Rɔmfuɛ Mun 9:5 - Nyanmien nde Ufle

⁵ Bé ti é nannan'm bé anunman, Christ kusu ke o katyii swran'n, ôsu so'n nun ye o balio. I ye o ti Nyanmien b'o sié liké'n kwlaaa, bé bô i dunman titi. Mon o yô so!

NYANMIƐN NDƐ'N 1998

⁵ Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

Rɔmfuɛ Mun 9:5 ပူးပေါင်းရင်းမြစ်များ

Matthieu 28:20

Ye liké kwlaa nga n kléé amun'n, amun kusu, anh klé bé man bé fa su. Anh nian, min nin amun é ô tyen kwlaa lélé men'n fah wié.

Matthieu 6:13

Nanh yatyi é le man Lakafue'n laka é, sannge kpla é wun. [Afin a ti kpli, a sié liké'n kwlaa, ye manmanle'n ti o lie tititi. Mon o yô so.]

JÉSUS-CHRIST I DYASIN FE'N BO LUC KLELI'N 20:44

O man David bobo flee Nannan. ?O yô se ye man o kô yô i anunmaan?

Jean 10:30

Man nin n Si é ti kun.

Sa nga bé yôli'n 20:28

I so'n ti, anh nian amun bobo amun wun kpa, ye anh nian bua fa nga Nyanmien Wawe'n fa amun siéé bé su'n bé su kpa, ye anh ta Nyanmien i Asonun'n b'o fe i bobo wa'n tôli'n.

Sa nga bé yôli'n 3:13

Abraham, nin Isaac, nin Jacob bé Nyanmien'n, é nannan'm bé Nyanmien'n, o man i Swran Jésus nyaan nyrun. I ye an fe maan swran mun, ye ke Pilate waan, oh yatyih i nun'n, amuan kpli'an su, an yii i blô nion.

Rɔmfuɛ Mun 1:25

Bé fa atô'n fa katyi Nyanmien nde b'o ti nanwle'n, bé fa bé wun man ninngé bo Nyanmien yii bé'n, bé so bé, bé yatyi i bobo le. I ye bé bô i dunman tititi nion. Mon o yô so!

Rɔmfuɛ Mun 1:3

Dyasin fe so'n ti i Wa'n i nde. Ke o katyili swran'n, bé wui David ôsu'n nun,

Rɔmfuɛ Mun 10:12

Yele ke o le'a Juif, o le'a Grec, bé kwlaa bé Min'n ti kun, o fe i ninngé kpakpa'n man bé kwlaa nga bé bô flee'n,

Rɔmfuɛ Mun 11:28

Ke é nien i bué kun'n, é wun ke dyasin fe'n bo Juif'm ba fa'a su'n ti Nyanmien nin bé buli. I so'n yôô amun môaé sa. Sannge ke é nien i bué kun ékun bo é wun wafa nga Nyanmien fa swran'n, é wun ke bé nannan'm bé ti, bé ti Nyanmien i awlen su swran.

1 Korɛntfuɛ Mun 14:16

?Se wa yô'a so'n, se Nyanmien Wawe'n man a yi i aye anien wié nun so'n, oh yôh se ye swran b'o wu'an sa so'n wle'n oh soh o Nyanmien asénna'n su ke: Mon o yô soo? afin o ti'a nde nga a kan'n.

2 Korɛntfuɛ Mun 11:31

É Min Jésus i Si Nyanmien bo bé bô i dunman tititi'n, o si ke m bua'a atô.

1 Timote 3:16

Nanwle, é kwlaa é si ke, ke o yôli bo é yô Nyanmien lie'n, o ti abônuan dan, swran wu'en i wle. O yô i wun swran o yii i wun nglô, Nyanmien Wawe'n klé ke o ti swran kpa, Ange'm bé wunniin, Bé ken i nde nvlé'm bé nun, Bé lafii i su men wunmuan'n nun, Bé yôô i kuaa, bé yô i mô nyanmien su lo.

1 Timote 6:15

Ke i tyen nga Nyanmien siéli'n kô dyu'n, Nyanmien bo i kunngba ye o fi famien, bo bé bô i dunman fe titi, b'o sié famien nin bé kwlaa nga bé sié swran'n, i ye oh yih i nglô so nion.

2 Timote 2:8

Bu Jésus-Christ David anunman'n b'o tyennin'n i akunndan. Ke nh kanh dyasin fe'n ye n ken i nde so nion.

Hébreu 7:24

sannge Jésus lie'n, ke o wuman'n ti, i Nyanmien nyrun dyranle'n bé su fa ma'an swran ufle

1 Jean 5:20

É si kusu ke Nyanmien Wa'n bali, ye o kléé é ngwlele, nan é si Nanwlefue'n. É nin Nanwlefue so'n ya yô kun i wa Jésus-Christ ti. I ye o ti Nyanmien nion, i ye bé flee nguan nion.

Sa nglô yile 1:18

N ti anannganman, n wuli, sannge n tyennin, sien'n min nyin ô su, ye nh kah le tititi. Min ye n sié Wié nion, ye blolo lo la clé'n wô n sa nun.

Sa nglô yile 22:16

Min Jésus, n sunmaan min ange'n ke o wa kan sa so'n kwlaa klé amun asonun'm bé nun. N fin David ôsu'n nun, i anunman yele min. Min ye n ti awue nzraama nion.

Sa nglô yile 22:20

Swran ng'o sé ke sa so'n oh yôh so'n, o sé ke: Nanwle, mh bah ityra'n. Mon o yô so! Nannan Jésus, bla!

Sa nglô yile 5:14

Ye liké nnan bo bé ti ke nnen sa'n, bé sé ke: Mon o yô so! Ye kpenngben'm bé kôtôli bé mamaan béo.