Rɔmfuɛ Mun 8:9 - Nyanmien nde Ufle

⁹ Sannge amun lie'n, se Nyanmien Wawe'n tran amun nun ke i awlô sa'n, amun nzuen'n ti'a klo swran lie kun, liké ng'o klé amun ke an yô'n, ye an yôo. Swran ng'o le'a Christ i Wawe'n o ti'e i lie.

NYANMIƐN NDƐ'N 1998

⁹ Sanngɛ amun liɛ'n, sɛ Nyanmiɛn Wawɛ'n tran amun nun kɛ i awlo sa'n, amun nzuɛn'n ti-man klɔ sran liɛ kun, like ng'ɔ kle amun kɛ an yo'n yɛ an yo-ɔ. Sran ng'ɔ lɛ-man Krist i Wawɛ'n, ɔ ti-mɛn i liɛ.

Rɔmfuɛ Mun 8:9 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 11:13

Se amun bo an ti swran te'n, an fa liké kpa tye amun mma mun'n, wuun é Si b'o ô nyanmien su lo'n kusu, oh feh i Wawe'n man bé nga bé sre i'n kpe blu.

Jean 14:23

Jésus sé i ke: Swran ng'o klô min'n, oh fah min nde'n su, ye n Si wa klôé, éh beh i wun, é nin i éh tranh.

Jean 3:34

afin swran nga Nyanmien sunmenniin'n, Nyanmien nde'n ye o kaan, i Wawe'n b'o fa men b'o nie'en i sin'n ti.

Jean 3:6

Swran nga klo swran wui'n, o ti klo swran, ye nga Nyanmien Wawe'n wui'n, o ti i lie.

Sa nga bé yôli'n 16:7

Ke bé mantaan Mysie men'n, bé waan béh koh Bithynie men'n nun, sannge Jésus Wawe'n wa ma'an bé atin.

Rɔmfuɛ Mun 7:5

Afin ke é nzuen'n te yô klo swran lie'n, mmla'n bo é di su'n ti, akunndan tete b'o ô é awlen'n nun'n o man é yô sa nga i agualie yele wié'n.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 8:11

Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 15:23

sannge o tô bé o tô bé. Christ ye o ti bé kliklio, i sin bé nga bé ti Christ lie'n, ke oh bah'n, bé ye oh tôh béo.

1 Korɛntfuɛ Mun 3:16

?An si'a ke an ti Nyanmien Kpli'n i sua bo i nun ye i Wawe'n traan?

1 Korɛntfuɛ Mun 6:17

I kunngba nion, swran b'o nin é Min'n katyi kun'n, bé wawe'n se.

1 Korɛntfuɛ Mun 6:19

?An si'a ke amun wunnen'n ti Nyanmien i Wawe'n b'o fa maan amun b'o ô amun nun'n i sua, o man an di'a amun tiaun?

2 Korɛntfuɛ Mun 10:7

Liké nga an wun bé'n ye an niaan! Se swran wié bu i klun lo ke o ti Christ lie'n, mon o bu i kusu ke, ke o ti Christ lie'n, é kusu é ti i lie wié.

2 Korɛntfuɛ Mun 6:16

?Bé kwla fa sua kun yô Nyanmien nin amuen'm bé sua? Afin é ti Anannganman Nyanmien'n i sua, afin Nyanmien bobo waan: «Min nin bé éh tranh, éh sanh nun, Nh yôh bé Nyanmien, ye bé kusu béh yôh n swran.»

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Efɛzfuɛ Mun 1:13

Amun kusu, ke an tii dyasin fe'n b'o ti nanwle'n, b'o man amun kwla nyan amun ti'n, an lafii Christ su. Ke amun nin i amuan katyi swran wunmuan'n ti, Nyanmien fe i Wawe'n b'o ken i nde'n maan amun b'o klé ke an ti i lie mlonmlon.

Efɛzfuɛ Mun 2:22

Amun kusu, swran wunmuan bo amun nin i amuan katyi'n ti, Nyanmien Wawe'n i fanngan nun an ti sua bo Nyanmien tran nun'n i yebue'n wié.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Filipfuɛ Mun 1:19

Afin n si ke i kwlaa so'n o man nh nyanh n ti Nyanmien bo an sre i ke o dyran n sin nin Jésus-Christ i Wawe b'o dyin n sin'n ti.

2 Timote 1:14

Liké kpa nga bé fa wloo o sa nun'n, Nyanmien Wawe'n b'o tran é awlen'n nun'n i fanngan nun nian su kpa.

1 Piɛr 1:11

Christ Wawe'n su Nyanmien nuan idyofue so'm bé su. O kan Christ nyrennen wafa ng'o wa wuin'n o nin i manmanle nga ke o kô wun nyrennen'n béh fah menmen'n i nde kléé bé. Bé miaan bé nyin ke béh sih sa so'n i ble'n o nin i wafa ng'oh yôh su'n.

1 Jean 3:24

Swran ng'o fa Nyanmien nde'n su'n, wuun o nin i ba katyi swran wunmuan, o nin i bé tran. Sa ti bo é si so'n, yele i Wawe'n b'o fa maan yé'n.

1 Jean 4:13

Sa nga b'o man é si ke é nin Nyanmien ya katyi swran wunmuan, nan é nin i é tran'n, yele ke o fe i Wawe'n maan é.

1 Jean 4:4

M mma mun, amun lie'n, an ti Nyanmien lie, o man an kwlali bé, afin Swran ng'o dyran amun sin'n ti dan tra nga b'o dyran men'n nunfue'm bé sin'n.

Sa nglô yile 13:8

Bé kwlaa nga bé ô men'n nun, bo ke bé bô men'n i bô'n, ba kle'a bé dunman Bua Gbanflen bo bé kunniin'n i nguan fluwa'n nun'n, béh kôtôh i bô.

Sa nglô yile 20:15

Swran kwla nga ba kle'e i dunman nguan fluwa nun'n, bé fe yii sin dan'n nun.