Rɔmfuɛ Mun 9:3 - Nyanmien nde Ufle

³ Afin se Nyanmien bô n sannzan bo min nin Christ é bu, nan n niaan'm bo min nin bé é ti nvlé kun'n bé nyan bé ti'n, nh séh Nyanmien ke o yô n so.

NYANMIƐN NDƐ'N 1998

³ Afin sɛ Nyanmiɛn bo n sannzan bɔ min nin Krist e bu nan n niaan'm bɔ min nin be e ti nvle kun'n be nyan bé ti'n, n ´se Nyanmiɛn kɛ ɔ yo n sɔ .

Rɔmfuɛ Mun 9:3 ပူးပေါင်းရင်းမြစ်များ

Sa nga bé yôli'n 13:26

Nnya mun, amun bo an ti Abraham anunman'n, o nin amun nga an srô Nyanmien'n, é ye bé fa ti déle nde nga blee yéo.

Sa nga bé yôli'n 22:5

Nyanmien nyrun dyranfue dan'n o nin kpenngben'm bé ti n lalôfue. N déé é niaan nga bé ô Damas lo'n bé wun fluwa bé sa nun, ke nh koh lo nan nh tyih bé nga n tô bé lo'n, nh fah bé ba Jérusalem nan bé wa tu bé fo.

Sa nga bé yôli'n 28:21

Ye bé séé i ke: ya nya'an fluwa fi b'o fin Judée b'o kan o wun ndeo, ye é niaan'm bo bé fin lo bali'n bé nun wié fi a sé'a ke o tii o wun nde, kusu bé nun wié fi wa ka'an o wun nde a klé'a é.

Rɔmfuɛ Mun 1:3

Dyasin fe so'n ti i Wa'n i nde. Ke o katyili swran'n, bé wui David ôsu'n nun,

Rɔmfuɛ Mun 11:1

O man n sé ke yiô: ?Nyanmien yii i swran'm bé blô? Tyetye! Afin n kusu n ti Israëlfue, n fin Abraham ôsu'n nun, Benjamin akpasua su.

Rɔmfuɛ Mun 11:14

N yô i so nan n nvléfue'm bé fa bé nyin tyi amun, nan bé nun wié'm bé nyan bé ti.

Rɔmfuɛ Mun 16:11

Nh yôh Hérodion b'o ti n wôsufue'n, i liké. Nh yôh Narcisse i awlôfue'm bo bé lafi é Min'n su'n, bé liké.

Rɔmfuɛ Mun 16:21

Timothée b'o ti n wiéngu dyunman nun'n, nin Lucius, nin Jason, nin Sosipater, ye n wôsufue mun béh yôh amun liké.

Rɔmfuɛ Mun 16:7

Nh yôh Andronicus nin Junias bo bé ti n wôsufue'n, bé liké. Bé ti n wiéngu bisuafue, bé nga Jésus sunmaan bé'n, bé bô bé dunman kpa. Bé dun mmua fa bé wun maan Christ, nan man fa min wun a men.

1 Korɛntfuɛ Mun 12:3

I so'n ti, nh kanh klé amun ke, se swran kun idyo Nyanmien Wawe'n fanngan nun'n, o kwla fa'a Nyanmien wua'a Jésus! kusu se swran kun idyo'a Nyanmien Wawe'n i fanngan nun'n, o kwla sé'a ke Jésus ti i Min.

1 Korɛntfuɛ Mun 16:22

Se swran kun klô'a é Min'n man Nyanmien bôé sannzan. É Min'n bah!

2 Korɛntfuɛ Mun 12:15

N lie'n, se n satyi n sa nun ninngé'n kwlaa ye n fa m bobo nannan su amun ti'n, o yô n fe. ?Ke n klô amun dan ke nga sa bo an klô'a n kpa'n, o ti kpa?

Galasifuɛ Mun 1:8

O man se é bobo ô, se nyanmien su lo ange wié ô, o wa kan dyasin fe ufle klé amun, b'o nin nga e dun mmua kan kléé amun'n ti'a kun'n, man Nyanmien bôé sannzan!

Galasifuɛ Mun 1:9

Nde nga é kan kléé amun laa'n, i kunngba'n ye nh kenh ékun ye'n: Se swran wié kan dyasin fe ufle klé amun b'o nin nga an faa su'n ti'a kun'n, man Nyanmien bôé sannzan!

Galasifuɛ Mun 3:10

Afin bé kwlaa nga bé fa bé wla gua mmla'n su fale'n su'n, bé wun su dyo'a bé le, afin bé klee ke, «Swran kwlaa ng'o faman nde kwlaa nga bé klee mmla fluwa'n nun'n su titi'n, i wun dyo'e lé.»

Galasifuɛ Mun 3:13

Ke Christ katyii swran bo Nyanmien bôé sannzan é ti'n, o fe i wun kpoo é ti sannzan nga Nyanmien bôô é mmla'n bo ya fa'a su'n ti, afin bé klee ke: «Swran kwlaa nga bé bô i komin'n, wuun Nyanmien bôlii sannzan.»

Efɛzfuɛ Mun 6:5

Kanga mun, man amun nyin yi amun min mun, anh bu bé swran, anh mian amun nyin ke liké nga amunh yôh'n o dyo bé klun, ke Christ ye an su yô men saa, nanh an bu i sin.