Rɔmfuɛ Mun 4:6 - Nyanmien nde Ufle

⁶ I kunngba'n David keen i ke, swran nga Nyanmien nie'en i nyôlie'n su ye o bui swran kpa'n, i lie su ti yé. O sé ke:

NYANMIƐN NDƐ'N 1998

⁶ I kunngba'n David kɛnnin i kɛ sran nga Nyanmiɛn niɛn-mɛn i nyoliɛ'n su yɛ ɔ bu i sran kpa'n, i liɛ su ti ye. Ɔ se kɛ:

Rɔmfuɛ Mun 4:6 ပူးပေါင်းရင်းမြစ်များ

Matthieu 25:19

Ke o tyee kpa'n, swran so'm bé min'n bali, o fle bé ke bé bla man bé bu sika b'o maan bé'n i akunndan.

Rɔmfuɛ Mun 1:17

Dyasin fe so'n ye o klé é wafa nga Nyanmien fa bu swran swran kpa nion, i so'n fin swran i Nyanmien su b'o lafi'n, ye kusu o man swran lafi Nyanmien su kpa, afin bé klee ke: «Swran ng'o lafi Nyanmien su b'o man o katyi swran kpa'n, oh nyanh nguan.»

Rɔmfuɛ Mun 3:27

?Se o ti so'n, nzu su ye é dyran fa di é nuaan? É le'e i so liké mlonmlon! ?Nzu ti ye é le'e i so liké nion? ?Mmla'n b'o man é si liké nga é yô'n tio? Tyetye, Nyanmien bo é lafi i su'n tio.

Rɔmfuɛ Mun 4:11

Nyanmien dun mmua bui swran kpa i su b'o lafi'n ti, i sin ye bé wlee i kleon. O fa klen wlale so'n siéé Abraham nzolie b'o ti liké nga wa dun mmua yôé'n i lalôfue, nan Abraham yô bé kwlaa nga, kannze ba wla'a bé klen'n, bé Nyanmien su bo bé lafi'n ti, o bu bé swran kpa kusu wié'n, bé si.

Rɔmfuɛ Mun 4:24

sannge é bo é lafi Nyanmien b'o tyennin é Min Jésus'n b'o su wa bu é swran kpa wié'n i su'n, é lie ô nun wié.

Rɔmfuɛ Mun 4:5

Sannge swran ng'o yô'a liké fi, nan o lafi Nyanmien b'o bu swran b'o srô'a Nyanmien'n i swran kpa'n i su'n, o katyi swran so'n i swran kpa i su b'o lafi'n ti.

Rɔmfuɛ Mun 4:7

«Bé nga bé ton mmla'n bo Nyanmien yatyi tye bé'n B'o kata bé sa nga bé yôé'n su'n, bé lie su ti yé!

Rɔmfuɛ Mun 4:9

?Ye so'n, o ti bé nga bé wlaa bé klen'n, bé ngunmin bé lie, annze o ti bé nga ba wla'a bé klen'n bé kusu bé lie wié? Afin é sé ke: «Nyanmien su bo Abraham lafi'n ti o man o bui swran kpa.»

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

2 Korɛntfuɛ Mun 5:21

Ke o kô yô nan é nin Christ ya katyi swran wunmuan nan ya yô swran kpa Nyanmien nyrun'n ti, o man Christ b'o wa yô'a sa te fi lé'n o dyraan é sa te'n i nuan.

Galasifuɛ Mun 3:14

O yô so nan yé nga Nyanmien séé Abraham ke oh yôéh'n, Jésus-Christ ti oh yôh man bé nga bé ti'a Juif'n, nan é kusu, éh nyanh Nyanmien Wawe'n bo i waan oh fah man yé'n, i su bo é lafi'n ti.

Galasifuɛ Mun 4:15

Laa amun klun dyo min wun kpa. ?Nzu ye amuan wuin sien nion? Afin m bô amun dunman ke, se o ti ke an kwla tu amun nyinma'n man min'n, wuun an tuli.

Efɛzfuɛ Mun 1:3

É Min Jésus-Christ i Si Nyanmien Kpli i kwla ô! Ke é nin Jésus-Christ é katyii swran wunmuan'n, o fa nyanmien su lo ninngé kpakpa'n kwlaa b'o kwla yô é wun sa yé'n maan é.

2 Timote 1:9

O déé é, o flee é ke é yô i swran, nanh ke é yô sa kpa ti ye o flee yéo, sannge é wun akunndan bo i bobo buli'n, nin yé bo i waan Christ-Jésus ti oh yôh yé'n tio.

Jacques 2:18

Wiénuon swran wié wa sé n ke: O lie'n, a lafi Nyanmien su, ye n kusu, n yô be'n m ma fa klé o ke n lafi Nyanmien su.

2 Piɛr 1:1

N Simon Pierre, bo n ti Jésus-Christ dyunman difue, b'o sunmaan min'n, nh kleh fluwa nga ble amun bo Nyanmien man amun lafi i su kpa ke é sa'n. I so'n fin é Défue Jésus-Christ b'o ti Nyanmien'n, afin o ti swran kpa.