Rɔmfuɛ Mun 6:14 - Nyanmien nde Ufle

¹⁴ An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

NYANMIƐN NDƐ'N 1998

¹⁴ An su fa-man amún wun man-man sa tɛ yolɛ'n, afin Nyanmiɛn jran-man mmla'n su yɛ ɔ sie amun kun-ɔn, sanngɛ ɔ yo amun ye titi.

Rɔmfuɛ Mun 6:14 ပူးပေါင်းရင်းမြစ်များ

Matthieu 1:21

O wa wu ba yasua, ah tonh i dunman Jésus, (bo i bô yele Défue), afin i ye o wa dé i nvlé'n bé sa bo bé yô Nyanmien'n i nuon.

Jean 1:14

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

Jean 1:17

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.

Jean 8:36

Se Nyanmien Wa'n kpo amun ti'n, amunh nyanh amun ti mlonmlon.

Rɔmfuɛ Mun 11:6

Nanh sa nga bé yôli'n ti ye o faa bé soo, sannge i klun-ufué'n ti ye o yôé soo. Afin se liké nga bé yô'n ti ye o fa bé'n, wuun nenh i klun-ufué'n tio.

Rɔmfuɛ Mun 4:16

I so'n ti, liké nga Nyanmien waan oh fah man bé'n, o fa man bé i su bo bé lafi'n nin yé dan b'o yô bé'n ti, o man sa nga Nyanmien séé ke oh yôh'n, san oh yôh man Abraham anunman'm bé kwlaa. O tié i anunman nga bé di mmla'n su'n bé ngunmin bé lie, sannge o ti i anunman nga bé lafi Nyanmien su ke i b'o ti é kwlaa é nannan'n i lie'n sa'n, bé lie wié.

Rɔmfuɛ Mun 5:17

Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

Rɔmfuɛ Mun 5:18

I so'n ti, ke Nyanmien fa swran kun i sa ng'o yôli'n i longle tyii swran'n kwlaa'n, i kunngba'n, swran kun i sa kpa ng'o yôli'n o man Nyanmien bu swran'm bé kwlaa bé swran kpa, o man béh nyanh nguan.

Rɔmfuɛ Mun 6:12

I so'n ti, amun bo an wu'n, nanh an fa sa te'n tyityi amun ti kun, ye nanh an yô sa tete nga amun kônvi so bé'n.

Rɔmfuɛ Mun 6:15

?Se o ti so'n, éh yôéh se? ?Ke Nyanmien dyra'an mmla'n su ye o sié é, b'o yô é yé titi'n, i so'n ti, éh yôh sa te? É su yô'e i so mlonmlon?

Rɔmfuɛ Mun 8:12

I so'n ti, aniaan mun, é ti mianfue, sannge é ti'a mianfue ke é yô klo swran nzuen ngba kun.

Rɔmfuɛ Mun 8:2

Afin Nyanmien Wawe'n klé sa ufle b'o man bé bo bé nin Christ-Jésus ba katyi swran wunmuan'n béh nyanh nguan. O man man nyan n ti sa te'n nin wié'n bé sa nun.

Galasifuɛ Mun 3:23

Ke ble nga swran kwla lafi Christ su'n nian dyuman'n, é ti ke bisuafue bo bé nien i su kpa'n sa, mmla'n ti. É kaa le so lélé ke Nyanmien yi i sulafile so'n nglô klé é.

Galasifuɛ Mun 4:21

?Amun bo an klô ke mmla'n su ye amunh di'n, an ti'e i nun nde'n? Anh bua n wié.

Galasifuɛ Mun 5:18

Se an fa atin nga Nyanmien Wawe'n klé amun su'n, Nyanmien dyra'an mmla'n su ye o sié amuon.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Hébreu 8:10

É Min'n sé ke: Nian sa nga n waan tyen wié lélé nh yôh Man Israël ôsufue mun'n ye: M man min mmla'n tranh bé klun, Ye nh fah kle bé awlen'n nun. Nh yôh bé Nyanmien, Ye bé kusu béh yôh n swran