Rɔmfuɛ Mun 8:35 - Nyanmien nde Ufle

³⁵ ?Klôle nga Christ fa klô yé'n, nzu liké ye man i nyin kwla tu é suo? se nyrennen ô, mianle ô, yale kléle ô, awé ô, se é wun kplen ô, se é dyin wié nuan ô, se béh kunh é ô.

NYANMIƐN NDƐ'N 1998

³⁵ ?Klolɛ nga Krist fa klo ye'n, nguɛ like yɛ man i nyin kwla tu e su-ɔ? ?Nyrɛnnɛn nin-ɔn? ?Mianlɛ nin-ɔn? ?Yalɛ klelɛ nin-ɔn? ?Awe nin-ɔn? ?E wun kplɛn nin-ɔn? ?Wie nuan jranlɛ nin-ɔn? ?Kunlɛ nin-ɔn?

Rɔmfuɛ Mun 8:35 ပူးပေါင်းရင်းမြစ်များ

Jean 10:28

M man bé anannganman nguan, bé su nunnu'an lé, ye swran fi su dé'a bé n sa nun.

Jean 13:1

Jésus si ke i men'n nun wa tule'n nin i Si sin kole'n wa dyu, i sin nan ba bô Pâque (*f17*) dile'n i bô. Ke o fin i bôbôle nun'n, Jésus klô ifue nga bé ô men'n nun'n, o klô bé lélé gue i ti nin i bô.

Jean 16:33

N ken i kwlaa so'n kléé amun nan amun wun dyo amun fouun swran wunmuan bo min nin amun ya katyi'n ti. Amun wa wun amun nyin su kpa, sannge anh tra amun awlen, men nga nun wa'n min ye n kwlaa.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Rɔmfuɛ Mun 2:9

Bé kwlaa nga bé yô sa tete'n, yale kléle'n toh bé su, béh wunh nyrennen dan, Juif mun ye bé ti kliklio, i sin bé nga mun.

Rɔmfuɛ Mun 8:17

É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

Rɔmfuɛ Mun 8:37

Kannze sa so'n kwlaa to é su'n, Jésus b'o klôô yé'n ti, é tra safunyren.

1 Korɛntfuɛ Mun 4:11

Lélé nde awé nin nzué wé te kun é,

1 Korɛntfuɛ Mun 4:12

é wun ti kplen, bé bô é, é ti lalasinfue, é di dyunman é fa kpa nan ya nyan é nuan nun alie. Bé kpe é nzôwa, é yi ma'an bé, é bô bé môaé. Bé klé é yale, o son é nun.

2 Korɛntfuɛ Mun 12:10

I so'n ti, se n le'a wunmien ô, bé kpe min nzôwa ô, n sa mian ô, bé klé n yale ô, n wun nyrennen ô, Christ ti n klun dyo, afin ke m bu i ke n le'a wunmien'n, i lie bo ye n nyan wunmien nion.

2 Korɛntfuɛ Mun 4:17

Nyrennen kaan nga é wuin ye'n o man éh nyanh tranwle kpa nyanmien su lo, é su dyaô'a nun le.

2 Korɛntfuɛ Mun 4:8

É wun nyrennen wafawafa'n kwlaa, sannge é nyan é ti, é akunndan sanngan, sannge é wla bôman,

2 Korɛntfuɛ Mun 4:9

bé su é su, sannge Nyanmien yatyi'a é, bé te é asé, sannge bé kwla'a é.

Efɛzfuɛ Mun 3:19

Kannze swran fi kwla wu'an klôle bo Christ fa klô yé'n i wle kpa'n, nh sreh i ke an wun i wle, nan an fa Nyanmien Kpli'n sa'n kwlaa nun.

2 Tɛsalonikfuɛ Mun 2:16

Man é Min Jésus-Christ bobo nin é Si Nyanmien b'o klô é, bo yé b'o yô yé'n ti, o gua é awlen su nzué tititi, b'o man é liké kpa bo é fa é wla gua su'n,

2 Timote 1:12

I so'n ti ye n wun nyrennen ngaa, sannge o nin i so'n ngba nyannzuen ku'an min, afin n si swran nga n fa n wla'n guee i su'n. N sii wéiin ke liké kwlaa nga o fa wlaa n sa nun'n, i bobo kwla nian su lélé fa dyu tyen so'n nun.