Rɔmfuɛ Mun 5:15 - Nyanmien nde Ufle

¹⁵ Sannge sa nga Adam yôli'n nin liké dan nga Nyanmien fa tye yé'n, bé dan seman. Nanwle, swran kpanngban ba wu swran kun i sa lie'n b'o yôli'n ti. Sannge yé nga Nyanmien yô yé'n i dan tre fatifati, ye liké ng'o fa tye swran kpanngban Jésus-Christ kusu i klunyé'n ti'n, i kpa tre.

NYANMIƐN NDƐ'N 1998

¹⁵ Sanngɛ sa nga Adam yoli'n nin like dan nga Nyanmiɛn fa cɛ ye'n, be dan sɛ-man. Nanwlɛ, sran kpanngban b'a wu sran kun i sa liɛ'n b'ɔ yoli'n ti. Sanngɛ ye nga Nyanmiɛn yo ye'n i dan trɛ fatifati, yɛ like ng'ɔ fa cɛ sran kpanngban i aklunye'n ti'n i kusu i kpa trɛ i. Like sɔ'n yɛlɛ Jésus-Krist.

Rɔmfuɛ Mun 5:15 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Matthieu 26:28

Amun kwlaa anh non, du vin ng'o ô ye'n o ti min mmôdya b'o man amun nin Nyanmien amunh dih anuanse. Swran sunman bé ti ye béh gueh i aséo, o man Nyanmien yatyih bé sa bo bé yôlii'n tye bé.

Jean 3:16

Afin Nyanmien klôô men'n lélé o fe i Wa kunngba tye'n mannin nan swran kwlaa ng'o lafi i su'n, wa mlinman, sannge o nyan anannganman nguan.

Jean 4:10

Jésus sé i ke: Se a si liké nga Nyanmien fa man swran mun'n, o nin swran ng'o sé o ke a men nzué'n, wuun o bobo ah sreh i wié ye oh manh o nzué b'o sôndyi.

Sa nga bé yôli'n 15:11

Nanh man é yô so, afin é bu i ke é Min Jésus i yé dan b'o yô yé'n bo i ti ye é fitéé nun'n, i kunngba'n ti ye bé fitéé nun wiéo.

Rɔmfuɛ Mun 5:12

I so'n ti, anh nian. Swran kun ti ye sa te yôle'n baa men'n nuon, ye sa te so'n ti ye man wié'n balio. I ti ye man wié'n wô swran kwlaa bé suo, afin bé kwlaa bé yô sa te.

Rɔmfuɛ Mun 6:23

Afin sa te'n i akatua'n yele wié, sannge liké nga Nyanmien fa tye yé'n yele anannganman nguan'n bo é nyen é Min Christ-Jésus bo é nin i ya katyi swran wunmuan'n ti'n.

2 Korɛntfuɛ Mun 5:14

Sa kwlaa nga é yô'n, é yôé klôle bo Christ fa klô swran'n ti. É si ke se swran kun wuu swran'n kwlaa bé ti'n, wuun bé ngba ye bé wulio.

2 Korɛntfuɛ Mun 9:15

Nyanmien b'o man é liké dan b'o le'a wunsu'n, i kwla ô!

Efɛzfuɛ Mun 2:8

Afin Nyanmien i yé b'o yôô amun'n ti o man amuan nyan amun ti i su bo an lafi'n ti. Amun ti nyanle so'n o fi'an amun bobo, Nyanmien ye man an nyaan amun tio.

Hébreu 2:9

Sannge é wun Jésus bo Nyanmien yôli man ange'm bé kpa'n trelii lé nnyon kun'n, ke bé siéli i famien, o man bé menmen, nyrennen wié'n b'o wuli'n ti. Ke o yôô so'n, é wun ke Nyanmien i aklunyé'n ti ye o wuu swran'n kwlaa bé tio.

1 Jean 2:2

Afin i bobo fe i wun yii é ti te, nan Nyanmien yatyi sa nga é yôlii'n tye é. Nanh é ngunmin é ti te ye o yilio, swran'n kwlaa bé lieo.

1 Jean 5:11

Anh nian nde so'n ye, Nyanmien maan é anannganman nguan, i Wa'n ti ye man é nyaan nguan so nion.