Tite 3:1 - Nyanmien nde Ufle

¹ Kpen bé wla ke bé bu bé nga bé sié bé'n nin bé nga bé dyran bé dya nun'n bé swran, man bé nyin yi bé, sa kpa kwlaa nga bé sé bé ke bé yô'n, man bé yô.

NYANMIƐN NDƐ'N 1998

¹ Kpɛn bé wla kɛ be bu be nga be sie be'n nin be nga be jran bé ja nun'n be sran, man bé nyin yi be, sa kpa kwlaa nga be se be kɛ be yo'n, man be yo.

Tite 3:1 ပူးပေါင်းရင်းမြစ်များ

Matthieu 22:21

Ye bé waan: César lieo. Ye o sé bé ke: Se o ti so'n, anh fa ng'o ti César lie'n men, ye ng'o ti Nyanmien lie'n, anh fah men.

1 Korɛntfuɛ Mun 15:58

I so'n ti, n niaan kpa mun, anh dyran kéklé, nanh amun wun usu amun, anh di é Min'n i dyunman'n kpa o amun nyrun tititi. Man an si kpa ke liké nga é yô man é Min'n, o su ka'a ngben.

Efɛzfuɛ Mun 2:10

Afin é ti i sa nuan liké, ke é nin Christ-Jésus é yôô swran wunmuan'n, Nyanmien bô é ufle nan é yô nyôlie kpakpa ng'o dun mmua sié é ke é yô'n.

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

1 Timote 2:2

Anh sre i ke o nian famien nin swran ngblingbli'n kwlaa bé su, man é di aladyé, é nyan é ti fouun nan é srô Nyanmien kpa, é nzuen'n yô kpa.

1 Timote 4:6

Se a ken i so klé aniaan mun'n, bo a fa Nyanmien i sulafile nde'n nin liké kpa nga bé kléé wo bo a fali su'n katyi ke wo alie sa'n, ah yôh Christ-Jésus i dyunman difue kpa.

1 Timote 5:10

Man bé wun ke o yô swran'm bé yé, o nien i mma'm bé su kpa, o ti aklunyéfue, o wunnzin Nyanmien swran'm bé dya, o uka yalefue mun, o yô sa kpakpa'n kwlaa.

2 Timote 1:6

I so'n ti, nh sreh o ke liké nga ke n fa n sa fuoo o su, bo Nyanmien fa moon o ke a yô b'o ti ke sin sa'n, tro i nuan nian su.

2 Timote 2:14

Kan nde nga klé bé kwlaa, kan flan nun. Nyanmien Kpli ti o lalôfue, sre bé kpa ke bé yatyi nde'm bé su utré dile'n b'o yô'a liké fi yé'n, o sanngan bé nga bé ti'n bé akunndan.

2 Timote 2:21

O man swran ng'o yi i wun sa te so'm bé yôle nun'n, oh yôh ke talié klaan bo bé fa di bé tyen'n sa, oh katyih i Min'n lie, oh yôh i wun sa yé, oh kwlah fa yô liké kwlaa ng'o ti kpa'n.

Tite 1:16

Bé yô bé wun ke bé si Nyanmien, sannge sa nga bé yô'n o klé'a ke bé sii. Bé wun yô te, bé nyin ti kéklé, bé kwla yô'a sa kpa bo kun sa.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Tite 3:14

Klé é minnien'm bé kusu ke bé di dyunman klaan nan ba nyan liké nga bé sa mien i wun'n, nanh man bé bubu bé sa nin bé dya tran su.

Tite 3:8

Nde nga n keen ye'n ti nanwle wéiin. N klô ke a dyran nde so'n su kpa nan bé nga bé lafi Nyanmien su'n, bé fa yé yôle'n katyi bé dyunman. I so yôle'n ti kpa, o yô swran'm bé wun sa yé.

Hébreu 13:21

o man amun fanngan sa'n kwlaa nun nan an yô i klun sa. Jésus-Christ ti, mon o fa é yô liké ng'o klô'n. Man é la Christ asé tititi! Mon o yô so!

2 Piɛr 1:12

An si sa so mun, ye an lafi nde nanwle nga an tili'n su kpa, sannge n su yatyi'a amun wla kpenle sa so'm bé su.

Jude 1:5

Nde nga m ma ken le'n, an sii kpa, sannge mh bôh su ékun. É Min Nyanmien déé Israël mun Égypte lo, sannge i sin, bé nga ba lafi'e i su kun'n, o nunnuun bé.