Rɔmfuɛ Mun 8:11 - Nyanmien nde Ufle

¹¹ Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

NYANMIƐN NDƐ'N 1998

¹¹ Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

Rɔmfuɛ Mun 8:11 ပူးပေါင်းရင်းမြစ်များ

Jean 5:21

Ke i Si'n tyen swran b'o man bé nyan nguan'n, Ba'n kusu man swran ng'o klô ke o nyan nguan'n, o nyen.

Sa nga bé yôli'n 2:24

Wié'n feli, Nyanmien délii i sa nun, o tyenniin, yele ke wié'n kwle'e i sié.

Rɔmfuɛ Mun 16:10

Nh yôh Apellès b'o ti Christfue kpa'n, i liké. Nh yôh Aristobule i awlôfue'm bé liké.

Rɔmfuɛ Mun 16:3

Nh yôh Prisca nin Aquilas bo bé ti n wiéngu Christ-Jésus i dyunman nun'n, bé liké.

Rɔmfuɛ Mun 16:7

Nh yôh Andronicus nin Junias bo bé ti n wôsufue'n, bé liké. Bé ti n wiéngu bisuafue, bé nga Jésus sunmaan bé'n, bé bô bé dunman kpa. Bé dun mmua fa bé wun maan Christ, nan man fa min wun a men.

Rɔmfuɛ Mun 16:9

Nh yôh Urbain b'o ti é wiéngu Christ i dyunman nun'n, o nin Stachys n swran kpa'n, bé liké.

Rɔmfuɛ Mun 6:12

I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

Rɔmfuɛ Mun 8:1

O man sien'n bé nga bé nin Christ-Jésus ba katyi swran wunmuan'n, bé wun sa lie'n wa wié.

Rɔmfuɛ Mun 8:12

I so'n ti, aniaan mun, é ti mianfue, sannge é ti'a mianfue ke é yô klo swran nzuen ngba kun.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

Rɔmfuɛ Mun 8:9

Sannge amun lie'n, se Nyanmien Wawe'n tran amun nun ke i awlô sa'n, amun nzuen'n ti'a klo swran lie kun, liké ng'o klé amun ke an yô'n, ye an yôo. Swran ng'o le'a Christ i Wawe'n o ti'e i lie.

1 Korɛntfuɛ Mun 15:16

Afin se o tye'an swran'n, wuun wa tye'an Christ kusu.

1 Korɛntfuɛ Mun 6:14

Nyanmien bo i fanngan nun ye é Min'n tyennin'n, o man éh tyenh wié.

2 Korɛntfuɛ Mun 4:11

Ke o yô nan ba wun ke é bo é ti wié'n i nnen'n ya nyan nguan kunngba nga Jésus le'n wié'n, é dyran wié'n i nuan Jésus ti lélé éh fah wu.

2 Korɛntfuɛ Mun 4:14

É si ke Nyanmien b'o tyeen é Min Jésus'n o wa tyen é wié ke o tyeen Jésus'n sa, ye oh fah é nin amun éh kôh yie i nyrun lo.

2 Korɛntfuɛ Mun 5:4

Ke é te ô kpata nga bô'n, ôtôle'n kun é, nanh ke é wunnen ng'o ô ye'n é klô ke é kpa gue ke kôndrô saa, sannge ufle ye é kônvi ô su ke éh fah kla suo, nan anannganman nguan'n wa katyi kwlaa ng'o ti wié'n i nnen'n.

Galasifuɛ Mun 6:8

Se swran kun lua liké nga i bobo klun klô'n, i mma nga b'o ti'n yele i bobo i klun sa bo i agualie yele wié'n. Sannge se o lua liké nga Nyanmien Wawe'n klô'n, i mma nga Wawe so'n man o ti'n yele anannganman nguan'n.

Filipfuɛ Mun 3:21

O wa fa é wunnen b'o ti'a liké fi'n o yô man oh katyih ke i wunnen b'o fa oo lika ng'o le nyrun lo'n nun'n sa. I kwlale b'o fa sié liké'n kwlaa'n ye oh fah katyi io.

Hébreu 13:20

Nyanmien tyennin é Min Jésus b'o ti Bua Tafue Dan'n, i mmôdya b'o man swran nin Nyanmien bé di anuanse tititi'n ti. Man Nyanmien b'o man swran di aladyé'n

1 Piɛr 1:21

I ti ye amuan lafi Nyanmien b'o tyenniin'n, b'o man o nyaan nyrun'n i suo, o man Nyanmien su ye amuan lafio, i su ye amuan fa amun wla'n ba guaa.

1 Piɛr 3:18

Amun ti te ye Christ fe i wun yilio. O yôé kpe kunngba o su yô'e kun. I b'o ti swran kpa'n, sa te yôfue'm bé ti o wuli, nan oh fah amun man Nyanmien. Bé kunniin, sannge Nyanmien Wawe'n tyenniin.

Sa nglô yile 1:18

N ti anannganman, n wuli, sannge n tyennin, sien'n min nyin ô su, ye nh kah le tititi. Min ye n sié Wié nion, ye blolo lo la clé'n wô n sa nun.

Sa nglô yile 11:11

Ke tyen ba nsan nin sin'n wiéli'n, Nyanmien man bé déé wunmien ékun, bé dyaô dyrannin. Bé kwlaa nga bé wuun bé'n, sre kuun bé dan kpa.