Rɔmfuɛ Mun 8:10 - Nyanmien nde Ufle

¹⁰ Se an ti Christ i awlô'n, é wun i bué kun ke sa te'n ti, amuan wu, i bué kun kusu é wun ke, amun swran kpa b'o katyii amun'n ti, i Wawe'n o man amuan nyan nguan.

NYANMIƐN NDƐ'N 1998

¹⁰ Sɛ an ti Krist i awlo'n, wuun e wun i bue kun kɛ sa tɛ'n ti amu'an wu, i bue kun kusu e wun kɛ amun sran kpa b'ɔ kacili amun'n ti'n, i Wawɛ'n ɔ man amu'an nyan nguan.

Rɔmfuɛ Mun 8:10 ပူးပေါင်းရင်းမြစ်များ

Jean 14:23

Jésus sé i ke: Swran ng'o klô min'n, oh fah min nde'n su, ye n Si wa klôé, éh beh i wun, é nin i éh tranh.

Jean 15:5

Min ye n ti raisin'n i bô nion, an ti i sama. Swran ng'o nin min a yô swran wunmuan bo é tran titi'n, o ti ke waka sama b'o su kpanngban sa, afin se n nu'an nun'n, an kwla yô'a liké fi.

Jean 17:23

Man min nin bé é yô swran wunmuan, ke min nin o é ti swran wunmuan'n sa nan bé katyi swran wunmuan mlonmlon. Mon o yô so nan men nunfue'm bé si ke wo ye a sunmaan mion, ye a klô bé ke a fa klô min'n sa.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 6:54

Swran ng'o di min nnen'n b'o non min mmôdya'n, o le anannganman nguan, ye nh tyeenh men'n i awiélie,

Jean 6:56

Swran ng'o di min nnen'n b'o non min mmôdya'n, min nin i ya katyi swran wunmuan, é su ti'a nun.

Rɔmfuɛ Mun 5:12

I so'n ti, anh nian. Swran kun ti ye sa te yôle'n baa men'n nuon, ye sa te so'n ti ye man wié'n balio. I ti ye man wié'n wô swran kwlaa bé suo, afin bé kwlaa bé yô sa te.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 8:11

Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

1 Korɛntfuɛ Mun 15:45

I so'n ti ye bé klelii ke: «Adam b'o ti swran klikli'n o nyaan nguan o yô swran.» Adam kasienfue'n yôô aôlia nun'n swran b'o man nguan.

2 Korɛntfuɛ Mun 13:5

Amun bobo anh bu amun klun lo nian se an lafi Christ su sakpa ô. Se an yô i so'n, nan se an wun ke an nu'an bé bo ba lafi'a Christ su'n bé nun wié'n, amunh wunh i wle ke Christ nin amun ye o wôo.

2 Korɛntfuɛ Mun 4:11

Ke o yô nan ba wun ke é bo é ti wié'n i nnen'n ya nyan nguan kunngba nga Jésus le'n wié'n, é dyran wié'n i nuan Jésus ti lélé éh fah wu.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Efɛzfuɛ Mun 3:17

nan Christ su bo an lafi'n ti, o tran amun awlen'n nun. Ye nh sreh i ke o man an wun klôle b'o fa klô amun b'o man an dyran kéklé'n, i wle wéiin,

Filipfuɛ Mun 1:23

N ti mianfue i bué nnyon'n nun, sa ng'o yô n fe kpa tra su'n, yele ke nh koh nan min nin Christ é kô tran, i so'n ye o ti kpaa.

Kolɔsfuɛ Mun 1:27

Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

1 Tɛsalonikfuɛ Mun 4:16

Ke bé ti ke swran kun kpan, bo bé ti ange kpenngben'n i nen'n, bo bé ti Nyanmien i awe'n i tele'n tye'n, kpekuun é Min'n bobo fin nyanmien su lo su dyra Christfue nga bé wuli'n, béh tyenh dun mmua é nyrun,

Hébreu 12:23

An baa Nyanmien i mma ngbenngben bo bé klce bé dunman nyanmien su lo'n bé tyen dile'n bô nin bé anyia'n nun. An baa Nyanmien b'o ti swran'n kwlaa bé dyole difue'n, nin swran kpa nga Nyanmien a katyi bé swran kpa mlonmlon sien'n bé wawe'n,

Hébreu 9:27

Bé siéé ke swran wu kpe kunngba, i sin bé fe ko Nyanmien dyasu.

Sa nglô yile 14:13

N tii swran kun nen nyanmien su lo, o sé ke: Kle nde nga: Ke o fin nde'n, bé nga bé nin é Min'n ba katyi swran wunmuan bo bé wu'n, bé lie su ti yé! Nyanmien Wawe'n sé ke o ti so. Bé wa yatyi bé dyunman kéklé bo bé di'n béh déh wunmien, afin bé nin bé nyôlie kpa'n ye béh kooh.