Rɔmfuɛ Mun 7:5 - Nyanmien nde Ufle

⁵ Afin ke é nzuen'n te yô klo swran lie'n, mmla'n bo é di su'n ti, akunndan tete b'o ô é awlen'n nun'n o man é yô sa nga i agualie yele wié'n.

NYANMIƐN NDƐ'N 1998

⁵ Afin kɛ e nzuɛn'n tɛ yo klɔ sran liɛ'n, mmla'n bɔ e di su'n ti'n, akunndan tɛtɛ b'ɔ o ye anwlɛn nun'n ɔ man e yo sa nga i agualiɛ yɛlɛ wie'n.

Rɔmfuɛ Mun 7:5 ပူးပေါင်းရင်းမြစ်များ

Matthieu 15:19

Afin akunndan te'n, swran kunle'n, bla nin bian bé yi annze bé wun i bô kunndele'n, bla nin bian kunndele'n, awié'n, bé wiéngu suen tonle'n, swran wun nde kanle'n, i kwlaa so'n wô swran i awlen'n nun.

Jean 3:6

Swran nga klo swran wui'n, o ti klo swran, ye nga Nyanmien Wawe'n wui'n, o ti i lie.

Rɔmfuɛ Mun 1:26

I so'n ti, Nyanmien yii i sa bé su, o man bé kônvi so nyannzuen sa'm bé yôle, lélé o man bé mmla'm bé yatyi bian nna nga Nyanmien siéé i su'n, bé yô sa ng'o ti'e i su mlonmlon'n.

Rɔmfuɛ Mun 3:20

Nyanmien su bu'a swran fi swran kpa i mmla'n su fale'n ti, afin mmla'n ti ye man bé si liké nga bé fle ke sa te nion.

Rɔmfuɛ Mun 4:15

Mmla'n ye man swran kun Nyanmien yaa, afin se mmla'n nu'an le'n, bé tonman.

Rɔmfuɛ Mun 5:20

Ke o yô nan sa tete'n wa son'n, i ti ye mmla'n wa kpen afien leo, sannge lika nga bé yô sa tete kpanngban le'n, le ye Nyanmien i aklunyé'n i nyin fité daan.

Rɔmfuɛ Mun 6:13

Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

Rɔmfuɛ Mun 6:19

Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

Rɔmfuɛ Mun 6:21

?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

Rɔmfuɛ Mun 7:23

sannge n wun ke sa ufle ô le. Min nzuen b'o man n yô sa te'n, o nin akunndan nga b'o man n klô ke n yô sa kpa'n, bé ti ke swran nnyon bo bé si akplôwa sa, lélé n fa tefue'n su, o man n katyi sa te yôfue mlonmlon.

1 Korɛntfuɛ Mun 15:56

Wié'n i dyé'n yele sa te'n, ye mmla'n ye man sa te'n le ta nion.

2 Korɛntfuɛ Mun 10:3

Kannze é ti swran'n, ale nga é kun'n, é ku'en ke swran'm bé kun'n sa.

Galasifuɛ Mun 3:10

Afin bé kwlaa nga bé fa bé wla gua mmla'n su fale'n su'n, bé wun su dyo'a bé le, afin bé klee ke, «Swran kwlaa ng'o faman nde kwlaa nga bé klee mmla fluwa'n nun'n su titi'n, i wun dyo'e lé.»

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Efɛzfuɛ Mun 2:11

I so'n ti, anh bu wafa nga an ti laa'n i akunndan. Amun bo amun ôsu'n fi'an Juif'm bo bé fle bé klen wlafue bo swran ye o fe i sa yô bé'n, bé sé amun ke an ti'a klen wlafue.

Efɛzfuɛ Mun 2:3

Laa é kwlaa é ti ke bé sa, liké nga klo swran kônvi soe'n, ye é kunndeo, liké kwlaa ng'o yô é fe bo é bu i akunndan'n, ye é yôo. Nzuen so'n bo bé wulii nin yé'n ti, san Nyanmien fah é wun ya ke o fa swran wié'm bé wun ya'n sa.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.

Jacques 1:15

Se kônvi'n ti swran'n, wuun éh séh ke, o wunnze, o wu sa te'n. Ke sa te so'n i nyin kô ti kpa'n, i liké b'o su i su'n yele wié'n.

Jacques 4:1

?Utré'n nin akplôwa ng'o ô amun afien'n, bé fin nin? ?Bé fi'an amun nyin b'o blô liké'm bé su, b'o man amun klun dyoman'n?

1 Jean 3:4

Swran kwlaa ng'o yô sa te'n, wuun wa ton Nyanmien mmla'n, afin sa te'n ye o ti mmla'n i tonle nion.