Rɔmfuɛ Mun 6:22 - Nyanmien nde Ufle

²² Sannge sien'n bo Nyanmien a dé amun ti nzuen tete'n nun bo amuan katyi i kanga'n, liké nga an nyen i nun'n yele Nyanmien nzuen bo an fa'n, bo i agualie yele anannganman nguan'n.

NYANMIƐN NDƐ'N 1998

²² Sanngɛ siɛn'n bɔ Nyanmiɛn a de amún nzuɛn tɛtɛ'n nun bɔ amu'an kaci i kanga'n, like nga an nyɛn i nun'n yɛlɛ Nyanmiɛn nzuɛn bɔ an fa'n, bɔ i agualiɛ yɛlɛ anannganman nguan'n.

Rɔmfuɛ Mun 6:22 ပူးပေါင်းရင်းမြစ်များ

Matthieu 13:40

Ke bé kpe awié idyré'n bo bé wo nun'n, ke men'n i awiélie'n o wa yô so kusuo.

Matthieu 13:43

Sannge swran nanwlefue'm bé wa yô ke wia'n sa béh kpadyah bé Si i men'n nun. Man swran ng'o si fa sié'n, o fa sié.

Matthieu 19:29

Ye swran kwlaa ng'o yatyi, se i awlô ô, i niaan bian ô, i niaan bla ô, i si ô, i nin ô, i wa ô, i asie ô, min ti'n, oh nyanh bé wunsu kpe ya, ye oh nyanh anannganman nguan.

Matthieu 25:46

Swran so'm bé lie'n, béh koh lika bo lo nyrennen'n wiéman'n nun, sannge nanwlefue'm béh nyanh anannganman nguan.

Jean 15:16

Nanh amun ye an faa mion, sannge min ye n faa amuon. N faa amun ke an wo, an kô yô ke waka sama b'o su'n sa, ye mma nga an sui so'n oh kah le titi, nan liké kwlaa nga an fa n dunman sre é Si'n, o man amun.

Jean 15:2

N sama kwlaa ng'o suman'n, o kpe, ye ng'o su'n, o kpekpe su nan o yô kpa ye o su tra laa lie'n.

Jean 4:36

Ba bô awié kpefue'n i kale tuale'n bô, ke oh tienh i nuan minnde anannganman nguan'n nan swran ng'o gua wié'n nin i kpefue'n bé nnyon'n bé klun dyo.

Jean 8:32

Amunh sih nde ng'o ti nanwle'n, ye nde nanwle so'n ti amunh nyanh amunh ti.

Rɔmfuɛ Mun 6:14

An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Rɔmfuɛ Mun 6:18

Nyanmien déli amun ti nzuen tete'n nun, sa kpa'n ye wa katyi amun nzueon.

Rɔmfuɛ Mun 6:21

?Sa nga an yôô bé laa bo sien'n bé yô amun nyannzuen'n, nzu liké ye an nyen i nuon? Sa so'm bé agualie'n yele wié.

Rɔmfuɛ Mun 7:25

Nyanmien Kpli kwla ô! afin i ye man é Min Jésus-Christ dé yéo. Ke n nian'n, n wun i bué kun ke min akunndan'n nun n fa Nyanmien mmla'n su, sannge i bué kun kusu n wun ke klo swran bo n ti'n ti, n yô sa te.

Rɔmfuɛ Mun 7:4

N niaan mun, amun kusu, swran wunmuan bo amun nin Christ amuan katyi'n ti, amuan wu, o man amun nin mmla'n amuan bu, ye amuan yô swran ufle bo Nyanmien tyenniin'n i lie. Sa so'n yô so nan é yô sa kpa man Nyanmien.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

1 Korɛntfuɛ Mun 7:22

Swran kun nga ke Nyanmien fleh'n o ti kanga'n, o katyi diéwa ba Min'n sa nun, i kunngba'n swran nga ke Nyanmien fleh'n o ti diéwa'n, o katyi Christ i kanga.

2 Korɛntfuɛ Mun 3:17

É Min nga bé ken i nde wa'n yele Nyanmien Wawe'n, ye lika kwlaa nga é Min'n i Wawe'n wô le'n, bé di aladyé.

Galasifuɛ Mun 1:10

?Nde nga n ken ye'n, swran'm bé nyrun annze Nyanmien nyrun dunman ye n kunndeo? ?N waan n yô so nan swran'm bé klô n sa? Se n waan n yô so nan swran'm bé klô n sa'n, wuun n su yô'a Christ swran.

Galasifuɛ Mun 5:13

Aniaan mun, Nyanmien flee amun ke an nyan amun ti, sannge amun ti bo amun nyen so'n ti, nanh an yô klo swran nyôlie'n, sannge anh bu amun wun ke an ti amun wiéngu kanga, anh wuka amun wun klôle bo an klô amun wun'n ti.

Galasifuɛ Mun 5:22

Sannge sa nga Nyanmien Wawe'n man swran yô'n ye: o man bé klô Nyanmien nin swran, bé klun dyo, bé wla gua asé, bé tra bé awlen, bé yô swran yé, bé yô aklunyé, bé di nanwle,

Efɛzfuɛ Mun 5:9

Afin bé nga bé ô wia'n nun'n, bé yô swran yé, bé yô sa kpa, bé di nanwle.

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Filipfuɛ Mun 4:17

Nanh ke n klô ke bé man n liké tio, sannge n klô ke an nyan wié uka amun lie'n su.

Kolɔsfuɛ Mun 1:10

I so'n nun, amun nyôlie'n manh é Min'n i komin su, ye sa kwlaa nga amunh yôh'n, oh dyoh i klun, ye amunh yôh sa kpakpa'n kwlaa, ye sile nga an si Nyanmien'n, oh yôh dan.

Kolɔsfuɛ Mun 4:12

Épaphras b'o ti amun nun kun'n i waan oh yôh amun liké. Christ-Jésus i dyunman difue so'n o mien i nyin sre Nyanmien ke an yô swran an wun sa ng'o ti klun sa'n i wle kpa, nan an dyran kéklé.

Tite 1:1

M Paul n ti Nyanmien i swran bo Jésus-Christ sunmaan min ke n wuka bé nga Nyanmien kpaa bé'n man bé lafi i su kpa, ye bé wun nde nanwle nga bé bo bé srô Nyanmien'n bé sii'n i wle kpa,

Hébreu 12:14

Man amun nin swran'n kwlaa amun nuan se amun wun, man amun nzuen'n fa Nyanmien lie'n, afin se o ti'e i tio, swran fi su wu'an é Min'n.

Jacques 1:1

N Jacques bo n ti Nyanmien nin é Min Jésus-Christ bé swran'n, nh yôh nvlé blu-nin-nnyon bo ba sanndi men wunmuan'n nun'n bé liké.

1 Piɛr 1:9

Afin ke an lafi Nyanmien su'n, i agualie amunh nyanh amun ti.

1 Piɛr 2:16

Amuan nyan amun ti, i so'n ti, anh yô sa ng'o ti kpa'n. Nanh amun ti nyanle so'n katyi sa te, sannge man bé wun ke an ti Nyanmien i swran.

Sa nglô yile 7:13

Kpenngben'm bé nun kun usa n ke: ?Bé nga trale ufué ô bé wun le'n, wan muon? ?Bé fin nin?