Rɔmfuɛ Mun 6:23 - Nyanmien nde Ufle

²³ Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

NYANMIƐN NDƐ'N 1998

²³ Afin sa tɛ'n i akatua'n yɛlɛ wie, sanngɛ like nga Nyanmiɛn fa cɛ ye'n yɛlɛ anannganman nguan'n bɔ e nyɛn i e Min Krist-Jésus bɔ e nin i y'a kaci sran wunmuan'n ti'n.

Rɔmfuɛ Mun 6:23 ပူးပေါင်းရင်းမြစ်များ

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Jean 10:28

M man bé anannganman nguan, bé su nunnu'an lé, ye swran fi su dé'a bé n sa nun.

Jean 17:2

Afin a faa swran'n kwlaa wle i sa nun ke o sié bé nan o man bé kwlaa nga a fa bé menniin'n bé anannganman nguan.

Jean 3:36

Swran ng'o lafi i Wa'n su'n, o le anannganman nguan, sannge swran nga i nyin yimen'n o nya'an nguan lé, sannge i wun ya ô Nyanmien klun.

Jean 4:14

sannge swran ng'o non nzué nga nh fah men'n, nzué wé su ku'en kun lé, afin nzué nga nh fah men'n oh katyih ke nzué ti sa i nun b'o nyren piaa lélé o man oh nyanh anannganman nguan.

Jean 4:36

Ba bô awié kpefue'n i kale tuale'n bô, ke oh tienh i nuan minnde anannganman nguan'n nan swran ng'o gua wié'n nin i kpefue'n bé nnyon'n bé klun dyo.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Jean 6:27

Nanh an di dyunman alie b'o satyi'n ti, sannge anh di dyunman alie ng'o satyiman b'o man swran nyan anannganman nguan'n ti. Alie so'n, m bo n katyii Swran'n min ye nh fah man amuon, afin min ye n ti swran bo é Si Nyanmien klé wéiin ke o dyin n sion.

Jean 6:40

Anh nian, liké nga n Si waan swran'm bé yô'n ye, swran kwlaa ng'o wun i Wa'n b'o lafi i su'n, oh nyanh anannganman nguan, ye nh tyeenh men'n i awiélie.

Jean 6:68

Ye Simon Pierre sé i ke: ?Wan sin ye é koo? O nde'n ye man é nyan anannganman nguaan.

Rɔmfuɛ Mun 1:32

Bé si ke bé klee Nyanmien mmla'n nun ke swran ng'o yô i so sa'n, o nin kunle fata, sannge bé yô, ye ke swran wié'm bé yô sa kunngba so'n, o yô bé fe.

Rɔmfuɛ Mun 2:7

Bé nga bé tra bé awlen bé yô kpa, bo bé kunnde ke bé nyan nyrun bé bu bé swran, bo bé kunnde nguan'n, oh manh bé anannganman nguan.

Rɔmfuɛ Mun 5:12

I so'n ti, anh nian. Swran kun ti ye sa te yôle'n baa men'n nuon, ye sa te so'n ti ye man wié'n balio. I ti ye man wié'n wô swran kwlaa bé suo, afin bé kwlaa bé yô sa te.

Rɔmfuɛ Mun 5:17

Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

Rɔmfuɛ Mun 5:21

O man ke sa tete'n yô swran'm bé nzuen lélé o man bé wu'n, i kunngba'n Nyanmien i aklunyé'n o man sa kpa'n katyi bé nzuen lélé béh nyanh anannganman nguan é Min Jésus-Christ fanngan nun.

Rɔmfuɛ Mun 6:16

?An si'a ke sa an fa amun wun man swran kun, bo an katyi i swran, bo amun nyin yii'n, wuun an ti i kanga? O man an kwla fa amun wun man sa te yôle bo i agualie yele wié'n, annze Nyanmien i nyin yile bo i agualie yele swran i swran kpa katyile'n.

Rɔmfuɛ Mun 6:21

?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

Rɔmfuɛ Mun 8:13

Afin se an yô sa ng'o ti klo swran nzuen'n, amunh wuh. Sannge se Nyanmien Wawe'n i fanngan nun an wla amun nyôlie tete'm bé asé'n, amunh nyanh nguan.

Rɔmfuɛ Mun 8:38

Afin n si kpa ke klôle nga Nyanmien fa klô é b'o man Jésus-Christ yi i nglô klé yé'n, liké fi man i nyin kwla tu'a é su. Se wié ô, nguan ô, ange mun ô, mmusu mun ô, baé ô, ble nga nun ninngé mun ô, tyen wié ninngé mun ô, nglô lo nin asie'n su wa ninngé mun ô, liké fi nu'an le b'o man i nyin kwla tu é suo.

Rɔmfuɛ Mun 8:6

Bé nga klo swran ninngé'n lô bé'n, béh wuh, sannge bé nga Nyanmien Wawe'n ninngé'n lô bé'n, béh nyanh nguan nin aladyé.

Galasifuɛ Mun 3:10

Afin bé kwlaa nga bé fa bé wla gua mmla'n su fale'n su'n, bé wun su dyo'a bé le, afin bé klee ke, «Swran kwlaa ng'o faman nde kwlaa nga bé klee mmla fluwa'n nun'n su titi'n, i wun dyo'e lé.»

Tite 1:2

nan bé fa bé wla gua anannganman nguan'n su. Nyanmien b'o bua'a atô'n, ke o nian yi'a men'n o séé ke nh nyanh nguan so'n.

Jacques 1:15

Se kônvi'n ti swran'n, wuun éh séh ke, o wunnze, o wu sa te'n. Ke sa te so'n i nyin kô ti kpa'n, i liké b'o su i su'n yele wié'n.

1 Jean 2:25

Anh nian liké nga Christ waan oh fah man yé'n, yele anannganman nguan'n.

Sa nglô yile 21:8

Sannge srefue, nin bé nga bé lafi'a n su'n, nin bé nga bé yô tété sa'n, nin swran kunfue, nin bian nin bla kunndefue, nin baéfue, nin amuen sofue, nin bé kwlaa nga bé bua atô'n, bé lika lie'n yele sin dan'n bo soufre (*26*) ô nun, b'o dyué'n nun. I ye o ti wié'n i nnyon su nion.