Rɔmfuɛ Mun 6:6 - Nyanmien nde Ufle

⁶ É si kpa ke bé bôbôli é wafa nga é ti laa'n nin i waka'n su, o yô so nan é nzuen tete'n o wié, nan nanh man sa tete'n yô é nzuen kun.

NYANMIƐN NDƐ'N 1998

⁶ E si kpa kɛ be boboli e wafa nga e ti laa'n nin i waka'n su kɛ ɔ yo sɔ nan e nzuɛn tɛtɛ'n ɔ wie nan nán man sa tɛtɛ'n yo e nzuɛn kun.

Rɔmfuɛ Mun 6:6 ပူးပေါင်းရင်းမြစ်များ

Rɔmfuɛ Mun 6:12

I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

Rɔmfuɛ Mun 6:22

Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

Rɔmfuɛ Mun 7:14

É si ke mmla'n ti Nyanmien Wawe liké, sannge n lie'n, n ti klo swran, se sa te b'o ti min nzuen'n ti swran'n, nh séh ke ba yô min ate i sa nun.

Rɔmfuɛ Mun 8:13

Afin se an yô sa ng'o ti klo swran nzuen'n, amunh wuh. Sannge se Nyanmien Wawe'n i fanngan nun an wla amun nyôlie tete'm bé asé'n, amunh nyanh nguan.

2 Korɛntfuɛ Mun 5:14

Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

Galasifuɛ Mun 2:20

o man ôle nga n wô ye'n nanh n ngunmin ye n wôo, min nin Christ ye é wôo, ye sulafile bo n lafi Nyanmien i Wa b'o klôli min b'o fe i wun mannin min ti'n, i ti ye n wô leo.

Galasifuɛ Mun 5:24

Bé nga bé ti Christ-Jésus lie'n, bé bôbôô bé waka'n su, o man ba wla bé kônvi'n i asé, bé nyin blô'a liké'm bé su kun.

Galasifuɛ Mun 6:14

N lie'n, n su fa'a liké fi di'a n nuan mlonmlon, san é Min Jésus-Christ i waka'n, i waka so'n ti n ti ke swran bo wa wu b'o nin men'n wa bu'n sa, ye men'n kusu ti ke swran bo wa wu b'o nin min a bu'n sa.

Efɛzfuɛ Mun 4:22

I so'n ti, anh wla amun nzuen laa b'o man an yô sa ng'o fataman'n i asé. I ti ye amun nyin blô ninngé'm bé su, an laka amun wun lélé an satyi nion.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

Tite 3:3

Afin laa é kusu é ti sinnglinfue, é ti nyin kékléfue, bé laka é man é yatyi atin kpafue'n, é nyin b'o blô ninngé wafawafa'n kwlaa nin men dile'n su'n ti é katyii ke kanga sa, é ti klunwifue, é nyin tyi swran nin liké, é wun yô te, é kpo é wun.