Rɔmfuɛ Mun 5:17 - Nyanmien nde Ufle

¹⁷ Nanwle, swran kun i sa ng'o yôli'n ti, wié'n kwla swran'n kwlaa swran kunngba so'n ti. Sannge sa kpa nga Jésus-Christ kusu yôli'n ti dan kpa tre, afin bé kwlaa nga Nyanmien yô bé yé b'o katyi bé swran kpa'n, béh nyanh nguan béh dih famien Christ fanngan nun.

NYANMIƐN NDƐ'N 1998

¹⁷ Nanwlɛ, sran kunngba i sa ng'ɔ yoli'n ti, wie'n kwla sran'm be kwlaa sran kunngba sɔ'n ti. Sanngɛ sa kpa nga Jésus-Krist kusu yoli'n ɔ ti dan kpa trɛ i, afin be kwlaa nga Nyanmiɛn yoli be ye b'ɔ kacili be sran kpa'n, be ´nyan nguan yɛ be ´di famiɛn Krist fanngan nun.

Rɔmfuɛ Mun 5:17 ပူးပေါင်းရင်းမြစ်များ

Matthieu 25:34

Ye m bo n ti famien'n nh séh bé nga bé gua n fama su'n ke: Amun bo n Si yôli amun yé'n, anh bla'a di famien bo ke b'éh bôh men'n i bô'n, bé sié maan amun'n.

Jean 10:10

Bua'm bé wuale, nin bé kunle, nin bé nunnunle ti ye awiéfue'n baa, sannge n lie'n ke o kô yô nan bua'm ba nyan nguan, nan ba nyan bé ti, nan bé wun a dyo bé fouun'n ti ye m balio.

Rɔmfuɛ Mun 5:12

I so'n ti, anh nian. Swran kun ti ye sa te yôle'n baa men'n nuon, ye sa te so'n ti ye man wié'n balio. I ti ye man wié'n wô swran kwlaa bé suo, afin bé kwlaa bé yô sa te.

Rɔmfuɛ Mun 5:15

Sannge sa nga Adam yôli'n nin liké dan nga Nyanmien fa tye yé'n, bé dan seman. Nanwle, swran kpanngban ba wu swran kun i sa lie'n b'o yôli'n ti. Sannge yé nga Nyanmien yô yé'n i dan tre fatifati, ye liké ng'o fa tye swran kpanngban Jésus-Christ kusu i klunyé'n ti'n, i kpa tre.

Rɔmfuɛ Mun 5:20

Ke o yô nan sa tete'n wa son'n, i ti ye mmla'n wa kpen afien leo, sannge lika nga bé yô sa tete kpanngban le'n, le ye Nyanmien i aklunyé'n i nyin fité daan.

Rɔmfuɛ Mun 6:14

An su fa'a amun wun ma'an sa te yôle'n, afin Nyanmien dyra'an mmla'n su ye o sié amun kuon, sannge o yô amun yé titi.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

1 Korɛntfuɛ Mun 15:49

Ke é fa asie'n sufue so'n, i kunngba'n, é wa fa nyanmien su lofue so'n.

1 Korɛntfuɛ Mun 4:8

Ke é ô ye'n, liké kwlaa nga an kunnde'n, amuan nyen, amuan nyan amun wun! An su di famien é sin! Yôô, se an di famien'n, o yô é fe, man é kusu é di wié!

1 Timote 1:14

Yé nga é Min'n yôô min'n i nyin fitéé dan, o man ke é nin Christ-Jésus é katyii swran wunmuan'n, é lafi i su, ye é klô i nin swran.

2 Timote 2:12

Se é dyran kéklé'n, é nin i ye éh dih famien nion, Se é sé ke é simen'n, i kusu wa sé ke o si'a é,

Jacques 2:5

N niaan kpa mun, anh sié amun su! ?Nyanmien a fa'a men nga nun yalefue mun ke bé yô anyanbéunfue i su bo bé lafi'n ti nan bé di famien nga i waan bé nga bé klôé'n, bé di'n wié?

1 Piɛr 2:9

Sannge amun lie'n, an ti swran bo Nyanmien faa amun, an ti Famien Nyanmien'n i nyrun dyranfue, an ti Nyanmien nvlé'n nun swran, an ti i lie mlonmlon. O faa amun ke an yi i b'o flee amun ke an dyaô aôsin nun, an bla lika ng'o kpadya kpa'n nun'n i aye.

Sa nglô yile 1:6

ye o man é katyi é Si Nyanmien i awlô swran bo é tren i nyrun. Man é yi i aye, man é sé ke o ti kpli tititi! Mon o yô so!

Sa nglô yile 20:4

N wuun bia mun, bé nga bé ti bé su'n, bé sié bé ke bé di dyole. Ye n wuun bé nga bé kan nde nanwle bo Jésus yii nglô'n, nin Nyanmien nde'n ti bé kuun bé'n, bo ba kôtô'a nnen'n i wunsu bo bé yôli'n i bô, bo nnen'n i nzolie'n nu'an bé ngban su nin bé sa'n su'n, bé wawe'n. Bé tyennin, nan bé nin Christ a di famien afue akpi.

Sa nglô yile 20:6

Bé nga bé kô tyen klikli so'n wié'n, bé lie su ti yé, bé ti Nyanmien lie sakpa! Wié i nnyon su'n su kwla'a bé, béh yôh Nyanmien nin Christ bé nyrun dyranfue, bé nin i ye béh dih famien afue akpi nion.

Sa nglô yile 22:5

Lika'n su sa'an kun. Bé su kunnde'a kannin nin wia kun, afin é Min Nyanmien'n ye oh kpadyah klo'n nuon. Ye béh dih famien tititi.

Sa nglô yile 3:21

Swran ng'o kwla'n, min nin i éh dih m bia'n, ke n kwlali, bo min nin n Si é di i bia'n sa.