Rɔmfuɛ Mun 8:2 - Nyanmien nde Ufle

² Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

NYANMIƐN NDƐ'N 1998

² Afin Nyanmiɛn Wawɛ'n kle sa uflɛ b'ɔ man be bɔ be nin Krist-Jésus b'a kaci sran wunmuan'n be ´nyan nguan. Ɔ man m'an nyan n ti sa tɛ'n nin wie'n bé sa nun.

Rɔmfuɛ Mun 8:2 ပူးပေါင်းရင်းမြစ်များ

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 6:63

Nyanmien Wawe'n ye o man nguan nion, bé wunnen'n kwla yô'a liké fi. Nde nga n kan kléé amun'n ti Nyanmien Wawe'n lie, bé man nguan.

Jean 8:32

Amunh sih nde ng'o ti nanwle'n, ye nde nanwle so'n ti amunh nyanh amunh ti.

Jean 8:36

Se Nyanmien Wa'n kpo amun ti'n, amunh nyanh amun ti mlonmlon.

Rɔmfuɛ Mun 16:3

Nh yôh Prisca nin Aquilas bo bé ti n wiéngu Christ-Jésus i dyunman nun'n, bé liké.

Rɔmfuɛ Mun 3:27

?Se o ti so'n, nzu su ye é dyran fa di é nuaan? É le'e i so liké mlonmlon! ?Nzu ti ye é le'e i so liké nion? ?Mmla'n b'o man é si liké nga é yô'n tio? Tyetye, Nyanmien bo é lafi i su'n tio.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 6:14

An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Rɔmfuɛ Mun 6:18

Nyanmien déli amun ti nzuen tete'n nun, sa kpa'n ye wa katyi amun nzueon.

Rɔmfuɛ Mun 6:22

Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

Rɔmfuɛ Mun 7:21

O man man sié i nzolie ke, tyen kwlaa ke n klô ke nh yôh sa kpa'n, kpekuun sa te'n dyin m bué.

Rɔmfuɛ Mun 7:23

sannge n wun ke sa ufle ô le. Min nzuen b'o man n yô sa te'n, o nin akunndan nga b'o man n klô ke n yô sa kpa'n, bé ti ke swran nnyon bo bé si akplôwa sa, lélé n fa tefue'n su, o man n katyi sa te yôfue mlonmlon.

Rɔmfuɛ Mun 7:4

N niaan mun, amun kusu, swran wunmuan bo amun nin Christ amuan katyi'n ti, amuan wu, o man amun nin mmla'n amuan bu, ye amuan yô swran ufle bo Nyanmien tyenniin'n i lie. Sa so'n yô so nan é yô sa kpa man Nyanmien.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

2 Korɛntfuɛ Mun 3:17

É Min nga bé ken i nde wa'n yele Nyanmien Wawe'n, ye lika kwlaa nga é Min'n i Wawe'n wô le'n, bé di aladyé.

2 Korɛntfuɛ Mun 3:6

I kunngba'n ye man é kwla di sa ufle nga i waan oh yôh man swran'n i dyunman nion. O ti'a mmla bo bé klelio, sannge o ti Nyanmien Wawe'n lie. Afin mmla nga bé kleli'n o man swran wu, sannge Nyanmien Wawe'n lie'n o man swran nyan nguan.

Galasifuɛ Mun 2:19

Afin mmla'n ti, n wuli, min nin i a bu, o man ôle nga n wô ye'n, n wô Nyanmien dunman nun. Bé bôbôô min nin Christ waka'n su,

Galasifuɛ Mun 5:1

Aladyé dile ti ye Christ kpoo é tio. I so'n ti, anh dyran kéklé, nanh an fa amun wun wla kanga'n nun.

Galasifuɛ Mun 6:2

Se an wun amun niaan kun bo i tro'n su tii'n, anh wuke. Se an yôé so'n, wuun amuan wié Christ mmla'n su fa.

Jacques 1:25

Sannge swran ng'o nian Nyanmien mmla'n b'o ti niannun kpa, b'o man swran'm bé nyan bé ti'n nun'n, b'o nian nun tititi'n, bo ke o ti mmla'n i wla fiman, sannge o fa su'n, Nyanmien man liké ng'o yô'n, oh yôh yé.

Sa nglô yile 11:11

Ke tyen ba nsan nin sin'n wiéli'n, Nyanmien man bé déé wunmien ékun, bé dyaô dyrannin. Bé kwlaa nga bé wuun bé'n, sre kuun bé dan kpa.

Sa nglô yile 22:1

O kléé min nzué ba bo i nun nzué'n man nguan'n, o ti nyannyannyan ke la glace sa. O fin Nyanmien nin Bua Gbanflen'n bé bia'n nun ye o fitéo.