Tite 2:2 - Nyanmien nde Ufle

² Sé yasua kpenngben'm bé ke bé bu akunndan, bé di nanwle, bé yô sa i nuan su, man bé dyran kéklé bé lafi Nyanmien su, bé klô Nyanmien nin swran, bé tra bé awlen.

NYANMIƐN NDƐ'N 1998

² Se yasua kpɛnngbɛn'm be kɛ be bu akunndan, yɛ be di nanwlɛ, be yo sa i nuan su, be jran kekle be lafi Nyanmiɛn su, be klo Nyanmiɛn nin sran, be tra be anwlɛn.

Tite 2:2 ပူးပေါင်းရင်းမြစ်များ

Marc 5:15

Bé baa Jésus wun le, bé wuun bian bo asie usu akpasua kpli'm bé satyilii'n o ti asé le. I nyin a klô, wa wla trale. O man sre kuun bé.

JÉSUS-CHRIST I DYASIN FE'N BO LUC KLELI'N 8:35

Swran'm bé kô nian sa ng'o yôô lo'n. Bé wun bian bo asie usu'm bé dyaôô i su'n, o ti Jésus wun le i nyin klôuun, wa wla trale, o man sre kuun bé dan kpa.

Sa nga bé yôli'n 24:25

Sannge ke Paul su kan nanwle dile'n nin bé wun su nianle'n nin dyole dile b'o wa ba'n bé nde'n, sre kunnin Félix, nan wa sé ke: Nde lie'n ko, se n nyan n tio, tyen ufle n kô fle o.

Rɔmfuɛ Mun 12:3

Yé dan nga Nyanmien yôli'n min'n ti, nh séh amun kwlakwla ke, nanh an bu amun wun swran dan tra wafa nga an ti'n su, sannge anh nian wafa nga Nyanmien man an lafi i su'n, se an lafi su kpa ô, ye man amun si wafa nga amun ti'n.

1 Korɛntfuɛ Mun 15:34

Anh klô amun nyin yô sa ng'o ti i nuan su'n, nanh an yô sa te kun, afin bé wié'm bé si'a Nyanmien. N ken i so fa gua amun nyin asé.

1 Korɛntfuɛ Mun 9:25

Bé kwlaa nga bé si ngôndi tule ô, bee kwlaa so'n se bé klô ke béh nyenh'n, bé nian bé wun su kpa liké'n kwlaa nun. Bé yôé so kunnde bé dunman, sannge dunman so'n tyeman. Sannge é yôé so é kunnde dunman b'o wiéman.

2 Korɛntfuɛ Mun 5:13

Se é fa swran bo ba non blolo nzan'n, Nyanmien ti ye é ti soo, sannge se é ti swran nyin klôuunfue'n, amun ti ye é ti soo.

Galasifuɛ Mun 5:23

bé yô wetee, bé yô sa i nuan su. Ba sié'a ninngé so'm bé su mmla fi.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

1 Tɛsalonikfuɛ Mun 5:6

I so'n ti, nanh man é lafi ke swran wié'm bé lie'n sa, sannge man é nian é wun su é tran minndee.

1 Tɛsalonikfuɛ Mun 5:8

Sannge é bo é ô wia'n nun'n, man é nian é wun su. Man Christ su bo é lafi'n nin é swran nin Nyanmien klôle'n o yô ke liké kôklôkô bo é fa kata é wué'n su'n sa. Man é ti bo é wla ô su ke éh nyenh'n o yô ke kpôngbô klé sa.

1 Timote 1:10

nin bla nin bian kunndefue, nin yasua nga bé kunnde bé wiéngu yasua'n, nin bé nga bé tra swran suen'n, nin bé nga bé yô sa kwlaa nga b'o nin sa nga bé klé bé ke bé yô'n o ti'a kun'n.

1 Timote 1:14

Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

1 Timote 1:2

nh kleh fluwa nga ble o Timothée. A ti n wa sakpa, afin min ye man a lafii Christ suo. Man é Si Nyanmien nin é Min Christ-Jésus bé man a nyan yé, man bé si wo aunnvue, ye man o wun dyo o fouun.

1 Timote 1:5

É waan, bé klô swran kpa ti ye é tu bé fo so nion. Klôle so'n fin swran bo sa te kaan sa nu'en i awlen'n nun, b'o man i klun titimen, b'o lafi Nyanmien su sakpa'n.

1 Timote 3:11

Man bé yi'm bé kusu bé yô swran nanwlefue, nanh man bé yô abla difue, man be bu akunndan, man bé yô swran bo bé kwla fa bé wla gua bé su sa'n kwlaa nun.

1 Timote 3:2

Sannge i so swran lie'n, mon o yô swran bo bé kwla satyi'e i wun kaan sa, bo i yi ti kun, b'o nien i wun su kpa, b'o si ngwlele, b'o yô sa i nuen su, b'o ti aklunyéfue, b'o si liké klé.

1 Timote 3:4

Mon o yô swran b'o si i bobo i awlô'n su nian, bo i mma'm bé bu i swran bé nyin yii kpa.

1 Timote 3:8

Asonunfue'm bé lika nianfue'm bé kusu, man bé yô swran nanwlefue bo bé nuan nun ti'a nnyonnyon, nanh man bé yô nzan nonfue dan, nanh man bé kunnde sika i wafa ng'o ti'e i su'n,

1 Timote 5:1

Nanh idyo kpenngben mun, sannge tu bé fo amannien su, fa bé bu o si, bu gbanflen mun o niaan,

Tite 1:13

I nde so'n ti nanwle. I so'n ti, idyo bé kpa, man bé lafi Nyanmien su kpa,

Tite 1:8

Sannge mon o yô swran b'o ti aklunyéfue, b'o klô sa ng'o ti kpa'n, b'o yô sa i nuan su, b'o ti swran kpa, b'o ti Nyanmien lie mlonmlon, b'o si i bobo wun su nian.

Tite 2:7

Sa'n kwlaa nun o bobo yô sa ng'o ti kpa'n, man bé nian o lie'n su yô. Liké nga a klé'n, kléé kpa, nanh fa yô aôwi.

Filemɔn 1:9

sannge nga lie'n, o fata ke n sre o klôle bo a klô bé'n ti. M Paul bo man yô kpenngben bo Christ-Jésus ti sien'n n wô bisua'n nun'n,

1 Piɛr 1:13

I so'n ti, anh bu akunndan, anh nian amun wun su, man amun nyin tran liké nga tyen nga Jésus-Christ wa yi i wun nglô'n oh fah man amun'n su kpa.

1 Piɛr 4:7

Liké'n kwlaa bé awiélie'n wa mantan. I so'n ti, anh bu akunndan, anh nian amun wun su nan amuan kwla kôkô yale a klé Nyanmien.

1 Piɛr 5:8

Anh sasa amun wun, anh niannian! Afin mmusu'm bé si Satan b'o ti amun kpofue'n, o ti ke dyra b'o wlanwlan, o kpan kunnde nnen'n sa.

2 Piɛr 1:6

Ke an wun sa'm bé wle'n, anh nian amun wun su. Ke an nian amun wun su'n, anh tra amun awlen. Ke an tra amun awlen'n, anh fa amun wun mantan Nyanmien.