Tite 2:12 - Nyanmien nde Ufle

¹² Yé so b'o yôô yé'n, é yô sa ng'o ti i nuan su'n, nin sa ng'o ti kpa'n, ye é srô Nyanmien.

NYANMIƐN NDƐ'N 1998

¹² Ye sɔ b'ɔ yoli ye'n ti, ɔ kle e kɛ e yaci sa b'ɔ yo-man Nyanmiɛn fɛ'n nin mɛn nun ninnge nga é nyin blo be su'n, nan blɛ nga e o nun yɛ'n, e yo sa ng'ɔ ti i nuan su'n, nin sa ng'ɔ ti kpa'n, yɛ e sro Nyanmiɛn.

Tite 2:12 ပူးပေါင်းရင်းမြစ်များ

Matthieu 12:32

Swran kwlaa ng'o kan m bo n katyii Swran'n min wun nde'n oh yatyih tyee. Sannge swran ng'o kan Nyanmien Wawe'n i wun nde'n o su yatyi tyemen ble nga nun, annze ble ng'o ba lo'n nun.

Matthieu 16:24

Ke o yôô so'n, o sé i sonnzonfue'm bé ke, swran nga i waan oh suh n su'n, mon o klen i wun man min, o sue i waka'n, nan o su n su.

Matthieu 28:20

Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

JÉSUS-CHRIST I DYASIN FE'N BO LUC KLELI'N 1:6

Bé nnyon'n bé yô é Min Nyanmien klun sa, bé fe i nde'n nin i mmla'n kwlaa su kpa.

Jean 14:30

Min nin amun é su idyo'a kpanngban kun, afin swran ng'o sié men nga'n o su ba. O kwla yô'a n liké fi mlonmlon,

Jean 6:25

Bé kô tôé fete'n bué kun lo, bé use i ke: ?Baba, tyen ônin ye a baa waa?

Sa nga bé yôli'n 24:16

I so'n ti ye man n kusu, m mian min nyin ke min awlen'n nun yô wéiin titi Nyanmien nin swran'm bé nyrun nion.

Sa nga bé yôli'n 24:25

Sannge ke Paul su kan nanwle dile'n nin bé wun su nianle'n nin dyole dile b'o wa ba'n bé nde'n, sre kunnin Félix, nan wa sé ke: Nde lie'n ko, se n nyan n tio, tyen ufle n kô fle o.

Rɔmfuɛ Mun 12:2

Nanh an yô ke swran'm bo bé ô le nde'n bé sa, sannge man Nyanmien katyi amun akunndan'n nan an katyi mlonmlon. Ke o kô yô so'n, amunh wunh Nyanmien i klun sa'n i wle, amunh sih sa ng'o ti kpa, b'o dyo i klun, b'o man amun yôh kpa'n.

Rɔmfuɛ Mun 6:12

I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

Rɔmfuɛ Mun 6:19

Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

Rɔmfuɛ Mun 8:13

Afin se an yô sa ng'o ti klo swran nzuen'n, amunh wuh. Sannge se Nyanmien Wawe'n i fanngan nun an wla amun nyôlie tete'm bé asé'n, amunh nyanh nguan.

2 Korɛntfuɛ Mun 1:12

Sa nga ti ye é di é nuan'n ye: é si é klun lo kpa ke nantile wafa nga é fa nanti men'n nun'n, é nanti i so kpa amun nyrun tra su. É nuan nun ti'a nnyonnyon, Nyanmien man é di nanwle. Nanh swran ti blé ngwlele bo é si'n ti ye man é yô soo, sannge Nyanmien ye o dyran é sin ye man é yô soo.

2 Korɛntfuɛ Mun 7:1

N swran kpa mun, sa kwlaa nga Nyanmien séé ke oh yôh bé so'n ti, man é wla sa kwlaa ng'o satyi swran'n nin akunndan tete'n kwlaa bé asé. Se é waan é srô Nyanmien'n, man é nian é wun kpa ke nanh man sa kaan sa tran é nin i é afien.

Galasifuɛ Mun 1:4

Ke o kô yô nan Christ wa dé é ti men te kain nga nun'n ti, o fe i bobo wun mannin é sa te'n ti. I so'n ti é Si Nyanmien klun su.

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Efɛzfuɛ Mun 1:4

O dun mmua faa é ke é nin Christ é katyi swran wunmuan, é yô i lie, ke nanh mon o wun sa kaan sa é wun, nan wa bô men'n i bô.

Efɛzfuɛ Mun 2:2

ye amun nzuen'n fa bé nga bé ô ye'n bé lie'n, amun nyin yili nglô lo mmusu'm bé si'n, i ye nde o wlawla swran nga bé nyin yi'a Nyanmien nion.

Kolɔsfuɛ Mun 1:22

sien'n bo i Wa'n katyi swran b'o wuli'n ti, wa siésié i nin amun afien, nan ke amunh beh i wun le'n, oh wunh ke an ti i lie mlonmlon, sa te fi nu'an amun wun, ye bé kwla ka'an amun wun nde te fi.

1 Tɛsalonikfuɛ Mun 4:7

Afin Nyanmien a fle'a é ke é yô sa tete, o flee é ke é yô i lie mlonmlon.

1 Tɛsalonikfuɛ Mun 4:9

Amun niaan klôle nde lie'n, é bô'a ye kle'a amun i su fluwa, afin Nyanmien bobo kléé amun ke an klô amun wun.

1 Timote 4:12

Ke bo a ti gbanflen kaan'n ti, nanh yô man swran fi yô o finfin, sannge yô sa ng'o ti kpa'n, man bé nga bé lafi Christ su'n bé nian su yô, o idyole nun ô, o nzuen'n nun ô, o swran klôle nun ô, o Nyanmien sulafile nun ô, o nin sa te bo a yôman nin ô.

1 Timote 6:17

Kan klé ble nga é ô nun ye'n i nun anyanbéunfue'm bé ke, nanh man bé di tutré, nanh man bé fa bé wla gue bé anyanbéun b'o su ka'a le'n su, sannge bé fa gue Nyanmien b'o man é liké kwlaa b'o man é klun dyo'n i su.

1 Timote 6:9

Sannge bé nga bé klô ke béh nyanh bé wun'n, lakafue'n laka bé. Ninngé ngbenngben bo bé kônvi so bé'n nin bé nyin b'o blô ninngé tete kpanngban b'o satyi swran b'o man bé agualie'n gua'a bé kpa'n, bé su'n, o katyi ke aya sa, bé to nun o tra bé.

2 Timote 3:12

Swran kwlaa nga i waan o nin Christ-Jésus béh katyih swran wunmuan oh yôh Nyanmien klun sa'n, san béh kléh i yale.

2 Timote 4:10

afin men'n nun ninngé bo Démas klô bé'n bé ti wa wanndi min a o Thessalonique. Crescens kusu wa o Galatie, Tite a o Dalmatie.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.

Hébreu 8:11

Swran fi su klé'e i wiéngu Nin i niaan liké kun, o sé'a bé ke: Anh kô si é Min'n! Afin ke o fin bé kanngan'm bé su lélé fa dyu bé kaklaakla'm bé su'n, Bé kwlaa béh sih min.

Jacques 1:27

Nyanmien sule b'o ti kpa bo fien fi nu'en i wun é Si Nyanmien mien nyrun'n, yele aika nin angbôti mmla'm bo bé wun nyrennen'n, bé lika nianle, nin bé wun su nianle men nun sa tete yôle'm bé nun.

2 Piɛr 2:9

O man é si ke é Min'n kwla dé bé nga bé srôé bo sa to bé su'n. Ye o si bé nga bé yô sa te'n bé siéwle nan dyole dile tyen'n nun, wa bu bé fo.

2 Piɛr 3:11

?Se ninngé so'n kwlaa béh satyih so'n, liké ônin ye se an yôo o ti suo? Man amun nzuen'n yô kpa, anh fa amun wun mantan Nyanmien!

1 Jean 2:27

Amun lie'n, Christ fe i Wawe'n maan amun. Ke i Wawe so'n nin amun te ô le'n, an bô'a ye kunnde'a swran ke o klé amun liké. Afin o klé amun liké'n kwlaa, liké ng'o klé amun'n ti nanwle, o ti'a atô. I so'n ti, amunh nin i tran titi ke o kan kléé amun'n sa.

1 Jean 2:6

swran ng'o sé ke o nin Nyanmien ba yô kun'n, mon o yô sa nga Jésus yôli'n bé wié.

1 Jean 5:19

É si ke é ti Nyanmien lie, ye Klunwifue'n sié men wunmuan'n.

Jude 1:18

Bé séé amun ke: Tyen wié lélé ke men'n oh koh i bué nuan'n, swran wié'm béh bah, béh dih amun to, Nyanmien bo bé srômen'n ti, béh yôh sa nga bé klun klô'n.

Sa nglô yile 14:12

Wa ye béh wunh Nyanmien i swran bo bé tra bé awlen bé fe i mmla'n su, bo bé lafi Jésus su kpa nion.