1 Kawˊrinhtuˊ 1:4 - Plang (Blang)

⁴ Kopti meuh a munˊ sinˊ Eun Peucawoˊ tuilˊ Eun a ri peˊ hk'aˊnaee Yesuˊ Hkrit Eun naˊ, uiˊ munˊ keuting ri Peucawoˊ Eun pun peˊ laleung.

1 Kawˊrinhtuˊ 1:4 ပူးပေါင်းရင်းမြစ်များ

Mahtae 19:11

Yesuˊ Eun topˊ a ri ce, “Leukahˊ sangsawnˊ aenˊ a lawn unˊ meuh yawo kuˊ Peucawoˊ yeuh Eun peue yeuh pun a naˊ koˊ, hpaw peue caˊ kaw pe hotˊ ri yeuh pun a ku peue.

Yoˊhan 10:30

Uiˊ ri maeeˊ Aˊkuiingˊ meuh ya ti peue.”

Yoˊhan 14:14

Kuˊ hk'oˊ peˊ ri Uiˊ hk'aˊnaee muis Uiˊ naˊ ku ceu ka naˊ, Uiˊ kaw yeuh a yeut.

Yoˊhan 14:16

Uiˊ kaw hk'oˊ a ri Aˊkuiingˊ Eun. Eun kaw tuilˊ peˊ isˊ Cawoˊ seubu kaw teumˊkawm peˊ ti peue. Eun kaw utˊ maeeˊ peˊ cotˊcu ri.

Yoˊhan 14:26

Daecti Citˊ seungaˊ chakˊ kuˊ teumˊkawm kuˊ Aˊkuiingˊ cusˊ Eun lih hk'aˊnaee muis Uiˊ naˊ Eun kaw guil peˊ ri ceu nang aenˊ ce. Eun kaw yeuh peˊ kuit rot ri kuˊ tawn lahˊ Uiˊ ri peˊ naˊ ce ku ceu ka.

Yoˊhan 15:26

Uiˊ kaw cusˊ Cawoˊ teumˊkawm lih neum Aˊkuiingˊ Eun naˊ ri peˊ. Eun meuh Citˊ seungaˊ chakˊ ka hk'aˊ neumneum kuˊ lih neum Aˊkuiingˊ Eun naˊ. Yam naˊ Eun lih rot hawcˊ naˊ, Eun kaw hkamˊ saˊhkiˊ lawng Uiˊ naˊ.

Peue caee 11:23

Yam rot eun tehˊ naˊ, eun pun ri nyu saˊhkiˊ ka munˊ Eun Peucawoˊ naˊ. Eun renˊkawn nyawkˊ. Punta kaw ce hpumˊ keutawnˊ seupit ri Cawoˊ Yesuˊ Eun naˊ, eun tuilˊ kawlˊreng ri ce gawmˊeucˊ.

Peue caee 21:20

Yam pun ce ri mhawngˊ a naˊ, ce sukˊseunˊ Peucawoˊ Eun. Ce lahˊ a ri Pawˊlu eun, “Nawepi, peue Yuˊda pun ri yumˊ, ce ti leukahˊ ritroe naˊ seucen gawmˊeucˊ ri naˊ, ce ciˊ kueˊ aˊneng hengˊ peue mi ku nyu a yeut.

Roˊma 1:8

Nanggalˊ ka naˊ, munˊ keuting uiˊ ri Peucawoˊ uiˊ Eun ri Yesuˊ Hkrit Eun pun peˊ gawmˊeucˊ kopti hk'aˊ yumˊ peˊ naˊ lawsˊ seutuin seutan ka hk'aˊpang bhenˊ keuteˊ naˊ ku duihˊ heulˊ naˊ.

Roˊma 6:17

Daecti munˊ keuting ri Peucawoˊ Eun. Peˊ saecˊ naˊ tawn meuh mhaiˊ ka mapˊ naˊ, peˊ ku yumˊ leukahˊ sangsawnˊ tuilˊ ri ri peˊ naˊ sutˊ hpumˊ ri.

1 Kawˊrinhtuˊ 1:3

Kah munˊ sinˊ maeeˊ hk'aˊ kuit nyawkˊ kuit samˊran cumyenˊ lih neum Kuiingˊ Peucawoˊ eˊ naˊ Eun maeeˊ neum Cawoˊ Yesuˊ Hkrit Eun naˊ kueˊ ri peˊ reuˊ.

1 Tiˊmoˊse 1:14

Munˊ Eun Peucawoˊ eˊ Yesuˊ Hkrit naˊ maeeˊ hk'aˊ yumˊ, hk'aˊ leumeusˊkeus kueˊ hk'aˊnaee Eun naˊ a buit ri lih nuknhenˊ ri uiˊ.