Tite 1:10 - Nyanmien nde Ufle

¹⁰ Afin swran kpanngban bé nyin ti kéklé, bé kan nde ngbenngben fa laka swran mun. Bé kpanngban lika bé fin Juif'm bo ba katyi Christfue'n bé nun.

NYANMIƐN NDƐ'N 1998

¹⁰ Afin sran kpanngban bé nyin ti kekle, yɛ be kan ndɛ ngbɛn-ngbɛn fa laka sran mun. Be kpanngban lika be fin Zuif'm bɔ b'a kaci Kristfuɛ'n be nun.

Tite 1:10 ပူးပေါင်းရင်းမြစ်များ

Matthieu 23:14

[Amun mmla kléfue nin Pharisifue dunman klôfue mun, an yakô! Yele ke an dé angbôti mmla'm bé awlô'n, ye an kan nde tennden klé Nyanmien lélélé ke swran'm bé bu amun swran kpa. I so'n ti, amun fo tule lie'n o wa yô te kpa.]

Sa nga bé yôli'n 11:2

Ke Pierre dyuu Jérusalem le'n, Juif'm bo bé lafi klen wlale'n su'n bé fe oo aamien, bé idyolii, bé sé ke:

Sa nga bé yôli'n 15:1

Swran wié'm bé fin Judée, bé wa séé é niaan'm bé ke, se ba wla'a bé klen ke Moïse kléé bé ke bé yô'n sa'n, bé su fité'a nun.

Sa nga bé yôli'n 15:24

É tii ke swran wié bo bé fin é wun wa bo nanh é ye é sunmaan bé'n, bé kô kan nde b'o bô amun wla, bé sanngan amun akunndan.

Sa nga bé yôli'n 20:29

N si ke, ke n kô wo'n, gbôklô wlefue'm bé wa wlu amun nun, béh satyih bua fa so'n.

Galasifuɛ Mun 2:4

San bé nga bé ton bé wun suen ke bé ti é niaan'n, bé ye bé klô ke o yô soo. Bé wluu é nun blelelele ke béh kplah é nian é ti bo é bo é nin Christ-Jésus ya katyi swran wunmuan'n ya nyen'n ti, nan béh fah é wla kanga'n nun.

Galasifuɛ Mun 3:1

Galatiefue sinnglinfue mun! ?Amun bo bé kaan Jésus-Christ i wule nde'n wéiin klé amun b'o man o yô ke o yôli amun nyrun sa'n, wan ye o wa lakaa amuon?

Efɛzfuɛ Mun 4:14

Ke o kô yô so'n, é ti'a ba kaan kun bo é fa atô nde kwlaa nga swran'm bé gble'n ti bé ken ke bé fa lakalaka swran mun'n su, b'o man é ko wa ko wa ke mméli bo aunngban'n fe ko wa ko wa'n sa.

1 Timote 1:4

nanh man bé fa bé wla gua ngôwa nin bé nannannannan'm bé ôsu finwle b'o wié'a mlonmlon'n b'o kpe sae'n bé su. Sa so'm bé uka'a swran ke o lafi Nyanmien su o yô sa ng'o ti i klun sa'n.

1 Timote 1:6

Swran wié'm ba yatyi ninngé so'm bé yôle, ba fa bé wun a wle nde ngbenngben'm bé kanle nun.

1 Timote 1:9

Afin é si ke, nanh bé nga bé ti swran kpa'n bé ti ye bé siéé mmla nion. Sannge bé sié maan bé nga bé ti'a kpa'n, nin nyin kékléfue, nin bé bo bé srô'a Nyanmien'n, nin sa te yôfue, nin bé bo bé nyin yi'a Nyanmien bo bé bu i ninngé'm bé finfin'n, nin bé bo bé kun bé si nin bé nin'n, nin swran kunfue,

2 Timote 3:13

Sannge swran nga bé klun yô wi bo bé ti gblefue'n, bé sa te nga bé yô'n i te'n oh trah laa lie'n, béh lakah swran mun ye béh lakah bé bobo bé wun.

2 Timote 4:4

Bé su sié'a bé su nanwle'n su kun, béh siéh bé su nde nga bé ti ke ngôwa sa'n bé su.

Tite 1:6

man swran nga béh feh sié asonun kpenngben'n o yô swran bo bé kwla satyi'e i wun kaan sa, bo i yi ti kun, bo i mma'm bé lafi Nyanmien su, bo bé kwla satyi'a bé dunman ke bé nzuen ti te, bé nyin ti kéklé.

Jacques 1:26

Se swran kun bu i wun ke o su Nyanmien, sannge o sié'e i nuan'n diin'n, i Nyanmien sule'n ti ngben, o su leke i wun.

1 Jean 2:18

Ba kanngan mun, ya dyu men'n i bué nuan. An tii i ke Christ Kpofue'n oh bah. Christ kpofue kpanngban ba ba, o man é si ke ya dyu men'n i bué nuan.

1 Jean 2:4

Swran ng'o sé ke o sii, sannge o fe'e i nde'n su'n, o ti atôfue, o di'a nanwle mlonmlon.

1 Jean 4:1

N swran kpa mun, nanh an lafi bé nga bé sé ke bé idyo Nyanmien Wawe'n nuan'n, bé ngba su, anh sa bé nian, se bé idyo Nyanmien nuan sakpa ô, annze se liké wié ye bé idyo i nuan ô. Afin bé nga bé ton bé wun suen ke bé ti Nyanmien nuan idyofue'n, bé kpanngban kpa ba ba men'n nun.

Sa nglô yile 2:14

Sannge amun wun sa wié ô n klun, yele ke swran wié'm bé ô amun nun lo bé fa liké nga Balaam kléli'n su. I ye o klé Balak ye man o laka Israël mun ye bé yô sa te, bé di amuen su, bé fa bé wun wle téklé bôle'n nun nion.

Sa nglô yile 2:6

Sa nga an yô b'o ti kpa kan'n, yele ke an klô'a sa nga Nicolaïfue'm bé yô'n, bo n kusu n klô'a bé'n.