1 Kawˊrinhtuˊ 1:7 - Plang (Blang)

⁷ Kop awnˊ na yam buih koˊ peˊ yam Cawoˊ eˊ Yesuˊ Hkrit kaw Eun tang pucti lih naˊ, peˊ hkuinˊ kaw laee deut ri lapsawngˊ hk'aˊ civit naˊ saecˊ ti ceu.

1 Kawˊrinhtuˊ 1:7 ပူးပေါင်းရင်းမြစ်များ

Mahtae 25:1

Yam awnˊ na, kuingˊ pang maoˊ naˊ seunˊ a konˊhk'ihˊ plotˊlon kulˊ peue ce sawngˊ pinˊ kawkˊ ngawl ri kaw heulˊ rap seula penˊ naˊ eun koˊ.

Luˊka 12:36

Yeuh peˊ seunˊ nang yeuh kanˊ rangraen ri koˊ cawoˊ kaw ingˊ neum vang hk'a checˊ naˊ ce. Punta yam cawoˊ naˊ ingˊ toeˊ eun leuvaˊ naˊ, ce ku kaw cang tahˊ leuvaˊ naˊ keulawnˊ dahˊ pun eun.

Luˊka 17:30

Seunyi yam Konˊ aiˊ peue puc Eun ri lih naˊ, a ku kaw seunˊ awnˊ a yeut.

Roˊma 8:19

Kuˊ Peucawoˊ hpanplengˊ Eun gawmˊeucˊ naˊ punta Peucawoˊ kaw Eun tuhˊ a nyu aˊnhawˊ ciˊ meuh konˊ Eun Peucawoˊ naˊ, a buih koˊ ri nawk a.

Roˊma 8:23

A hkuinˊ meuh awnˊ a palkoe, saecˊ eˊ ri kuˊ meuh peue pun pliˊ nanggalˊ ka Citˊ seungaˊ naˊ eˊ ku nyel hk'aˊnaee hpumˊ ri yam buih koˊ eˊ kaw ri meuh konˊ Eun naˊ. Aenˊ a meuh tuˊ eˊ naˊ pun a hk'aˊ htut lawtpon naˊ.

1 Kawˊrinhtuˊ 4:5

Kop awnˊ na pawlaee nang kuit a deut nanggalˊ yam ka naˊ unˊ nang rot ka naˊ, koˊ a rot ri yam Peucawoˊ kaw Eun lih rot naˊ reuˊ. Peucawoˊ kaw Eun hueˊ kuˊ moˊ ri vang duimˊlawng naˊ lih vang cengˊ naˊ. Eun kaw tuhˊ kamkuit utˊ nang hpumˊ peue naˊ pucti lih. Yam awnˊ na, peue kaw pun ri rap ri ti hk'aˊ Peucawoˊ sukˊseunˊ Eun ri naˊ kuingˊhpaw maeeˊ kuˊ yeuh ri naˊ ku peue ri.

2 Kawˊrinhtuˊ 12:13

A lawn unˊ meuh yawo unˊ duing meuh uiˊ beus ri peˊ naˊ koˊ, hpaw peˊ caˊ yawmˊ hk'aiˊ muk konˊ Hkrit seubu naˊ ce. Hk'oˊ peˊ ploeˊ mapˊ uiˊ ri kuˊ kleucˊ aenˊ a reuˊ.

Galatiˊ 5:5

Kopti meuh a hk'aˊ yumˊ naˊ, eˊ keutuiˊ hpumˊ kaw eˊ pun ri rap ri ti hk'aˊ leupaws seumeuˊ naˊ ri neum Citˊ seungaˊ naˊ hotˊ seunˊ kuˊ keutuiˊ hpumˊ eˊ naˊ.

Hpiˊliˊpiˊ 3:20

Daecti eˊ ri meuh eˊ peue kuingˊ pang maoˊ. Eˊ buih koˊ Cawoˊ htut lih neum kuingˊ pang maoˊ meuh Cawoˊ Yesuˊ Hkrit naˊ Eun.

Kawˊlawˊsaeˊ 3:4

Yam Hkrit Cawoˊ meuh Cawoˊ civit peˊ naˊ tang puc Eun ri lih naˊ, yam awnˊ na peˊ ku kaw pucti lih maeeˊ Heun hk'aˊnaee munhpungˊ naˊ yeut.

1 Hteˊsalawˊniˊ 1:10

maeeˊ punta kaw peˊ koˊ Konˊ aiˊ kuˊ kaw lih neum kuingˊ pang maoˊ kuˊ Peucawoˊ yeuh Eun Eun tang kuhˊ imˊ hk'aiˊ vang yeum ri naˊ Eun, ce ku ris a yeut. Eun meuh Yesuˊ Cawoˊ kaw teumˊkawm eˊ lawtpon hk'aiˊ hk'aˊ seungeuengˊ Eun Peucawoˊ kaw ingˊ rot naˊ Eun.

2 Hteˊsalawˊniˊ 1:7

Eun ku kaw hpotˊ peue pun ri hkamˊ kuˊ tukhka naˊ peˊ maeeˊ ye ri yeut. Ceu nang aenˊ ce a kaw keutˊ kueˊ yam Cawoˊ Yesuˊ puc Eun ri lih neum kuingˊ pang maoˊ hk'aˊnaee reung ngawl cengˊ nyawkˊ naˊ maeeˊ inˊhpom kueˊ tiˊca keuting Eun naˊ ce tiduihˊ.

2 Tiˊmoˊse 4:8

Maetˊmaenˊ cuiˊmaw hk'ilˊ leupaws seumeuˊ naˊ koˊ ka uiˊ hawcˊ. Peucawoˊ Cawoˊ tawsˊ aˊmu leupaws seumeuˊ naˊ Eun kaw tuilˊ cuiˊmaw hk'ilˊ awnˊ a meuh lapsawngˊ ri uiˊ hk'aˊnaee seunyi awnˊ na. A hkuinˊ kaw meuh uiˊ ri koe, daecti Eun ku kaw tuilˊ a ri peue renˊkawn maeeˊ kaw Eun tang lih naˊ ce ku peue yeut.

Tiˊtasˊ 2:13

Hk'aˊnaee cu cat aenˊ na, koˊ eˊ vang keutuiˊ hpumˊ munˊ htonnuk naˊ. Vang keutuiˊ hpumˊ munˊ htonnuk awnˊ a meuh munhpungˊ Eun Yesuˊ Hkrit Cawoˊ meuh Peucawoˊ Cawoˊ htut keuting eˊ naˊ kaw a pucti lih naˊ.

Hebraeˊ 9:28

Hkrit Eun ku tan tuˊ ri naˊ meun ti pok yawo punta kaw Eun saicˊ ri tec mapˊ ce peue heunˊ naˊ. Eun kaw tang lih baee lalˊ pok ti pok. A hkuinˊ kaw laee meuh punta kaw Eun lih peus mapˊ naˊ, daecti a meuh punta kaw Eun lih tuilˊ hk'aˊ htut lawtpon naˊ ri peue buih koˊ Eun naˊ ce.

1 Petruˊ 1:13

Kop awnˊ na mheˊ hpumˊ peˊ meulamlam ri, yeuh ri cang eutˊ hpumˊ ri, keutuiˊ hpumˊ munˊ Eun Peucawoˊ kuˊ kaw Eun tuilˊ a ri peˊ yam Yesuˊ Hkrit naˊ Eun tang lih naˊ reuˊ.

1 Petruˊ 4:13

Daecti punta kaw peˊ pun ri renˊkawn nyawkˊ yam munhpungˊ Eun Hkrit naˊ puc a ri lih naˊ, renˊkawn maeeˊ pun peˊ ri hkamˊ kuˊ tukhka naˊ maeeˊ Hkrit Eun reuˊ.

1 Petruˊ 5:4

Yam Cawoˊ keuting goˊ konˊyungˊ naˊ puc Eun ri lih naˊ, peˊ naˊ pun cuiˊmaw hk'ilˊ kueˊ munhpungˊ kuˊ unˊ cang lulaic naˊ.

2 Petruˊ 3:12

yam sumˊ kah peˊ seunyi Eun Peucawoˊ naˊ rot vaeevaee peˊ buih koˊ a naˊ. Seunyi yam awnˊ na, maoˊ naˊ a kaw lulaic ri ngawl naˊ, kuˊ kueˊ hk'aˊnaee keuteˊ naˊ a kaw naee ri kucˊ haˊ ka ngawl naˊ.

1 Yoˊhan 3:2

Aˊmawo leumeusˊ uiˊ naˊ peˊ, maetˊmaenˊ meuh eˊ konˊhk'i Eun Peucawoˊ hawcˊ. Hk'aˊ nanggalˊ ka naˊ eˊ ciˊ kaw yeuh saˊnhawˊ naˊ, eˊ hkuinˊ yawng a. Daecti kuˊ yawng eˊ naˊ yam tang puc Eun ri lih naˊ, eˊ kaw seunˊ Heun ri. Kopti Eun lawn yeuh saˊnhawˊ koˊ, eˊ kaw nyu Eun yeuh saˊawnˊ.

Yuˊda 1:21

Yam buih koˊ peˊ hk'aˊ tukyak Eun Yesuˊ Hkrit eˊ a kaw va peˊ heulˊ ri citˊ tip aˊyu tip cotˊcu naˊ, roksaˊ tuˊ peˊ naˊ utˊ hk'aˊnaee hk'aˊ leumeusˊkeus Eun Peucawoˊ naˊ reuˊ.