Rɔmfuɛ Mun 8:14 - Nyanmien nde Ufle

¹⁴ Bé kwlaa nga bé fa atin nga Nyanmien Wawe'n klé bé'n su'n, bé ti Nyanmien wa.

NYANMIƐN NDƐ'N 1998

¹⁴ Be kwlaa nga be fa atin nga Nyanmiɛn Wawɛ'n kle be su'n, be ti Nyanmiɛn wa.

Rɔmfuɛ Mun 8:14 ပူးပေါင်းရင်းမြစ်များ

Matthieu 5:9

Bé nga bé ti nda siésiéfue'n, bé lie su ti yé, afin Nyanmien wa fle bé i mma mun!

Jean 1:12

Sannge bé kwlaa nga bé soo i nun bo bé lafi i su'n, o man bé katyi Nyanmien wa.

Rɔmfuɛ Mun 8:19

Liké kwlaa nga Nyanmien yii bé'n, bé wun blibli bé, bé minnde tyen nga Nyanmien wa yi i mma'm bé nglô'n.

Rɔmfuɛ Mun 8:5

Afin bé nga klo swran nzuen'n te yô bé fe'n, klo swran ninngé'n ye o lô béo, sannge bé nga bé ti Nyanmien Wawe'n lie'n, i ninngé'n ye o lô béo.

Rɔmfuɛ Mun 8:9

Sannge amun lie'n, se Nyanmien Wawe'n tran amun nun ke i awlô sa'n, amun nzuen'n ti'a klo swran lie kun, liké ng'o klé amun ke an yô'n, ye an yôo. Swran ng'o le'a Christ i Wawe'n o ti'e i lie.

Rɔmfuɛ Mun 9:26

Lika nga n séé lofue'm bé ke: An ti'a n swran'n, Béh fleh lofue mun Anannganman Nyanmien mma mun.»

Rɔmfuɛ Mun 9:8

O man, nanh bé nga bé ti Abraham ôsufue bé awulie'n nun'n bé ye bé ti Nyanmien wa kpaa, sannge bé nga Nyanmien dun mmua sé ke bé wu bé'n, bé ye bé bu bé ke bé ti i wa kpaa.

2 Korɛntfuɛ Mun 6:18

Nh yôh amun si, Ye amun kusu amunh yôh n wa yasua nin n wa bla. Ke é Min Nyanmien Kpli'n sé soo.»

Galasifuɛ Mun 3:26

Afin Christ-Jésus bo an lafi i su'n ti, amun kwlaa an ti Nyanmien wa.

Galasifuɛ Mun 4:5

O bali ke oh déh bé nga bé di mmla'n su'n bé ti, nan é katyi Nyanmien klun ba.

Galasifuɛ Mun 4:6

Nyanmien wa bo an ti'n ti, o sunmeen i Wa'n i Wawe'n ke o wa tran é awlen'n nun, o kpan fle Nyanmien ke: Baba!

Galasifuɛ Mun 5:16

N sé ke yiô: Anh yô sa nga Nyanmien Wawe'n klé amun'n ye an su yô'a liké nga klo swran kônvi soe'n kun.

Galasifuɛ Mun 5:18

Se an fa atin nga Nyanmien Wawe'n klé amun su'n, Nyanmien dyra'an mmla'n su ye o sié amuon.

Efɛzfuɛ Mun 1:5

Klôle b'o klô yé'n ti, o dun mmua buu é akunndan ke sa nga Jésus-Christ yôli'n ti oh fah é katyi i klun ba. I klun dyo su ke oh yôh i so ti ye o yôli so nion,

Efɛzfuɛ Mun 5:9

Afin bé nga bé ô wia'n nun'n, bé yô swran yé, bé yô sa kpa, bé di nanwle.

1 Jean 3:1

Anh nian klôle nga é Si Nyanmien fa klô yéo! Klôle dan so'n ti ye bé fle é i wa nion. Ye é ti i wa sakpa. Anh nian sa nga ti ye men'n nunfue'm bé si'a yé'n, yele ke bé si'a Nyanmien.

1 Jean 3:24

Swran ng'o fa Nyanmien nde'n su'n, wuun o nin i ba katyi swran wunmuan, o nin i bé tran. Sa ti bo é si so'n, yele i Wawe'n b'o fa maan yé'n.

Sa nglô yile 21:7

Swran ng'o kwla'n, sa nga nh yôh men'n ye: Nh yôh i Nyanmien ye oh yôh n wa.