1 Hteˊsalawˊniˊ 1:3 - Plang (Blang)

³ Nanggalˊ Eun Kuiingˊ Peucawoˊ eˊ naˊ saecˊ meuh yamnhawˊ ye kuit rot ri kanˊ kuˊ yeuh peˊ hk'aˊnaee hk'aˊ yumˊ naˊ, ri kanˊ katcin yeuh peˊ hk'aˊnaee hk'aˊ leumeusˊkeus naˊ maeeˊ ri hk'aˊ yeunˊhkam peˊ hk'aˊnaee keutuiˊ hpumˊ peˊ Cawoˊ eˊ Yesuˊ Hkrit Eun naˊ.

1 Hteˊsalawˊniˊ 1:3 ပူးပေါင်းရင်းမြစ်များ

Yoˊhan 14:15

Peˊ lawn leumeusˊ Uiˊ koˊ, peˊ kaw leuceng ri ti leukahˊ tuilˊ Uiˊ naˊ.

Yoˊhan 15:10

Peˊ lawn leuceng ri ti leukahˊ tuilˊ Uiˊ naˊ koˊ, peˊ ku naˊ utˊ hk'aˊnaee hk'aˊ leumeusˊkeus Uiˊ naˊ seunˊ leuceng Uiˊ ri ti leukahˊ tuilˊ Eun Aˊkuiingˊ naˊ maeeˊ utˊ Uiˊ hk'aˊnaee hk'aˊ leumeusˊkeus Eun naˊ.

Peue caee 10:31

Eun lahˊ, ‘Kawneliˊ, Peucawoˊ mhawngˊ Eun sengˊ hk'oˊ mi munˊ naˊ maeeˊ kuit rot Eun ri kuˊ teumˊkawm mi peue hk'oˊtukyak naˊ ce hawcˊ.

Peue caee 3:19

Kop awnˊ na punta Peucawoˊ kaw Eun saicˊ ri tec mapˊ peˊ naˊ, tawsˊ hpumˊ fuin mapˊ ri hpawtˊ ri ingˊ ri Peucawoˊ Eun reuˊ. Peˊ lawn yeuh keutitˊ koˊ, hk'aˊ kuit samˊran naˊ a kaw lih neum Peucawoˊ Eun,

Roˊma 12:12

Renˊkawn hk'aˊnaee vang keutuiˊ hpumˊ naˊ reuˊ. Yeunˊhkam hk'aˊ tukhka naˊ reuˊ. Kati keutawnˊ hk'aˊnaee hk'oˊ munˊ naˊ reuˊ.

Roˊma 15:13

Punta kaw peˊ htonnuk ri hk'aˊ keutuiˊ hpumˊ ri tiˊca ka Citˊ seungaˊ chakˊ naˊ, kah Peucawoˊ Cawoˊ keutuiˊ hpumˊ peˊ Eun naˊ Eun yeuh peˊ htonnuk ri hk'aˊ renˊkawn naˊ maeeˊ hk'aˊ kuit nyawkˊ kuit samˊran cumyenˊ naˊ kopti hanˊ peˊ maeeˊ Heun naˊ reuˊ.

Roˊma 15:4

Kopti punta kaw eˊ kueˊ hk'aˊ keutuiˊ hpumˊ ri hk'aˊ yeunˊhkam naˊ maeeˊ ri hk'aˊ tuilˊ kawlˊreng neum htawm Seungaˊ naˊ, leukahˊ temˊ ri yam pon heulˊ hawcˊ naˊ a temˊ ri punta kaw a sangsawnˊ eˊ.

Roˊma 16:26

daecti maetˊmaenˊ Eun tuhˊ eˊ nyu yawng a glihˊgleuengˊ ri htawm Seungaˊ temˊ ce peue suip leukahˊ Eun Peucawoˊ naˊ ce hotˊ seunˊ leukahˊ tuilˊ Eun Peucawoˊ cotˊcu naˊ Eun punta peue ceu gawmˊeucˊ naˊ kaw ce pun ri yumˊ pun ri leuceng Eun naˊ,

Roˊma 16:6

Mariˊ kuˊ saeˊcaeeˊ yeuh kanˊ pun peˊ naˊ lahˊ eun mhawngˊ leunyeng uiˊ ri heun.

Roˊma 2:7

Pun ce peue coˊcaˊ ri yeuh kuˊ chakˊ, hotˊ ri sok munhpungˊ lhungˊ keuting maeeˊ hotˊ ri sok aˊyu cotˊcu naˊ ce koˊ, Peucawoˊ Eun kaw tuilˊ citˊ tip aˊyu tip cotˊcu naˊ ri ce.

1 Kawˊrinhtuˊ 13:13

Kop awnˊ na, maetˊmaenˊ kueˊ a loeˊ ceu. Aenˊ ce a meuh hk'aˊ yumˊ, hk'aˊ keutuiˊ hpumˊ maeeˊ hk'aˊ leumeusˊkeus naˊ. Daecti hk'aˊ leumeusˊkeus naˊ a keuting hk'aiˊ ce.

1 Kawˊrinhtuˊ 15:58

Kop awnˊ na ecˊawngˊ leumeusˊ uiˊ naˊ peˊ, cawng keutawnˊ, pawlaee va ri keuyuihˊ fuiiˊfaiˊ. Saecˊ yamnhawˊ, saeˊcaeeˊ yeuh kanˊ Eun Peucawoˊ naˊ htonnuk reuˊ. Kopti tup yawng peˊ kanˊ kuˊ yeuh peˊ hk'aˊnaee Heun naˊ kaw a unˊ meuh kuˊ hk'oˊhk'awngˊ naˊ.

2 Kawˊrinhtuˊ 2:17

Kopti hpaw ya caˊ seunˊ peue heunˊ naˊ ce. Ce ri, heulˊ paingˊ ce ri hk'a leukahˊ Eun Peucawoˊ naˊ. Daecti ya ri, ya sangsawnˊ a ri cu ya Hkrit Eun naˊ seunˊ meuh ya peue kati keutawnˊ naˊ, seunˊ meuh ya peue lih neum Peucawoˊ Eun naˊ maeeˊ seunˊ meuh ya peue utˊ nanggalˊ Eun Peucawoˊ naˊ.

Galatiˊ 1:4

Punta kaw eˊ lawtpon cu yam saˊhkatˊ rai maetˊmaenˊ aenˊ a naˊ, Hkrit Eun yawmˊ ri sum tuˊ ri naˊ pun mapˊ eˊ naˊ hotˊ seunˊ alo Eun Kuiingˊ Peucawoˊ eˊ naˊ.

Galatiˊ 5:13

Ecˊawngˊ naˊ peˊ, punta kaw peˊ pun ri pon naˊ, Peucawoˊ klawng Eun ri ti peˊ. Daecti, pawlaee loˊ hk'aˊ pon peˊ naˊ hotˊ ri yeuh alo ka hk'aˊ nhamˊ keune ri naˊ heulˊ. Daecti, yeuh mhaiˊ puri ti peue hawcˊ ti peue ri hk'aˊ leumeusˊkeus naˊ reuˊ.

Galatiˊ 5:6

Kopti hk'aˊnaee Yesuˊ Hkrit Eun naˊ, tonˊ duingˊ hakˊ ri, aˊkoˊ unˊ tonˊ ri naˊ a hkuinˊ laee kueˊ ngos saecˊ peunaeˊ. Kuˊ kueˊ aˊyeˊ keuting ti ceu yawo naˊ meuh a hk'aˊ yumˊ kuˊ yeuh ri pucti lih hk'aˊnaee hk'aˊ leumeusˊkeus naˊ.

Galatiˊ 6:9

Pawlaee kawlˊreng kloe ri hk'aˊnaee vang yeuh kuˊ chakˊ naˊ, kopti eˊ lawn unˊ hpumˊ keuceum koˊ, eˊ kaw pun ri vuic yam cawpˊ a yam ri naˊ.

1 Hteˊsalawˊniˊ 3:6

Daecti maetˊmaenˊ Tiˊmoˊse tang ingˊ rot eun hawcˊ. Eun ingˊ ris ya mhawngˊ leukahˊ renˊkawn lawng hk'aˊ yumˊ maeeˊ hk'aˊ leumeusˊkeus peˊ naˊ. Eun ku lahˊ ya mhawngˊ lawng kuit rot peˊ ri kuˊ chakˊ yeuh ye laleung naˊ maeeˊ lawng seunˊ sumˊ nyu ye peˊ naˊ peˊ ku tang sumˊ nyu ye yeut.

2 Hteˊsalawˊniˊ 1:11

Hk'aˊnaee vang kuit ye ri nawk ceu nang aenˊ ce naˊ, ye hk'oˊ munˊ pun peˊ laleung, unˊ laee deut. Kah Peucawoˊ eˊ naˊ Eun sawnˊ peˊ kuingˊ maeeˊ hk'aˊ klawng Eun ri ti peˊ naˊ. Kah kuˊ chakˊ keutuiˊ hpumˊ peˊ ku ceu naˊ maeeˊ kuˊ yeuh peˊ pucti lih neum hk'aˊ yumˊ peˊ ku ceu naˊ htonnuk ri tiˊca Eun naˊ reuˊ.

2 Hteˊsalawˊniˊ 1:3

Ecˊawngˊ naˊ peˊ, htukˊ ye ri munˊ keuting ri Peucawoˊ Eun pun peˊ laleung. Yeuh keutitˊ naˊ, a naˊ cawpˊ. Kopti hk'aˊ yumˊ peˊ naˊ baet a ri keuting heunˊ naˊ, hk'aˊ leumeusˊkeus peˊ puri naˊ a ku baet ri keuting heunˊ yeut.

1 Tiˊmoˊse 1:14

Munˊ Eun Peucawoˊ eˊ Yesuˊ Hkrit naˊ maeeˊ hk'aˊ yumˊ, hk'aˊ leumeusˊkeus kueˊ hk'aˊnaee Eun naˊ a buit ri lih nuknhenˊ ri uiˊ.

1 Tiˊmoˊse 2:3

Yeuh keutitˊ naˊ chakˊ ka. A htukˊ hpumˊ Eun Peucawoˊ Cawoˊ teumˊkawm htut eˊ lawtpon

Hebraeˊ 10:36

Peˊ naˊ kah ri yeunˊhkam. Kopti peˊ lawn yeuh hotˊ alo Eun Peucawoˊ naˊ koˊ, peˊ kaw pun ri rap ri ti kuˊ Peucawoˊ yeuh Eun kati ri naˊ.

Hebraeˊ 11:17

Kopti meuh a hk'aˊ yumˊ naˊ, yam Peucawoˊ long Eun ri nawk Abraham eun naˊ, Abraham eun ku tan Iˊcakˊ eun meuh kuˊ tan. Peue rap ri ti leukahˊ kati Eun Peucawoˊ awnˊ eun rangraen ri kaw tan konˊ aiˊ ti peue koe ri naˊ eun.

Hebraeˊ 13:21

punta kaw peˊ hotˊ ri yeuh alo Eun naˊ, kah Eun yeuh peˊ htonnuk ri kuˊ chakˊ ku ceu naˊ maeeˊ kah Eun yeuh kanˊ hk'aˊnaee peˊ hotˊ kuˊ htukˊ hpumˊ Eun naˊ ri Yesuˊ Hkrit Eun reuˊ. Kah munhpungˊ naˊ kueˊ ri Heun cotˊcu ri reuˊ. Amin.

Hebraeˊ 4:11

Kop awnˊ na, punta aˊnhawˊ kaw a unˊ hotˊ ri yeuh seunˊ kuˊ yeuh ce peue unˊ yumˊ naˊ saecˊ ti peue naˊ, kah eˊ coˊcaˊ ri lec hk'aˊ keuluiˊ awnˊ a ri hk'aˊ ku ceu naˊ reuˊ.

Hebraeˊ 6:15

Kop awnˊ na, kopti Abraham yeunˊhkam koˊ eun naˊ, eun pun ri rap ri ti hotˊ kuˊ Peucawoˊ yeuh Eun kati ri naˊ.

1 Petruˊ 3:4

Daecti kah a glihˊ lih neum hk'aˊnaee tuˊ ri naˊ. Aenˊ na a meuh hpaw ngam unˊ cang cuitˊ ka hpumˊ onawnˊ cang utˊ cumyenˊ naˊ. Hpumˊ yeuhkiˊ naˊ a ngos heunˊ hk'aˊnaee saiˊ ngaiˊ Eun Peucawoˊ.

1 Yoˊhan 3:18

Konˊ leumeusˊ uiˊ naˊ peˊ, pawlaee leumeusˊ puri ri leukahˊ maeeˊ ri moeng ri naˊ palkoe, daecti leumeusˊ puri ri kuˊ yeuh maeeˊ kuˊ leupaws seumeuˊ naˊ reuˊ.

1 Yoˊhan 3:21

Aˊmawo leumeusˊ uiˊ naˊ peˊ, hpumˊ eˊ naˊ a lawn unˊ tangˊ mapˊ naˊ ri eˊ meun koˊ, eˊ kaw hpumˊ keutawnˊ ri nanggalˊ Eun Peucawoˊ.

1 Yoˊhan 3:3

Peue keutuiˊ hpumˊ a yeuhkiˊ hk'aˊnaee Heun naˊ peue ku peue, ce kaw yeuh tuˊ ri naˊ seungaˊ chakˊ seunˊ seungaˊ chakˊ Heun naˊ.

1 Yoˊhan 5:3

Leumeusˊ Peucawoˊ Eun naˊ meuh a hotˊ ri yeuh leukahˊ tuilˊ Eun naˊ. Leukahˊ tuilˊ Eun naˊ a hkuinˊ toˊ ri meuh kuˊ kaw yeuh unˊ pun.

Tuhˊ ri tuilˊ 2:19

“Yawng Uiˊ kuˊ yeuh mi naˊ, hk'aˊ leumeusˊkeus mi naˊ, hk'aˊ yumˊ mi naˊ, hk'aˊ yeuh mi mhaiˊ naˊ maeeˊ hk'aˊ yeunˊhkam mi naˊ. Uiˊ yawng, maetˊmaenˊ yeuh mi ceu nang aenˊ ce lheuˊ hk'aiˊ nanggalˊ aenˊ na.

Tuhˊ ri tuilˊ 3:10

Kopti yeunˊhkam mi ri hotˊ leukahˊ tuilˊ Uiˊ naˊ, yam kuˊ long ri nawk naˊ punta kaw a long ri nawk peue utˊ pang bhenˊ keuteˊ naˊ ce a rot pang bhenˊ keuteˊ naˊ ku duihˊ naˊ, Uiˊ ku kaw yeuh mi lawtpon hk'aiˊ cu ka naˊ.