopti meuh eˊ hk'eung ka jawngkuiˊ tuˊ Eun naˊ.

Kawˊlawˊsaeˊ 1:18

Eun meuh cingˊ ka jawngkuiˊ tuˊ, cingˊ ce muk konˊ Hkrit naˊ. Punta kaw Eun meuh Cawoˊ tisutˊ hk'aˊpang ku ceu naˊ, Eun meuh vang la ri tangˊ naˊ maeeˊ Eun meuh nang kuhˊ imˊ hk'aiˊ vang yeum naˊ nanggalˊ.

Kawˊlawˊsaeˊ 1:24

Maetˊmaenˊ, renˊkawn uiˊ maeeˊ kuˊ pun uiˊ ri hkamˊ hk'aˊ tukhka pun peˊ naˊ. Kuˊ tukhka Hkrit pun Eun ri hkamˊ kuˊ kawnˊ vang naˊ, buih seueˊ uiˊ a htonnuk hk'aˊnaee tuˊ ri naˊ pun jawngkuiˊ tuˊ Eun naˊ. Jawngkuiˊ tuˊ Eun naˊ meuh a muk konˊ Hkrit naˊ ce.

Kawˊlawˊsaeˊ 2:19

Ce seunˊ jawngkuiˊ tuˊ unˊ toˊ ri ri Cawoˊ kuˊ meuh cingˊ naˊ Eun koˊ. Cawoˊ aenˊ Eun meuh Cawoˊ yeuh jawngkuiˊ tuˊ gawmˊeucˊ naˊ toˊ ri ri puri ri jhawngˊ naˊ maeeˊ seunak naˊ. A yeuh jawngkuiˊ tuˊ awnˊ a keuting hukˊhawnˊ hotˊ seunˊ kuˊ Peucawoˊ kah Eun a keuting hukˊhawnˊ naˊ.

Kawˊlawˊsaeˊ 3:15

Punta kaw peˊ pun ri rap ri ti hk'aˊ kuit nyawkˊ kuit samˊran cumyenˊ Eun Hkrit naˊ kopti Peucawoˊ klawng Eun ri ti peˊ meuh yawo jawngkuiˊ tuˊ keuhti naˊ, kah hk'aˊ kuit nyawkˊ kuit samˊran cumyenˊ aenˊ a uˊpeung hpumˊ peˊ naˊ reuˊ. Yeuh ri kueˊ hpumˊ munˊ keuting naˊ reuˊ.