Rɔmfuɛ Mun 9:20 - Nyanmien nde Ufle

²⁰ ?O bo a usa so'n, a ti o lie se bo a yiyi Nyanmien nuan nuon? «?Liké nga bé fa ufa wu'n, o kwla use i ufue'n ke: O yô se ti ye a wuu n soo?»

NYANMIƐN NDƐ'N 1998

²⁰ ?Ɔ bɔ a usa sɔ'n, a ti ɔ liɛ sɛ bɔ a yiyi Nyanmiɛn nuan nun-ɔn? ?Like nga be fa ufa wu'n, ɔ kwla usɛ i ufuɛ'n kɛ: «Ɔ yo sɛ ti yɛ a wuli n sɔ-ɔ ?»

Rɔmfuɛ Mun 9:20 ပူးပေါင်းရင်းမြစ်များ

Matthieu 20:15

?N le'a atin ke n fa liké ng'o ti n lie'n yô o yaa? Ye Jésus sé ke:

JÉSUS-CHRIST I DYASIN FE'N BO LUC KLELI'N 12:14

Ye Jésus sé i ke: ?Ndya, wan ye o fa min sié ke n yô amun dyole difue, nin amun ninngé tyefueo?

Rɔmfuɛ Mun 14:4

?A ti o lie se bo a kon o niaan wié dyunman difue'n i wun ndeo? Se i nzuen ti kpa ô, se o ti'a kpa ô, nonh o ndeo, i min'n i ndeo. Oh yôh kpa, afin é Min'n kwla suen i bô mon o yô kpa.

Rɔmfuɛ Mun 2:1

I so'n ti, amun kwlaa bo an bu swran fo'n, an le'a nde fi. Afin ke an bu swran fo bo an yô sa kunngba nga swran so'n yô'n, an bu amun bobo amun wun fo.

Rɔmfuɛ Mun 2:3

?Amun bo an bu swran fo i so sa'n ti bo an yô sa kunngba'n, an bu ke Nyanmien su bu'a amun fo wié?

Rɔmfuɛ Mun 9:21

?Se ufue'n o kwla fa'a fa tole kunngba'n wu'a se wafa ng'o klô'n, se o wui klaan ô, se o wu'e klaan kpa ô, o kwla yô'e so?

Rɔmfuɛ Mun 9:22

?Ye Nyanmien kusu yô'a swran mun ke se ufue'n yô i se mun'n sa? ?Se o klô ke swran'm bé si ke wa fa bé wun ya, ye o kwla sa kwlaa yô'n, ye se bé nga bé kun i ya bo bé nin kunle fata'n, o blu su'n, o kwla yô'e so?

1 Korɛntfuɛ Mun 1:20

?Ngwlele sifue'n wô nin? ?Mmla sifue'n wô nin? ?Ble nga nun bé bo bé kunnde ke béh sih sa'm bé bô'n bé ô nin? ?Swran nga bé ti ngwlelefue men nga nun'n Nyanmien bu'a bé sinnglinfue?

1 Korɛntfuɛ Mun 7:16

?Mmô, se o ti ye man o wun'n oh nyenh i ti ô, a wun i wle se? ?Ndya, se o ti ye man o yi'n oh nyenh i ti ô, a wun i wle se?

1 Timote 6:5

O man swran nga bé wu'an sa wle, bo bé si'a nanwle'n kun'n, bé si akplôwa o le'a bô buwle. Bé bu ke Nyanmien sule'n man bé nyan bé wun.

2 Timote 2:20

Awlô dan kun nun nanh sika okwle nin dyete ufué se ngunmin ye bé ô nuan, sannge bé fa waka se liké'n wié ye bé fa ufa wu liké'n wié. Bé sié wié fa di bé tyen, bé fa wié yô liké kwlaa nga bé klô'n.

Tite 2:9

Kan klé kanga mun ke sa'n kwlaa nun bé bu bé min'm bé swran, bé yô sa ng'o dyo bé klun'n, nanh man bé kpalô bé nuan,

Jacques 2:20

Ééé, swran finfinfue! ?A klô ke a wun i wle ke swran ng'o sé ke o lafi Nyanmien su, sannge o yô'a sa kpakpa'n, i Nyanmien su b'o lafi'n o yô'a sa fi yé?