1 Kawˊrinhtuˊ 1:20 - Plang (Blang)

²⁰ Nang kueˊ cuˊyi naˊ ce ciˊ utˊ tawngnhawˊ? Nang yawng htawm naˊ ce ciˊ utˊ tawngnhawˊ? Nang htuˊhtingˊ puri lawng cuˊyi peue cu yam maetˊmaenˊ naˊ ce ciˊ utˊ tawngnhawˊ? Peucawoˊ yeuh Eun cuˊyi ka bhenˊ keuteˊ naˊ ngaˊ heulˊ.

1 Kawˊrinhtuˊ 1:20 ပူးပေါင်းရင်းမြစ်များ

Mahtae 13:22

Kuˊ seumal hk'uicˊ nang tak katˊ naˊ a meuh peue pun ri mhawngˊ leukahˊ munˊ renˊkawn naˊ, daecti kuˊ kuit nyhapˊ hk'aˊnaee yam aˊyu imˊ naˊ maeeˊ hk'aˊ seˊdaiˊ vahtuˊ hk'ilˊ leumuil naˊ ingˊ ghuimˊ a leukahˊ munˊ renˊkawn naˊ. A yeuh leukahˊ munˊ renˊkawn naˊ unˊ cang kueˊ pliˊ.

Yoˊhan 12:31

Maetˊmaenˊ, rot a yam tawsˊ aˊmu ri bhenˊ keuteˊ aenˊ a hawcˊ. Cawoˊ uˊpeung bhenˊ keuteˊ aenˊ kaw a pun ri hkamˊ hk'aˊ ra ri tec ra ri hk'uih naˊ.

Peue caee 17:18

A kueˊ peue kueˊ cuˊyi ti rit Eˊpiˊkuˊliˊ maeeˊ rit Satoˊe naˊ ce ingˊ htuˊhtingˊ eun. Ngonˊ ce lahˊ, “Peue awnˊ eun ciˊ meunuiˊmeunuiˊ sumˊ lahˊ keunhawˊ?” Ngonˊ ce lahˊ, “Seunˊ a meuh eun nang eoˊ sangsawnˊ lawng eun peucawoˊ kuingˊ seubu koˊ.” Ce saecˊ lahˊ a yeuhkoˊ naˊ kopti Pawˊlu sangsawnˊ eun ce ri leukahˊ munˊ renˊkawn lawng Eun Yesuˊ maeeˊ lawng tang kuhˊ imˊ naˊ.

Roˊma 1:20

Kopti tangˊ neum yam bhenˊ keuteˊ naˊ pun a ri hpanplengˊ ri naˊ, tiˊca cotˊcu maeeˊ kueˊ meuh Eun kuˊ peue unˊ cang nyu peue naˊ eˊ pun ri nyu a glihˊgleuengˊ ri neum kuˊ hpanplengˊ Eun naˊ hawcˊ. Kop awnˊ na, peue naˊ peue unˊ laee kueˊ kuˊ kaw htuˊhtingˊ lahˊ ri unˊ yawng Peucawoˊ Eun.

Roˊma 1:22

Ce saecˊ lahˊ ri kueˊ cuˊyi, ce meuh peue ngaˊ suisa.

1 Kawˊrinhtuˊ 1:19

Kopti temˊ a ri lahˊ ri nang htawm Seungaˊ naˊ, “Kaw Uiˊ yeuh cuˊyi ce peue kueˊ cuˊyi naˊ lu. Uiˊ kaw yeuh hk'aˊ hengˊlaetˊ ce peue hengˊlaetˊ naˊ raiˊ heulˊ.”

1 Kawˊrinhtuˊ 1:26

Ecˊawngˊ naˊ peˊ, yam Peucawoˊ klawng Eun ri ti peˊ naˊ, peˊ ciˊ meuh peue yeuh saˊnhawˊ naˊ kuit ri nawk a reuˊ. Hk'aˊnaee peˊ ri, nang hengˊlaetˊ hk'eupˊ htan peuyhaˊ cuˊyi peue tangˊ peue ri uinˊ naˊ hpaw peˊ caˊ toˊ ri kueˊ heunˊ peue, nang kueˊ tiˊca naˊ peˊ ku hkuinˊ kueˊ heunˊ peue, saecˊ meuh nang keutˊ neum peue htan lhungˊ naˊ peˊ ku hkuinˊ kueˊ heunˊ peue yeut.

1 Kawˊrinhtuˊ 1:27

Daecti punta peue hengˊlaetˊ naˊ kaw ce pun ri kaic naˊ, Peucawoˊ Eun leuk ri ti kuˊ bhenˊ keuteˊ naˊ sawnˊ ka a meuh kuˊ ngaˊ naˊ. Punta peue kawlˊreng keuting naˊ kaw ce pun ri kaic naˊ, Peucawoˊ Eun leuk ri ti kuˊ bhenˊ keuteˊ naˊ sawnˊ ka a meuh kuˊ kawlˊreng kloe naˊ.

1 Kawˊrinhtuˊ 1:28

Punta Peucawoˊ kaw Eun yeuh kuˊ bhenˊ keuteˊ naˊ sawnˊ ka a meuh vahtuˊ hk'ilˊ leumuil naˊ lulaic heulˊ naˊ, Eun leuk ri ti kuˊ bhenˊ keuteˊ naˊ sawnˊ ka a meuh kuˊ tem nyawkˊ, meuh kuˊ unˊ nawpsang ka naˊ maeeˊ meuh kuˊ unˊ kueˊ peuehotˊ naˊ.

1 Kawˊrinhtuˊ 11:32

Yam Cawoˊ Yesuˊ tawmˊ ram Eun ri eˊ naˊ, taˊfaetˊ sawnˊ Eun eˊ punta kaw eˊ unˊ pun ri hkamˊ hk'aˊ ciyang naˊ maeeˊ peue bhenˊ keuteˊ naˊ ce tiduihˊ naˊ.

1 Kawˊrinhtuˊ 2:6

Saecˊ yeuh saˊnhawˊ, lahˊ eˊ leukahˊ cuˊyi naˊ ri peue hengˊ keuting naˊ ce hawcˊ. A hkuinˊ meuh cuˊyi ce peue cu aenˊ na, a ku hkuinˊ meuh cuˊyi ce cawoˊ uˊpeung cu maetˊmaenˊ kuˊ kaw lulaic heulˊ naˊ ce.

1 Kawˊrinhtuˊ 2:8

Cawoˊ uˊpeung cu yam maetˊmaenˊ naˊ ce hkuinˊ kueˊ nang leuceng pun cuˊyi aenˊ a saecˊ ti peue. Kopti ce lawn naˊ leuceng pun a koˊ, ce hkuinˊ kaw duing tawkˊ Cawoˊ munhpungˊ keuting naˊ Eun pang kleumˊ rawngˊtawpˊ naˊ.

1 Kawˊrinhtuˊ 3:18

Pawlaee chiˊlai tuˊ ri naˊ meun. Hk'aˊnaee peˊ ri ti ri peue, aˊnhawˊ lawn mhawngˊ ri hengˊlaetˊ hotˊ htan cu maetˊmaenˊ naˊ koˊ, punta kaw eun meuh peue hengˊlaetˊ naˊ, kaw eun kah ri meuh “peue ngaˊ”.

1 Kawˊrinhtuˊ 3:19

Kopti cuˊyi ka bhenˊ keuteˊ aenˊ meuh a kuˊ ngaˊ ri saiˊ ngaiˊ Eun Peucawoˊ, hotˊ seunˊ kuˊ temˊ a ri hk'aˊnaee htawm Seungaˊ naˊ koˊ, “Peucawoˊ mheutˊ Eun ri ti peue hengˊlaetˊ naˊ ce ri hk'aˊ vokˊ ce naˊ meun.”

1 Kawˊrinhtuˊ 6:2

Unˊ yawng peˊ peue Eun Peucawoˊ naˊ kaw ce tawsˊ aˊmu ri peue bhenˊ keuteˊ naˊ ce aw? Peˊ lawn naˊ meuh nang tawsˊ aˊmu ri peue bhenˊ keuteˊ naˊ ce koˊ, kaw peˊ unˊ cang tawsˊ aˊmu aetˊaetˊ aenˊ ce aw?

Yakopˊ 4:4

Peue kati unˊ keutawnˊ ri Peucawoˊ Eun naˊ peˊ, aˊnhawˊ lawn yeuh aˊmawo ka bhenˊ keuteˊ naˊ koˊ, meuh eun ransu ri Peucawoˊ Eun, unˊ yawng peˊ a aw? Kop awnˊ na, aˊnhawˊ lawn leuk ri yeuh aˊmawo ka bhenˊ keuteˊ naˊ koˊ, meuh eun ransu ri Peucawoˊ Eun yeut.