Tite 2:13 - Nyanmien nde Ufle

¹³ É yô so nan é minnde tyen kpa nga é wla ô su ke é Nyanmien Kpli'n nin é Défue Christ-Jésus bé wa yi bé wun nglô'n.

NYANMIƐN NDƐ'N 1998

¹³ E yo sɔ nan e minndɛ cɛn kpa nga e wla o su kɛ e Nyanmiɛn Kpli'n nin e Defuɛ Krist-Jésus be wa yi bé wun nglo'n.

Tite 2:13 ပူးပေါင်းရင်းမြစ်များ

Matthieu 16:27

M bo n katyii Swran'n min nin n Si ange mun éh bah i dunman nun béh wunh ke i nyrun ti nyannyan o yô srô, ye ke swran kun i nyôlie'n ti dyu'n mh menh i nuan liké.

Matthieu 25:31

Ke m bo n katyii Swran'n bo min nyrun ti nyannyan o yô srô'n, min nin min ange'n kwlaa éh bah'n, nh yih n famien'n nglô nh tranh m bia'n su.

Matthieu 26:64

Ye Jésus sé i ke: Ye o nuan ô su leo. Nh kanh klé amun ékun ke, ke o fin nde'n, amun wa wun m bo n katyii Swran'n ke n ti Nyanmien Kpli'n i fama su, ye n wô nyanmien blé'n su n su ba.

Marc 14:62

Ye Jésus sé i ke: Een, yele min. Amun wa wun m bo n katyii Swran'n ke n ti Nyanmien Kpli'n i fama su, ye amunh wunh min n wô nyanmien blé'n su n su ba.

Marc 8:38

Adyulisufue tete nga'm bé ti ke bla b'o kunnde bian i wun bô sa Nyanmien nyrun. Wié ô bé nun nyannzuen kun bé min nin min nde'n ti. Ke m bo n katyii Swran'n min nin Nyanmien i ange mun éh bah n Si i dunman nun, bo béh wunh ke i nyrun ti nyannyan o yô srô'n, nyannzuen wa kun n kusu bé ti.

Sa nga bé yôli'n 24:15

N lafi Nyanmien su ke swran kpa ô, swran te ô, béh tyenh, ye bé kusu bé lafi i so'n su wié.

Rɔmfuɛ Mun 15:13

Man Nyanmien bo é nyin ô i sin'n o man amun klun dyo, ye an di aladyé i su bo an lafi'n ti, nan Nyanmien Wawe'n i fanngan nun amun nyin tren i sin tititi.

Rɔmfuɛ Mun 5:5

Ye é wla bo é fa gua Nyanmien su'n ti é nyin su gua'a asé, afin Nyanmien man i Wawe b'o fa maan yé'n klé é klôle dan nga Nyanmien fa klô yé'n é awlen'n nun wéiin.

Rɔmfuɛ Mun 8:18

Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

1 Korɛntfuɛ Mun 1:7

I so'n ti, ke amunh minndeh é Min Jésus-Christ i wun nglô yile tyen'n, Nyanmien i ninngé b'o fa man swran mun'n i wié fi su mia'an amun.

2 Korɛntfuɛ Mun 4:4

Bé lie'n bé lafi'a su yele ke men nga i min'n o satyii bé akunndan'n, nan ba wu'an Christ b'o fa Nyanmien Kpli'n i wafa kwlaa ng'o ti'n i dyasin fe'n i wle.

2 Korɛntfuɛ Mun 4:6

Nyanmien b'o séé ke: Man lika'n kpadya'n, i kunngba'n ye man é wun sa wle wéiion. O man ke é nian Christ'n é wun wafa kwlaa nga Nyanmien Kpli'n ti'n, afin i ye man é sii io.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:5

Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

Kolɔsfuɛ Mun 3:4

Ke Christ bo amun nguan'n wô i sa nun'n o wa yi i wun nglô'n, oh yih amun nglô wié, ye nyrun ng'oh nyenh'n, amunh nyanh wié.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

2 Tɛsalonikfuɛ Mun 2:8

Ke o kô yô so'n, bian b'o di'a mmla'n su'n o wa yi i wun nglô, ye ke é Min Jésus bah bo i nyrun ti nyannyan'n, oh fiteh fuu, oh kuinh, oh nunkuinh.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

2 Timote 4:1

Nde nga m ma kan klé o ye'n, Nyanmien Kpli'n nin Christ-Jésus b'o wa di bé nga bé wuli'n nin bé nga bé nyin ô su'n bé nde'n, bé ti n lalôfue. I bale b'o wa ba'n nin i famien b'o wa di'n ti, nh sreh o kpa,

2 Timote 4:8

Sien'n ba sié liké nga swran ng'o yô kpa'n bé fa yô i mô'n, lo a sié min. É Min'n b'o di dyole nanwle su'n ye oh fah man min tyen so'n nuon. Nanh min ngunmin ye oh fah man mion, sannge oh fah man bé kwlaa nga bé nyin te i sin'n.

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Tite 1:4

O man nh kleh fluwa nga ble o Tite bo a ti n wa sakpa'n, yele ke é nnyon'n Nyanmien kunngba'n su ye é lafio. Man é Si Nyanmien nin é Défue Christ-Jésus be man a nyan yé, ye man o wun dyo o fouun!

Tite 3:4

Sannge ke é Défue Nyanmien'n yili i kpa yôle'n nin swran'm bé klôle'n nglô'n,

Hébreu 9:28

I kunngba'n, ke o yô nan Christ a fa swran kpanngban bé wun sa'n, i kusu fe i wun soo Nyanmien kpe kun. Bale nga o wa ba ékun'n, nanh sa te'n tio, sannge oh bah bé nga be nyin te i sin'n bé déle.

1 Piɛr 1:3

É Min Jésus-Christ i Si Nyanmien Kpli, i kwla ô! I aunnvue sile dan'n ti, o wuu é ékun, o man é wla ô liké bo é si wéiin kpa ke o ô lo'n su, Jésus-Christ i tyenle'n ti.

1 Piɛr 1:7

i so'n nun ye béh wunh ke an lafi Nyanmien su kpaa. Sika okwle bo tyen wié oh satyih'n, bé klôé nian. Amun kusu ke an lafi Nyanmien su'n, an ti kpa tra sika okwle, sannge san béh sah amun nian. Ye ke bé wun ke an lafi i su kpa'n, tyen nga Jésus-Christ wa yi i wun nglô'n, béh manmanh amun, béh yih amun aye, béh yôh amun mô.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.

2 Piɛr 3:18

Ye bo é Min'n b'o ti é Défue'n yô amun'n ti, man bé wun ke amuan yô swran, amun nin i tran, nan amuan sii kpa. Ke o fin nde'n, man bé yi i aye tititi. Mon o yô so!

1 Jean 4:14

É wun ke é Si sunmeen i Wa'n men'n nun ke o wa dé swran'm bé ti, ye man é kaan.

Jude 1:21

Ke amunh minndeh ke é Min Jésus-Christ si amun aunnvue nan o man amun anannganman nguan'n, anh yô sa nga an yôo an si ke Nyanmien klô amun'n.

Sa nglô yile 1:7

Anh nian, o nin nyanmien blé'n bé su ba! Swran'n kwlaa béh wuinh, ye bé nga bé woo i tyua'n, béh wuinh wié. I ti, asie'n su nvlénvlé'n kwlaa béh bôh auyé. Oh yôh so sakpa! Mon o yô so!