Rɔmfuɛ Mun 6:11 - Nyanmien nde Ufle

¹¹ I so'n ti, amun nin Christ-Jésus amun swran wunmuan bo amuan katyi'n ti, amun kusu anh bu amun wun ke an wuli, o man amun nin sa te'n amuan bu, ye an wô Nyanmien dunman nun.

NYANMIƐN NDƐ'N 1998

¹¹ I sɔ'n ti'n, amun nin Krist-Jésus amun sran wunmuan bɔ amu'an kaci'n ti, amun kusu an `bu amun wun kɛ an wuli, ɔ man amun nin sa tɛ'n amu'an bu, yɛ an wo Nyanmiɛn dunman nun.

Rɔmfuɛ Mun 6:11 ပူးပေါင်းရင်းမြစ်များ

Jean 20:31

Sannge ke o yô nan amuan lafi su ke Jésus ti Christ Nyanmien Wa'n, i ti ye bé kleli ngaa, ye se an lafi su'n, i ti amunh nyanh nguan.

Rɔmfuɛ Mun 16:27

Jésus-Christ ti man é yi Nyanmien Kpli bo ngwlelefue fi nu'en i sin'n i aye tititi! Mon o yô so!

Rɔmfuɛ Mun 5:1

I so'n ti, Nyanmien a bu é swran kpa i su bo é lafi'n ti, o man sien'n é Min Jésus-Christ ti, é nin i é afien a se.

Rɔmfuɛ Mun 6:10

Afin ke o wuli'n, o nin sa te'n bé buli mlonmlon, ye ôle ng'o ô le sien'n, o ô Nyanmien dunman nun.

Rɔmfuɛ Mun 6:13

Nanh an fa amun wunnen'n i bué kaan sa mon o yô sa te'n i dyunman liké, sannge amun bo an ti ke swran bo ba wu ba tyen sa'n, anh fa amun wun man Nyanmien, man amun wunmuan'n yô i dyunman liké b'o fa yô sa kpa.

Rɔmfuɛ Mun 6:2

É su yô'e i so mlonmlon! ?Sa te'n, ke é wuli bo é nin i a bu'n, o yô se ye éh yôéh ékuon?

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

Rɔmfuɛ Mun 7:4

N niaan mun, amun kusu, swran wunmuan bo amun nin Christ amuan katyi'n ti, amuan wu, o man amun nin mmla'n amuan bu, ye amuan yô swran ufle bo Nyanmien tyenniin'n i lie. Sa so'n yô so nan é yô sa kpa man Nyanmien.

Rɔmfuɛ Mun 7:6

Sannge sien'n, é di'a mmla'n su kun yele ke ya wu, o man liké ng'o tra é nun laa'n, é nin i ya bu. I so'n ti, o man é su Nyanmien i sule wafa ufle nga i Wawe'n klé yé'n su, é sunmen i sule wafa laa lie nga bé klee mmla'n nun'n su kun.

Rɔmfuɛ Mun 8:18

Ke m bu anyrunnyan liké nga Nyanmien wa yi i nglô klé yé'n i akunndan'n, m bu'a nyrennen nga é wuin nde'n, i liké fi.

1 Korɛntfuɛ Mun 6:20

Afin o tôô amun gua kpan, i so'n ti, liké kwlaa nga amunh yôh'n anh yô man o be i nyrunnyan.

Efɛzfuɛ Mun 2:7

nan ble ng'o ba lo'n nun, ke oh yih i kpa b'o yôli é Christ-Jésus ti'n, i nglô'n, béh wunh ke i yé b'o yôô yé'n i dan'n le'a wunsu.

Filipfuɛ Mun 1:11

Ye Jésus-Christ man amunh yôh sa kpakpa Nyanmien manmanle nin i komin su manle'n ti.

Filipfuɛ Mun 4:7

Ye Nyanmien man amun wun dyoh amun fouun bo an su wu'en i bô mlonmlon. Aundyue so'n man amun wla su bôman, ye amun akunndan su sannganman, swran wunmuan bo amun nin Christ-Jésus ti'n ti.

Kolɔsfuɛ Mun 2:20

?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

Kolɔsfuɛ Mun 3:17

Se amunh yôh liké wié ô, se amunh kanh nde wié ô, liké kwlaa nga amunh yôh'n, anh yôé é Min Jésus dunman nun, ye i ti anh la é Si Nyanmien i asé.

1 Piɛr 2:24

Christ bobo dyraan é sa te'n i nuan bé bôbôé waka'n su, nan é nin sa te'n é bu, ye é yô sa ng'o ti kpa'n. I wunnen sule'n ti ye man ya yô dyuédyuéo.

1 Piɛr 2:5

Amun kusu, an ti ke yebue b'o ô le tititi'n sa, man bé fa amun wla Nyanmien sua bo i Wawe'n kplan'n nun wié, ye amunh katyih Nyanmien nyrun dyranfue, bo i Wawe'n man amunh soeh wafa ufle su. Jésus-Christ ti, i sole so'n oh dyoh i klun.

1 Piɛr 4:11

Swran ng'o kan Nyanmien nde'n mon o kan nde nga Nyanmien klélii'n, ye nga kusu b'o di i dyunman'n, mon o fa wunmien ng'o menniin'n, di dyunman so'n, nan sa'n kwlaa nun Jésus-Christ b'o ti kpli bo bé yi i aye tititi'n ti, bé yi Nyanmien aye. Mon o yô so!