Rɔmfuɛ Mun 8:28 - Nyanmien nde Ufle

²⁸ É si ke sa kwlaa nga b'o yô'n, é bo é klô Nyanmien b'o flee é yele ke o bu é akunndan siéé laa'n, é kpa yôle ti ye o man sa so'm bé yôo.

NYANMIƐN NDƐ'N 1998

²⁸ E si kɛ sa kwlaa nga b'ɔ ju'n, e bɔ e klo Nyanmiɛn b'ɔ flɛli e yɛlɛ kɛ ɔ bu ye akunndan sieli laa'n, e kpa yolɛ ti yɛ ɔ man sa sɔ'm be yo-ɔ.

Rɔmfuɛ Mun 8:28 ပူးပေါင်းရင်းမြစ်များ

Marc 12:30

Klô o Min Nyanmien'n kpa, fo o wla'n kwlaa gue i su, man wo akunndan'n kwlaa tren i su, fo o wunmien'n kwlaa yô liké ng'o klé ke a klôé'n.»

Sa nga bé yôli'n 13:48

Ke bé bo bé ti'a Juif'n bé tii i so'n bé klun dyoli, bé laa é Min Nyanmien'n i asé i nde'n ti, ye bé kwlaa nga Nyanmien fali bé ke bé nyan anannganman nguan'n, bé faa su.

Rɔmfuɛ Mun 11:29

Afin ke Nyanmien fa liké man swran'n, ye ke o fle swran'n, o kôkô'e i sin.

Rɔmfuɛ Mun 8:30

Bé ng'o siéé bé so'n, o flee bé, ye bé ng'o flee bé'n, o buu bé swran kpa, ye bé nga o buu bé swran kpa'n, o man bé nyaan nyrun ke i lie'n sa.

Rɔmfuɛ Mun 9:11

Ke bé nian wu'a ba so mun bo bé nian si'a liké nga bé flee kpa nin te'n, Nyanmien séé Rébecca ke: «Ba kpenngbenfue'n oh suh i sinma'n.» O yôé so nan bé si ke o fa swran nga i bobo klô'n, o nia'an liké nga swran'm bé yô'n su ye o fa fa béo, sannge bé nga o fle bé'n bé ye o fa béo.

1 Korɛntfuɛ Mun 1:2

éh kleh fluwa nga ble amun bo an ti Nyanmien i asonunfue Corinthe lo b'o flee amun ke an katyi i lie mlonmlon'n, swran wunmuan bo amun nin Jésus-Christ amuan yô'n ti, o nin bé kwlaa nga bé bô Jésus-Christ b'o ti é kwlaa é Min'n i dunman'n.

1 Korɛntfuɛ Mun 1:24

Sannge é nga Nyanmien flee yé'n, se Juif ô, se Grec ô, Christ ti é si ke Nyanmien ti kpli, ye o si sa'n kwlaa.

1 Korɛntfuɛ Mun 1:9

Nyanmien b'o flee amun ke amun nin i Wa Jésus-Christ b'o ti é Min'n an di anuanse'n, o ti nanwlefue.

1 Korɛntfuɛ Mun 2:9

Sannge ba simen, afin bé klee ke: «Liké nga swran fi nyinma a wunmen, Bé su a timan, Bo i wun akunndan a ba'a bé klun'n Liké so'n ye Nyanmien yô meen i klôfue muon.»

2 Korɛntfuɛ Mun 5:1

Afin é si ke é wunnen ng'o ô ye'n o ti ke kpata sa. Se o satyi'n, Nyanmien manh é tranwle ufle nyanmien su lo b'o ti'a swran sa nuan, o su satyi'a lé.

Galasifuɛ Mun 1:15

Sannge Nyanmien dun mmua fa min nan min nin a gua min asé, ye i klun-ufué'n ti o flee min.

Galasifuɛ Mun 1:6

O bô n nuan kpa ke, ke é sé ye'n, amuan katyi amun sin a si i bo yé bo Christ yôli amun'n, ti o fleli amun'n, amuan fa dyasin fe ufle su'n.

Galasifuɛ Mun 5:8

Nde nga bé kan kléé amun'n, o fi'an Nyanmien b'o flee amun'n.

Efɛzfuɛ Mun 3:11

Ke o yôé so'n, sa ng'o dun mmua buu i akunndan lalafue nun ke o man é Min Christ-Jésus yô'n, o kpeen su.

Efɛzfuɛ Mun 4:1

I so'n ti, m bo é Min'n ti ye n ti bisuafue'n, n sre i kpa ke an bu flele nga Nyanmien flee amun'n i akunndan, nan an yô sa ng'o ti i nuan su'n.

Filipfuɛ Mun 3:14

O man m mian min nyin dyu dyuwle nga bé siéli'n nun, nan nh nyanh liké nga Nyanmien fle é ke é nyen nyanmien su lo'n, swran wunmuan bo é nin Christ-Jésus ya yô'n ti.

1 Tɛsalonikfuɛ Mun 5:9

Afin nanh é wun ya fale ti ye Nyanmien faa yéo, sannge o faa é ke é Min Jésus-Christ ti, é nyan é ti.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

2 Timote 2:19

Sannge Nyanmien i sua'n i bô asé b'o wlali'n o dyran kéklé, bé klee su ke: «É Min'n si bé ti i lie'n,» ye: Swran kwlaa nga i waan o ti é Min'n i lie'n, mon o yatyi sa te yôle'n.

Hébreu 9:15

I so'n ti ye o ti sa ufle nga Nyanmien waan oh yôh man swran'n i nun dyranfue nion. I wule b'o wuli'n ti o dé bé nga bé fa sa klikli nga Nyanmien waan oh yôh man swran'n su'n bo bé yô sa te'n, i sae'n nun. O man bé nga Nyanmien flee bé'n béh nyanh liké kpakpa ng'o wiéman mlonmlon bo i waan oh fah man bé'n.

Jacques 1:12

Swran nga sa to i su b'o tre i awlen'n, i lie su ti yé. Afin ke Nyanmien wun ke o tre i awlen sa so'n nun'n, oh fah nguan b'o ti liké kpa, bo i waan oh fah man bé nga bé klôé'n, men.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

1 Piɛr 3:9

Se swran yô amun te'n, nanh an yôé wié, se bé kpe amun nzôwa'n, nanh an yi man bé, anh yra bé nguan, afin ke Nyanmien flee amun'n, o sé ke oh yrah amun nguan. Bé klee Nyanmien Nde'n nun ke:

1 Piɛr 5:10

Ke an wun nyrennen lé nnyon kun'n, Nyanmien Aklunyéfue Kpli'n b'o flee amun ke an nyan nyrun titi, swran wunmuan bo amun nin Christ a katyi'n ti'n, i bobo man amunh yôh swran kpa mlonmlon. Oh yôh man amunh dyranh kéklé, oh wlah amun fanngan, o man amun wun su usu'a amun.

1 Jean 4:10

Klôle so'n, nanh é ye é klôô Nyanmieon, i ye o klôli yéo, nan wa sunmen i Wa kunngba'n ke o fe i wun yi é ti te.

1 Jean 4:19

É lie'n, é klô Nyanmien, afin o dun mmua klôli é.

Sa nglô yile 3:19

Bé kwlaa nga n klô bé sa'n, n idyo bé, n tu bé fo. I so'n ti, anh yatyi amun nyrun kôuun yôle'n, anh katyi amun nzuen'n.