Tite 2:10 - Nyanmien nde Ufle

¹⁰ nanh man bé wua bé. Sannge man bé yô swran bo bé kwla fa bé wla gua bé su titi, nan bé bu é Défue Nyanmien'n i nde nga é klé'n nde kpa sa'n kwlaa nun.

NYANMIƐN NDƐ'N 1998

¹⁰ yɛ nán man be wua be. Sanngɛ man be yo sran bɔ be kwla fa bé wla gua be su titi, yɛ man be bu e Defuɛ Nyanmiɛn'n i ndɛ nga e kle'n i ndɛ kpa sa'n kwlaa nun.

Tite 2:10 ပူးပေါင်းရင်းမြစ်များ

Matthieu 24:45

?Swran kpa nanwlefue b'o si ngwlele'n bo i min'n fe sié i swran'm bé su ke o man bé alie ble ng'o ti i nuan su'n i su'n, yele wan?

Matthieu 5:16

I kunngba nion, anh yô ke kannin sa swran'm bé nyrun, man bé wun amun nyôlie kpa'n nan bé manman amun Si b'o ô nyanmien su lo'n.

JÉSUS-CHRIST I DYASIN FE'N BO LUC KLELI'N 1:47

Nyanmien n Défue'n ti, n klun dyo,

JÉSUS-CHRIST I DYASIN FE'N BO LUC KLELI'N 1:80

Bakan so'n nyinnin klanman, o yôô swran. O tran blô lo lélé fa dyuu tyen ng'o yi i wun kléé Israël mun'n.

JÉSUS-CHRIST I DYASIN FE'N BO LUC KLELI'N 16:10

Swran ng'o di nanwle ninngé kanngan'm bé su'n, o di nanwle ninngé dandan'm bé su, sannge swran ng'o di'a nanwle ninngé kanngan'm bé su'n, o kwla di'a nanwle ninngé dandan'm bé su.

Jean 12:6

Nanh ke yalefue'm bé nde mien ti ye o sé soo, sannge o ti awiéfue, ye i ye o sié bé bole nion, ye sika nga bé gue i nun'n, o fa wié.

1 Korɛntfuɛ Mun 4:2

Kusu sa ng'o ti tyinndyin'n yele ke swran ng'o nian ninngé su'n, o yô swran kpa.

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Filipfuɛ Mun 1:27

Sa'n kwlaa nun, anh yô sa ng'o nin Christ dyasin fe'n ti kun'n, nan se mh bah amun wun wunle ô, se m baman ô, man ti amun ngan ke amun kwlaa amun bô ti kun kpa amun dyran kéklé, ye amun akunndan'n ti kun, an mian amun nyin dyasin fe'n bo an lafi su'n ti.

Filipfuɛ Mun 4:8

Aniaan mun, min nde'n i atabô'n ye: man amun akunndan'n tran liké kwlaa ng'o ti kpa'n nin sa kwlaa bo swran yôo o ti kpa'n bé su, yele nde nanwle'n, nin liké nga bé bui liké kpa'n, nin liké ng'o ti i nuan su'n, nin sa ng'o ti a te mlonmlon'n, nin liké ng'o ti klaan'n, ye nde nga bé tio o dyo bé klun'n.

1 Timote 1:1

M Paul bo é Défue Nyanmien nin Christ-Jésus bo é fa é wla gue i su'n bé waan béh sunmanh min bo Christ-Jésus so'n sunmaan min'n,

1 Timote 5:17

Asonun kpenngben ng'o sié asonun'n kpa'n, se bé bui swran bé yô i mô dan'n, i yôwle suo. Sannge bé nga bé yô bé lie'n tra su'n, yele kpenngben ng'o di dyunman kpa o kan Nyanmien nde, o klé liké'n.

1 Timote 6:1

Bé kwlaa nga bé ti kanga'n, man bé bu bé min'm bé swran kpa, nan swran fi a satyi'a Nyanmien dunman, ye liké nga é klé amun'n ba bu'e i liké ngben.

1 Timote 6:3

Se swran wié klé liké ufle, b'o fa'a é Min Jésus-Christ i nde nanwle'n o nin Nyanmien i sule wafa nga o klé é ke é sui'n su'n,

Tite 1:3

Ke ble ng'o siéli'n dyuli'n, o yii i nde so'n nglô. É Défue Nyanmien'n ye o fa nde so'n wlaa n sa nun ke n kaan.

Tite 3:4

Sannge ke é Défue Nyanmien'n yili i kpa yôle'n nin swran'm bé klôle'n nglô'n,

1 Piɛr 2:12

Anh yô sa ng'o ti kpa'n bé nga bé ti'a Christfue'n bé nyrun, nan se bé satyi amun dunman ke an ti sa te yôfue'n, bé wun sa kpa nga an yô bé'n, nan tyen nga Nyanmien ba'n, béh menmenh.

1 Piɛr 3:16

Sannge anh te bé su amannien su, man bé wun ke an srô Nyanmien. Ke amunh yôh so'n, nanh an yô sa nga b'o man amunh kôkôh i sin'n, nan bé nga bé satyi amun dunman, bo bé kan sa kpa nga Christ ti an yô bé'n, bé nde'n, bé wun nyannzuen.

2 Jean 1:9

Swran nga nde nga Christ klé'n dyumen, b'o uka su'n, wuun o si'a Nyanmien, sannge swran ng'o fa liké ng'o klé'n su'n, o si é Si'n nin i Wa'n.