Rɔmfuɛ Mun 6:13 - Nyanmien nde Ufle

¹³ Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

NYANMIƐN NDƐ'N 1998

¹³ Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

Rɔmfuɛ Mun 6:13 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 15:24

afin n wa ng'o ô ye'n, o wuli, ye wa nyan nguan ékun, o mlinnin, man wuin ékun. Ye bé bôô tyen dile so'n bôo.

JÉSUS-CHRIST I DYASIN FE'N BO LUC KLELI'N 15:32

Yele ke o niaan ng'o ô ye'n, o wuli, ye wa nyan nguan ékun, o mlinnin bo ya wuin ékun'n, o man tyen dile nin aunbliblie so'n o ti i su.

Jean 5:24

Nanwle, swran ng'o tié min nde'n b'o lafi swran ng'o sunmaan min'n su'n, o le anannganman nguan, bé su fe ko'a dyole difue'n i dyasu. Wa nyen i ti wié'n sa nun, wa nyan nguan.

Rɔmfuɛ Mun 1:29

Sa tete yôle'n kwlaa kun bé kpô, bé ti swran te, bé kônvi ti kpli, bé klun yô wi, bé nyin tyi swran nin liké, bé kun swran, bé klô utré, bé ti gble, bé bu swran wun akunndan te, bé bla,

Rɔmfuɛ Mun 12:1

Aniaan mun, aunnvue dan bo Nyanmien wunnin yé'n ti, nh sreh amun kpa ke an fa amun wun men ke sraka bo bé dyre sa, b'o ti i lie mlonmlon, bo i klun dyo su, i ye o ti i sole wafa b'o ti suo.

Rɔmfuɛ Mun 6:11

I so'n ti, amun nin Christ-Jésus amun swran wunmuan bo amuan katyi'n ti, amun kusu anh bu amun wun ke an wuli, o man amun nin sa te'n amuan bu, ye an wô Nyanmien dunman nun.

Rɔmfuɛ Mun 6:16

?An si'a ke sa an fa amun wun man swran kun, bo an katyi i swran, bo amun nyin yii'n, wuun an ti i kanga? O man an kwla fa amun wun man sa te yôle bo i agualie yele wié'n, annze Nyanmien i nyin yile bo i agualie yele swran i swran kpa katyile'n.

Rɔmfuɛ Mun 6:19

Klo swran bo amun ti bo amun awlen soman'n ti ye n fa swran akunndan ken i soo. Laa an fa amun wun maan sa tete yôle'n nin mmla tonle'n nan amunh yôh sa sukusuku mun, o man sien'n, anh fa amun wun man sa kpa yôle'n nan anh fah Nyanmien nzuen'n.

Rɔmfuɛ Mun 7:23

sannge n wun ke sa ufle ô le. Min nzuen b'o man n yô sa te'n, o nin akunndan nga b'o man n klô ke n yô sa kpa'n, bé ti ke swran nnyon bo bé si akplôwa sa, lélé n fa tefue'n su, o man n katyi sa te yôfue mlonmlon.

Rɔmfuɛ Mun 7:5

Afin ke é nzuen'n te yô klo swran lie'n, mmla'n bo é di su'n ti, akunndan tete b'o ô é awlen'n nun'n o man é yô sa nga i agualie yele wié'n.

1 Korɛntfuɛ Mun 6:15

?An si'a ke an ti Christ i wunnen'n i lika'n wié? ?N kwla fa Christ i wunnen so'n i bué fa katyi téklé bla kun lie? N kpla é!

1 Korɛntfuɛ Mun 6:20

Afin o tôô amun gua kpan, i so'n ti, liké kwlaa nga amunh yôh'n anh yô man o be i nyrunnyan.

1 Korɛntfuɛ Mun 6:9

?An si'a ke sa tete yôfue'm bé su yô'a men nga Nyanmien siéé'n i nunfue mlonmlon? Nanh an laka amun wun, afin bla annze bian kunndefue, nin amuen sofue, nin yasua b'o kunnde bla i yi bô annze bla b'o kunnde bian i wun bô'n, nin yasua b'o kunnde i wiéngu yasua'n,

2 Korɛntfuɛ Mun 10:4

Afin liké nga é fa kun ale'n, bé fi'an swran, bé fin Nyanmien Kpli'n, o man bé kwla bu awa ngblingbli mun. É bu bé kwlaa nga bé akunndan'n ti te'n bé bué,

2 Korɛntfuɛ Mun 5:14

Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

2 Korɛntfuɛ Mun 5:15

O wuu bé ngba bé ti, i so'n ti, ôle nga bé ô le'n, nanh bé bobo bé ôle ye bé wôo, sannge swran ng'o wuli b'o tyennin bé ti'n, i dunman nun ye bé wôo.

2 Korɛntfuɛ Mun 8:5

Nga bo é bu i ke béh yôh'n, bé yô traa su, afin bé dun mmua fa bé wun maan é Min'n, i sin bé fa bé wun maan é kusu, i so'n ti Nyanmien klun su.

Efɛzfuɛ Mun 5:14

afin liké kwlaa nga bé wun bé wafa nga bé ti'n wéiin'n, o man bé wun asé. I so'n ti, bé séé ke: «Lafifue, tinngé, Dyaô fuen'm bé nun Ye Christ man ah wunh asé.»

Filipfuɛ Mun 1:20

Liké nga n wla'n wô su, bo n kunndee kpa'n yele ke, nanh man liké fi kun min nyannzuen, sannge n tra min awlen nde nin tyen kwlaa lélé, se n nyan nguan ô, se n wu ô, liké kwlaa nga n yô'n o ba Christ nyrunnyan.

Kolɔsfuɛ Mun 2:13

Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Kolɔsfuɛ Mun 3:5

I so'n ti, anh wla amun asie'n su wa nzuen'n bé asé, bla nin bian kunndele, sa tete yôle, bé kônvi b'o so nyannzuen sa mun'n, bé nyin b'o blô liké'm bé su'n, bé nyin b'o yi'a liké'n b'o nin amuen sole'n ti kun'n.

2 Tɛsalonikfuɛ Mun 2:12

nan o bu bé bo ba lafi'a nanwle'n su, bo sa te yôle'n ye o yô bé fe'n, bé fo.

2 Timote 2:15

Mion o nyin di dyunman kpa man Nyanmien yô o mô, yô dyunman difue bo nyannzuen kunmen i dyunman'n ti, b'o kan nde nanwle o kpe'e i wun.

Jacques 4:1

?Utré'n nin akplôwa ng'o ô amun afien'n, bé fin nin? ?Bé fi'an amun nyin b'o blô liké'm bé su, b'o man amun klun dyoman'n?

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 4:2

Afin swran ng'o wun nyrennen'n, wuun o nin sa te'n ba bu. O man tyen nga an te di i asie'n su wa'n, anh fa yô Nyanmien klun sa, nanh an yô klo swran klun sa kun.

1 Jean 1:9

Sannge se é di sa nga é yôli'n i nanwle klé Nyanmien'n, é kwla fa é wla gue i su, afin o yô sa i nuan su, oh yatyih tye é, o man é wun sa'n wiéh.