Rɔmfuɛ Mun 6:4 - Nyanmien nde Ufle

⁴ I so'n ti, ke é nin Christ wuli é baptême yôle so'n nun bo bé siéé é nin i'n, o man ke é Si Nyanmien Kpli tyenniin'n, é kusu éh tyenh éh nantih adyale ufle su.

NYANMIƐN NDƐ'N 1998

⁴ I sɔ'n ti'n, kɛ e nin Krist e wuli e batɛm yolɛ sɔ'n nun bɔ be sieli ye nin i'n, ɔ man kɛ e Si Nyanmiɛn cɛnnin i'n, e kusu e ´cɛn e ´nanti ajalɛ uflɛ su .

Rɔmfuɛ Mun 6:4 ပူးပေါင်းရင်းမြစ်များ

Jean 11:40

Jésus sé i ke: ?Man sé'a o ke, se a lafi n su'n, ah wunh ke Nyanmien'n ti kpli?

Jean 2:11

Sa so'n yôô Cana Galilée men'n nun. Ye o ti atre bo Jésus yii bé'n bé nun kliklio. O yili i wun nglô, nan i sonnzonfue'm ba lafi i su.

Sa nga bé yôli'n 2:24

Wié'n feli, Nyanmien délii i sa nun, o tyenniin, yele ke wié'n kwle'e i sié.

Sa nga bé yôli'n 2:32

Jésus so'n ye Nyanmien tyenniin nion, o yôô é kwlaa é nyrun.

Rɔmfuɛ Mun 6:19

Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

Rɔmfuɛ Mun 6:3

?An si'a ke é kwlaa nga bé yôô é baptême nan é nin Christ-Jésus é katyi swran wunmuan'n, ke o wuli'n é ô nun wié?

Rɔmfuɛ Mun 6:8

Se é nin Christ ye é wuli'n, é lafi su kpa ke é nin i ye éh tranh kusuo.

Rɔmfuɛ Mun 6:9

É si ke, ke Christ tyennin'n, o su wu'a kun, wié'n kwle'e kun.

Rɔmfuɛ Mun 7:6

Sannge sien'n, é di'a mmla'n su kun yele ke ya wu, o man liké ng'o tra é nun laa'n, é nin i ya bu. I so'n ti, o man é su Nyanmien i sule wafa ufle nga i Wawe'n klé yé'n su, é sunmen i sule wafa laa lie nga bé klee mmla'n nun'n su kun.

Rɔmfuɛ Mun 8:11

Se Nyanmien b'o tyennin Jésus'n i Wawe'n tran amun nun ke i awlô sa'n, i b'o tyennin Christ-Jésus so'n o man amun kusu bo amun wu'n, amunh yôh dyuédyué i Wawe b'o tran amun nun so'n ti.

1 Korɛntfuɛ Mun 6:14

Nyanmien bo i fanngan nun ye é Min'n tyennin'n, o man éh tyenh wié.

2 Korɛntfuɛ Mun 13:4

Afin o ti nanwle ke bé bôbôlii waka'n su ke swran b'o kwla'a liké fi yô sa, sannge Nyanmien Kpli'n i fanngan nun ti ye nde o ô leo. É kusu ke é nin i ya yô swran wunmuan'n, é yô é wun ke i bobo yôô i wun ke fuenfue'n sa, sannge liké nga é yô man amun'n, é yôé Nyanmien Kpli'n i fanngan nun, yele ke é nin Christ ya yô swran wunmuan.

2 Korɛntfuɛ Mun 5:17

Se swran kun nin Christ bé katyi swran wunmuan'n wuun Nyanmien wa bôé ufle, i akunndan'n nin i nzuen laa'n wa wié, i akunndan'n nin i nzuen'n kwlaa a katyi.

Efɛzfuɛ Mun 4:17

I so'n ti, é Min'n dunman nun n sé amun ke yiô, nanh amun nzuen'n fa bé bo bé ti'a Juif'n bé lie'n kun. Bé le'a akunndan,

Efɛzfuɛ Mun 5:8

Laa an wô aôsin nun, sannge swran wunmuan bo amun nin é Min'n amuan katyi'n ti, amuan fité wéiin nun sien'n. I so'n ti, anh yô sa ng'o klé ke an wô wia klénglé kpa'n nun'n.

Kolɔsfuɛ Mun 3:10

ye amuan fa nzuen ufle b'o man amuan yô ke swran bo Nyanmien yi i ufle sa, o katyi swran so'n titi lélé o sii kpa, ye o fe mlonmlon.

Kolɔsfuɛ Mun 4:1

Amun bo an le kanga'n, anh yô bé kpa, anh yô liké ng'o ti su'n man bé, afin an si ke amun kusu, amun Min lie'n wô nyanmien su lo.

1 Piɛr 3:21

Nzué so'n ti baptême b'o man amuan nyan amun ti nde'n i nzolie. Nanh ke o wunnzin bé wunnen su fieon, sannge o man é sre Nyanmien ke nanh man é klun titi é kun. Jésus-Christ i tyenle'n ti ye é nyaan é tio.

1 Jean 2:6

swran ng'o sé ke o nin Nyanmien ba yô kun'n, mon o yô sa nga Jésus yôli'n bé wié.