1 Hteˊsalawˊniˊ 3:3 - Plang (Blang)

³ maeeˊ punta kaw peˊ unˊ kueˊ nang keuyuihˊ fuiiˊfaiˊ hk'aˊnaee kuˊ tukhka aenˊ ce saecˊ ti peue naˊ. Peucawoˊ rangraen Eun ri tangˊ peˊ kaw hkamˊ ceu nang aenˊ ce naˊ peˊ ku yawng a meulamlam ri yeut.

1 Hteˊsalawˊniˊ 3:3 ပူးပေါင်းရင်းမြစ်များ

Luˊka 21:12

Daecti nanggalˊ yam aenˊ ce gawmˊeucˊ unˊ nang meuh ka naˊ, peue kaw mheutˊ ri keunhapˊ peˊ. Ce kaw cusˊ peˊ heulˊ nang saˊla vang hk'oˊ munˊ naˊ maeeˊ nang htawngˊ naˊ. Ce kaw va peˊ heulˊ ri hkunˊhawˊhkamˊ maeeˊ cawoˊ veng naˊ ce. Aenˊ ce gawmˊeucˊ a meuh kopti muis Uiˊ naˊ.

Yoˊhan 16:2

Ce kaw ra ri tec peˊ hk'aiˊ saˊla vang hk'oˊ munˊ naˊ. Neumneum ka naˊ koˊ, ti seunyi ka, kuˊ toh peˊ naˊ kaw ce hteumˊ ri buih yeuh kanˊ Eun Peucawoˊ naˊ.

Yoˊhan 16:33

Punta kaw peˊ kueˊ hk'aˊ kuit nyawkˊ kuit samˊran cumyenˊ hk'aˊnaee Uiˊ naˊ, Uiˊ lahˊ lawng aenˊ ce ri peˊ. Peˊ kaw kueˊ hk'aˊ kuit nyhapˊ kuit yak hk'aˊpang bhenˊ keuteˊ aenˊ na. Daecti, hpumˊ samˊran reuˊ. Pe Uiˊ bhenˊ keuteˊ naˊ hawcˊ.”

Peue caee 14:22

Punta kaw ka teumˊkawm tapaeˊ naˊ ce reng keuting naˊ, tuilˊ kawlˊreng ce kueˊ hpumˊ keutawnˊ hk'aˊnaee hk'aˊ yumˊ naˊ. Ka sangsawnˊ ce. Ka lahˊ, “Punta kaw eˊ pun ri lec nang kuingˊ Eun Peucawoˊ naˊ, eˊ kaw kah ri hkamˊ kuˊ tukhka heunˊ ceu naˊ.”

Peue caee 2:25

Hkunˊhawˊhkamˊ Davitˊ eun ku lahˊ lawng Eun naˊ yeuhkiˊ, ‘A saecˊ meuh yamnhawˊ nyu uiˊ Peucawoˊ utˊ Eun nanggalˊ ri naˊ. Kopti utˊ Eun hk'aˊ aˊtawmˊ uiˊ naˊ, uiˊ kaw unˊ fuiiˊfaiˊ.

Peue caee 21:11

Eun ingˊ ri ye. Eun ti saeˊcaetˊ eun Pawˊlu naˊ eun mawt tiˊ cung ri naˊ ri ka. Hawcˊ koˊ, eun lahˊ, “Citˊ seungaˊ chakˊ naˊ lahˊ ka a yeuh keutitˊ, ‘Peue Yuˊda utˊ nang veng Yeruˊsalaem naˊ kaw ce mawt cawoˊ ka saeˊcaetˊ aenˊ eun yeuhkiˊ. Ce kaw ap eun ri peue unˊ meuh peue ceu Yuˊda naˊ ce.’ ”

Peue caee 21:13

Pawˊlu eun topˊ a, “A ciˊ meuh kop keunhawˊ peˊ vaeeˊ yam, yeuh hpumˊ uiˊ kaw gvahˊ. Unˊ makˊ nang lahˊ chaeeˊ kaw peue mawt uiˊ. Uiˊ saecˊ naˊ pun ri yeum nang veng Yeruˊsalaem naˊ koˊ, kopti meuh a muis Eun Yesuˊ naˊ, rangraen uiˊ ri hawcˊ.”

Peue caee 9:16

Kopti meuh a muis Uiˊ naˊ, eun kaw pun ri tukhka aˊneng, Uiˊ kaw yeuh eun nyu a.”

Roˊma 5:3

Lheuˊ awnˊ na, eˊ ku renˊkawn sukˊseunˊ hk'aˊnaee hk'aˊ tukhka ri naˊ yeut, kopti yawng eˊ hk'aˊ tukhka naˊ yeuh a hk'aˊ yeunˊhkam naˊ keutˊ kueˊ.

1 Kawˊrinhtuˊ 15:58

Kop awnˊ na ecˊawngˊ leumeusˊ uiˊ naˊ peˊ, cawng keutawnˊ, pawlaee va ri keuyuihˊ fuiiˊfaiˊ. Saecˊ yamnhawˊ, saeˊcaeeˊ yeuh kanˊ Eun Peucawoˊ naˊ htonnuk reuˊ. Kopti tup yawng peˊ kanˊ kuˊ yeuh peˊ hk'aˊnaee Heun naˊ kaw a unˊ meuh kuˊ hk'oˊhk'awngˊ naˊ.

1 Kawˊrinhtuˊ 4:9

Kopti nyu uiˊ Peucawoˊ Eun uinˊ peue caee Eun Hkrit naˊ ya vang tisutˊ ka naˊ seunˊ peue kaw pun ri yeum eun hawcˊ tawsˊ aˊmu ri naˊ eun koˊ. Ya meuh kuˊ hk'oˊsumˊ keunyas ri saˊhpahtaˊ ku ceu naˊ, ri inˊhpom naˊ ce maeeˊ ri peue naˊ ce.

Eˊfeˊsuˊ 3:13

Kop awnˊ na, kopti meuh a hk'aˊ tukhka uiˊ pun peˊ naˊ, uiˊ hk'oˊ peˊ naˊ pawlaee hpumˊ lu, meuh a munhpungˊ peˊ.

Hpiˊliˊpiˊ 1:28

Unˊ lhatˊ ri peue toˊtamˊ peˊ naˊ ce naˊ, kaw a meuh hetˊ pun ce ri nyu kaw ce pun ri lulaic, daecti peˊ kaw pun ri lawtpon ri Peucawoˊ Eun.

Kawˊlawˊsaeˊ 1:23

A saecˊ yeuh saˊnhawˊ, peˊ kaw kah ri aˊyu imˊ hotˊ hk'aˊ yumˊ peˊ naˊ, cawng keutawnˊ unˊ fuiiˊfaiˊ hk'aiˊ hk'aˊ keutuiˊ hpumˊ kueˊ hk'aˊnaee leukahˊ munˊ renˊkawn naˊ. Aenˊ a meuh leukahˊ munˊ renˊkawn pun peˊ ri mhawngˊ, pun peˊ ri paoˊ a ri kuˊ aˊyu imˊ ku ceu kuˊ pun ri hpanplengˊ ri utˊ hk'aˊruim ka kuingˊ pang maoˊ naˊ. Uiˊ ri, meuh uiˊ Pawˊlu. Uiˊ meuh mhaiˊ ka leukahˊ munˊ renˊkawn aenˊ na.

1 Hteˊsalawˊniˊ 5:9

Kopti Peucawoˊ hpaw Eun caˊ hkvetˊ ti uinˊ eˊ kaw hk'eupˊ hk'aˊ seungeuengˊ peulel ri naˊ. Daecti Eun hkvetˊ ti uinˊ eˊ kaw pun hk'aˊ htut lawtpon naˊ ri Cawoˊ Yesuˊ Hkrit eˊ naˊ Eun.

2 Hteˊsalawˊniˊ 1:4

Kop awnˊ na, ye sukˊseunˊ peˊ nanggalˊ ce muk konˊ Hkrit Eun Peucawoˊ naˊ kopti meuh a hk'aˊ yeunˊhkam peˊ naˊ maeeˊ hk'aˊ yumˊ peˊ naˊ ri kuˊ buih hk'eupˊ peˊ kuˊ keunhapˊ nokneh naˊ maeeˊ kuˊ copˊlong heunˊ ceu maetˊmaenˊ naˊ.

2 Tiˊmoˊse 1:8

Kop awnˊ na, pawlaee kaic ri hkamˊ eˊ saˊhkiˊ lawng Eun Peucawoˊ eˊ naˊ maeeˊ pawlaee kaic ri uiˊ kuˊ pun uiˊ ri hk'awngˊ ri nang htawngˊ pun Heun naˊ. Daecti hkamˊ kuˊ tukhka naˊ pun leukahˊ munˊ renˊkawn naˊ ri tiˊca Eun Peucawoˊ naˊ maeeˊ uiˊ tiduihˊ reuˊ.

1 Petruˊ 2:21

Meuh a aenˊ ce hawcˊ kuˊ Peucawoˊ klawng Eun ri ti peˊ naˊ, kopti saecˊ meuh Hkrit Eun ku pun ri hkamˊ kuˊ tukhka naˊ pun peˊ. Eun yeuh ri uinˊ kuˊ kaw peˊ hotˊ ri yeuh naˊ hawcˊ, hotˊ dak cung Eun naˊ heulˊ reuˊ.

Tuhˊ ri tuilˊ 2:10

Pawlaee lhatˊ ri kuˊ tukhka pun mi ri hkamˊ naˊ ce. Kaw Uiˊ lahˊ a ri mi, punta seucaˊ rai naˊ kaw a long ri nawk mi naˊ, a kaw hk'awngˊ peˊ ngonˊ nang htawngˊ. Mi kaw pun ri hkamˊ kuˊ keunhapˊ nokneh naˊ pun kulˊ seunyi. Mi saecˊ naˊ rot htan kaw ri yeum, kati keutawnˊ reuˊ. Kaw Uiˊ tuilˊ cuiˊmaw hk'ilˊ civit imˊ naˊ ri mi.

Tuhˊ ri tuilˊ 2:13

“Yawng Uiˊ vang utˊ mi naˊ. Meuh a vang uˊpeung ka Satan naˊ. A saecˊ yeuh saˊnhawˊ jhawpˊ mi muis Uiˊ naˊ keutawnˊ. Saecˊ meuh yam Anhtiˊpasˊ kuˊ meuh nang hkamˊ saˊhkiˊ kati keutawnˊ Uiˊ naˊ pun eun ri hkamˊ toh peue ri nang veng mi vang utˊ ka Satan naˊ, mi ri mi hkuinˊ tecla hk'aˊ yumˊ ri Uiˊ naˊ.