Rɔmfuɛ Mun 8:17 - Nyanmien nde Ufle

¹⁷ É ti i wa, o man liké ng'o sé ke oh fah men i swran mun'n, éh nyanh wié, ye kusu liké ng'o sé ke oh fah Christ'n, béh bôh é dunman nun wié, sannge san nyrennen kunngba ng'o wunniin'n, éh wunh wié, nan é nin i ya nyan nyrun.

NYANMIƐN NDƐ'N 1998

¹⁷ E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

Rɔmfuɛ Mun 8:17 ပူးပေါင်းရင်းမြစ်များ

Matthieu 16:24

Ke o yôô so'n, o sé i sonnzonfue'm bé ke, swran nga i waan oh suh n su'n, mon o klen i wun man min, o sue i waka'n, nan o su n su.

Matthieu 25:21

I min'n sé i ke: O ti kpa. A ti swran kpa, a ti nanwlefue, liké kaan nga n fa mannin wo'n, a yôli i kpa, i so'n ti, n kusu nh foh o sié liké dan su. Bla man é ablé.

JÉSUS-CHRIST I DYASIN FE'N BO LUC KLELI'N 12:32

Amun bo an ti ke bua akpasua kaan kun sa'n, nanh sre kun amun, yele ke amun Si klô ke oh feh i men'n nun ninngé kpakpa'n man amun.

JÉSUS-CHRIST I DYASIN FE'N BO LUC KLELI'N 24:26

?Ba sé'a ke Christ wunh nyrennen nan wa tren i bia'n su?

Jean 17:24

N Si, n klô ke bé nga a fa bé maan min'n lika nga n wô lo'n, bé tran lo wié nan bé wun nyrun nga wo man n le'n, afin a klô min i sin nan w'a yi men'n.

Sa nga bé yôli'n 14:22

bé wla asonunfue'm bé fanngan, bé tu bé fo ke bé lafi Nyanmien su kpa, ye bé sé bé ékun ke: San éh wunh nyrennen dan kpa nan ya kwla dyu Nyanmien men'n nun.

Sa nga bé yôli'n 20:32

Sien'n nh fah amun wla é Min'n sa nun, ye nh fah yé dan bo Nyanmien yôô yé'n i nde'n yatyi amun sa nun. O man amunh kwlah dyran tyinndyin, ye kusu o kwla fa liké ng'o sié maan swran kwlaa ng'o ti i lie mlonmlon'n man amun.

Sa nga bé yôli'n 26:18

Nh sunmonh o ke a tiké bé nyin, ke bé dyaô aôsin'n nun, bé bla wéiin nun, bé dyaô Satan sa nun, bé bla Nyanmien sin, nan o yatyi bé wun sa'n tye bé, ye liké nga bé nga bé lafi n su'n bo i ti ye bé katyi n lie'n bé nyen'n béh nyanh bé lie.

Rɔmfuɛ Mun 5:17

Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

Rɔmfuɛ Mun 8:3

Liké nga Moïse mmla'n kwle'e i yô'n klo swran i nzuen'n ti'n, Nyanmien bobo yôli. Ke o man i bobo Wa'n katyi ke klo swran b'o yô sa te'n sa, b'o sunmenniin ke o yô te nnen'n, o klé ke sa te b'o ti klo swran nzuen'n ti te, o man se o wié'n, o ti su.

1 Korɛntfuɛ Mun 2:9

Sannge ba simen, afin bé klee ke: «Liké nga swran fi nyinma a wunmen, Bé su a timan, Bo i wun akunndan a ba'a bé klun'n Liké so'n ye Nyanmien yô meen i klôfue muon.»

2 Korɛntfuɛ Mun 1:5

Afin ke Christ ti é wun nyrennen ke i bobo wuun nyrennen dan sa'n, i kunngba nion, Christ ti Nyanmien fonvo é dan.

2 Korɛntfuɛ Mun 1:7

É lafi Nyanmien su kpa, afin é si ke, ke amun wun nyrennen wié'n, Nyanmien wa fonvo amun kusu.

Galasifuɛ Mun 3:29

Se an ti Christ lie'n, wuun an ti Abraham anunman, o man liké nga Nyanmien waan oh fah men i swran mun'n, amunh nyanh wié.

Galasifuɛ Mun 4:7

I so'n ti, an ti'a kanga kun, an ti Nyanmien wa. Ke an ti wa'n ti, liké ng'o ti i lie'n o ti amun lie.

Efɛzfuɛ Mun 3:6

Sa so'n yele ke liké nga Nyanmien waan oh fah men i swran mun'n, o nin liké ng'o sé ke oh yôh man bé'n, bé nga bé ti'a Juif'n bé dunman teh nun wié, ye bé nin Juif mun ba yô kun dyasin fe b'o man bé nin Christ-Jésus ba katyi swran wunmuan'n ti.

Filipfuɛ Mun 1:29

Afin nanh Christ sulafile ngunmin ye Nyanmien man amun lafio, sannge o man amunh wunh nyrennen i dunman nun ékun.

Filipfuɛ Mun 3:10

Min akunndan kpa'n yele ke, man n si Christ nin i kwlale b'o man o tyennin'n, nan nyrennen ng'o wunniin'n nh wunh wié lélé se n wu'n, man n yô ke i sa,

Kolɔsfuɛ Mun 1:24

Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

Tite 3:7

nan yé nga o yô yé'n ti, o bu é swran kpa, o man éh nyanh anannganman nguan nga i waan oh manh yé'n bo é wla ô su'n.

Hébreu 1:14

?Ange'n kwlaa bo bé ti aôlia nun swran bo bé su Nyanmien'n, wa sunma'an bé ke bé wa nian bé nga bé wa nyan bé ti'n bé su?

Hébreu 1:2

Sannge é bo é su ko men'n i bué nuan'n, o man i Wa'n ye o kan nde kléé yéo. I ye o man o yii men'n nin ninngé'n kwlaaa, ye o sé ke oh fah liké'n kwlaa men.

Hébreu 6:17

Nyanmien klô ke bé nga béh nyanh liké nga i waan oh manh bé'n, bé wun i wle kpa ke o su katyi'e i akunndan'n. I so'n ti ye ke o kannin'n, o taa nda nion.

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 1:4

O wuli é so nan é nyan liké kpa ng'o siéé nyanmien su lo'n. Liké so'n kwla satyiman, o yô'a fien, o mlinman.

1 Piɛr 4:13

Sannge ke an wun nyrennen kunngba nga Christ wunniin'n wié'n, man amun klun dyo, nan tyen nga béh yih i swran wafa ng'o ti'n i nglô'n, amun klun a dyo kpa.

Sa nglô yile 21:7

Swran ng'o kwla'n, sa nga nh yôh men'n ye: Nh yôh i Nyanmien ye oh yôh n wa.

Sa nglô yile 3:21

Swran ng'o kwla'n, min nin i éh dih m bia'n, ke n kwlali, bo min nin n Si é di i bia'n sa.