Tite 2:11 - Nyanmien nde Ufle

¹¹ Afin Nyanmien a yi yé nga o yô swran b'o man swran'n kwlaa bé kwla nyan bé bé ti'n i nglô.

NYANMIƐN NDƐ'N 1998

¹¹ Afin Nyanmiɛn a yi ye nga ɔ yo sran b'ɔ man sran'm be kwlaa be kwla nyan bé ti'n i nglo.

Tite 2:11 ပူးပေါင်းရင်းမြစ်များ

Matthieu 28:19

I so'n ti, anh wo kô klé nvlénvlé'n kwlaa bé liké, man bé katyi n sonnzonfue, ye anh yô bé baptême é Si Nyanmien, nin i Wa'n, nin i Wawe'n bé dunman nun.

Marc 16:15

Ye o séé bé ke: Anh wo men wunmuan'n nun, anh kan dyasin fe'n klé swran'n kwlaa bo Nyanmien yii bé'n.

JÉSUS-CHRIST I DYASIN FE'N BO LUC KLELI'N 24:47

Ye i dunman nun béh kanh klé nvlénvlé'n kwlaa ke bé katyi bé nzuen'n, nan Nyanmien yatyi sa nga bé yôlii'n tye bé. Béh bôh i kanle'n bô Jérusalem wa.

JÉSUS-CHRIST I DYASIN FE'N BO LUC KLELI'N 3:6

Ye swran'n kwlaa béh wunh déle nga Nyanmien fa dé bé'n.»

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 1:9

Liké so'n ye man swran'm bé wun asé sakpaa. Ke o baa men'n nun'n, o man swran'n kwlaa bé wun asé.

Sa nga bé yôli'n 11:23

O ti swran kpa, Nyanmien Wawe'n siéé, ye o lafi Nyanmien su kpa. Ke o dyuu lo b'o wuun yé dan nga Nyanmien yôô bé'n, i klun dyoli, o tu bé kwlaa bé fo ke bé fa bé wla gua é Mun'n su, ye bé dyran kéklé. Ye swran kpanngban kpa bé fa bé wun maan é Min'n.

Sa nga bé yôli'n 13:43

Ke anyiafue'm bé sanndili'n, Juif kpanngban bé nin bé bo bé katyii Juif'n, bé suu Paul nin Barnabas bé su, bé nin bé kôkô yale, ye Paul'm bé wla bé fanngan bé sé bé ke, Nyanmien i kpa b'o yô bé'n ti, bé fa bé wla gue i su.

Sa nga bé yôli'n 13:47

Afin ke é Min Nyanmien séé é ke é yô soo, o sé ke: «N fa o siéé ke a yô ke wia'n sa, a kpadya nvlé'm bé nyrun, Ye wo ti swran'm béh nyanh bé ti lélé fa dyu asie'n i awiélie.»

Sa nga bé yôli'n 17:30

I nun'n bo swran'm bé wu'an sa wle'n, sa nga bé yôli'n, Nyanmien a fa sié'e i klun, sannge sien'n, o kan klé swran ti blé'n kwlaa ke bé katyi bé nzuen'n.

Sa nga bé yôli'n 20:24

Sannge m bu'a min wun liké fi, n yô so nan man wanndi a dyu n dyuwle, nan man wié dyunman nga é Min Jésus fa wlaa n sa nun ke n yô'n i yô. Dyunman so'n yele ke n kan yé dan nga Nyanmien yôô yé'n i nde.

Rɔmfuɛ Mun 10:18

N sé ke yiô: ?Ba timan? Bé tilii kpa, afin bé klee ke: «Bé kaan nde lika'n kwlaa, Ye bé tii bé nde'n men wunmuan'n nun.»

Rɔmfuɛ Mun 5:15

Sannge sa nga Adam yôli'n nin liké dan nga Nyanmien fa tye yé'n, bé dan seman. Nanwle, swran kpanngban ba wu swran kun i sa lie'n b'o yôli'n ti. Sannge yé nga Nyanmien yô yé'n i dan tre fatifati, ye liké ng'o fa tye swran kpanngban Jésus-Christ kusu i klunyé'n ti'n, i kpa tre.

Rɔmfuɛ Mun 5:2

I ye man é sii ke Nyanmien yô é yéo, i su bo é lafi'n ti, sien'n é su di yé so'n. Anyrunnyan bo Nyanmien waan oh manh é bo é nyin ô i sin'n ti, é wun blibli é.

2 Korɛntfuɛ Mun 6:1

I so'n ti, é bo é nin Nyanmien é di dyunman kun'n, éh sreh amun, nanh man yé nga Nyanmien yôô amun'n o yô ngben,

Galasifuɛ Mun 2:21

N kpi'a nennen nga Nyanmien dii min'n i asé, afin se mmla'n bo bé fa su'n ti ye Nyanmien bu bé swran kpa'n, wuun wule nga Christ wuli'n o wuu ngben.

Efɛzfuɛ Mun 2:8

Afin Nyanmien i yé b'o yôô amun'n ti o man amuan nyan amun ti i su bo an lafi'n ti. Amun ti nyanle so'n o fi'an amun bobo, Nyanmien ye man an nyaan amun tio.

Kolɔsfuɛ Mun 1:23

Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:6

Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

1 Timote 1:14

Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

1 Timote 2:4

O klô ke oh déh swran'n kwlaa, nan bé wun sa ng'o ti nanwle'n i wle kpa.

2 Timote 1:10

É ble lie'n su ke é Ti Défue Christ-Jésus bali'n, ye o yii yé so'n i nglôo. O tuu wié'n i dyé'n, ye i dyasin fe'n ti o man ya si nguan b'o man swran wuman'n.

2 Timote 4:17

Sannge é Min'n ye o dyran n sin wlaa n fanngan ye man n kwla ken i nde'n kwlaa, ye man bé kwla nga bé ti'a Juif'n bé tilio. O déé min dyra'n i nuan nun.

Hébreu 12:15

Anh nian amun wun kpa, nanh man yé nga Nyanmien yô swran'n o tô fuan swran fi nan klunwi'n i ôlui'n wa fefeman, wa satyi'a amun nan wa sa'a swran kpanngban'n ti.

Hébreu 2:9

Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.