Rɔmfuɛ Mun 3:31 - Nyanmien nde Ufle

³¹ ?Nyanmien su bo bé lafi so'n ti, o man é bu'a mmla'n i liké fi kun? É bu'e i so mlonmlon! Sien'n é bui liké dan tra laa'n.

NYANMIƐN NDƐ'N 1998

³¹ ?Nyanmiɛn su bɔ be lafi sɔ'n ti, ɔ man e bu-man mmla'n i like fi kun? E bu-mɛn i sɔ mlɔnmlɔn! Siɛn'n e bu i like dan tra laa'n.

Rɔmfuɛ Mun 3:31 ပူးပေါင်းရင်းမြစ်များ

Matthieu 15:6

O man amun nzuen'n i fale'n nun an yi Nyanmien nde'n blô.

Matthieu 3:15

Jésus séé ke: Yatyi, yô nde lie'n afin o ti i nuan su ke é yô sa kwlaa ng'o ti Nyanmien klun su'n. Ye Jean yôlio.

Matthieu 5:17

Nanh an bu i ke m baa moïse mmla'n nin Nyanmien nuan idyofue'm bé nde'n bé su nunnunle, bé nun yiyile ye m balio.

Matthieu 5:20

Afin nh kanh klé amun ke, se amun nzuen'n wa yô'a kpa a tra'a mmla kléfue nin Pharisifue'm (*f4*) bé lie'n, an su yô'a men nga Nyanmien sié'n i nunfue mlonmlon.

JÉSUS-CHRIST I DYASIN FE'N BO LUC KLELI'N 20:16

Oh bah, o wa kun fié sunianfue so mun, ye oh fah fié'n man swran ufle mun. Ke bé tii nde so'n, bé sé ke: Nanh mon o yô so!

Rɔmfuɛ Mun 10:4

Afin bé kwlaa nga bé lafi Christ su'n, wa nunnun mmla i su fale wafa nga bé bu i ke se bé yô so'n ye béh yôh swran kpa'n.

Rɔmfuɛ Mun 2:20

an si ngwlele nin sa kwlaa b'o ti nanwle'n amun mmla'n ti. I so'n ti, an bu amun wun sinnglinfue'm bé fo tufue, nin bé bo bé ti ke ba kanngan mun sa'n bé ngwlele kléfue.

Rɔmfuɛ Mun 3:4

O su yô'a so mlonmlon! Kannze swran kwlaa bé yô atôfue'n, sannge Nyanmien lie'n, san nanwle ye o dio! Afin bé klee ke: «Ke a kan nde'n, béh wunh ke o nde'n yô fe, Ye ke bé di o dyole'n, o nde'n kwlah bé.»

Rɔmfuɛ Mun 3:6

O su yô'a so mlonmlon! ?Afin se Nyanmien di'a nanwle'n, o yô se ye o kwla di menfue'm bé dyoleo?

Rɔmfuɛ Mun 4:14

Se bé nga bé di mmla'n su'n bé ye bé nyan liké nga Nyanmien séé ke oh fah man bé'n, wuun Nyanmien sulafile'n o ti ngben, ye liké ng'o séé ke oh yôh'n o keen ngben.

Rɔmfuɛ Mun 7:22

Nyanmien mmla'n i sufale'n yô n fe min awlen'n nun,

Rɔmfuɛ Mun 7:25

Nyanmien Kpli kwla ô! afin i ye man é Min Jésus-Christ dé yéo. Ke n nian'n, n wun i bué kun ke min akunndan'n nun n fa Nyanmien mmla'n su, sannge i bué kun kusu n wun ke klo swran bo n ti'n ti, n yô sa te.

Rɔmfuɛ Mun 8:4

Nyanmien yôé so nan é bo é fa'a swran'm bé nzuen'n su kun'n, bo é yô sa nga Nyanmien Wawe'n klé é ke é yô'n, é yô sa kpa nga bé klee mmla'n nun ke é yô'n.

1 Korɛntfuɛ Mun 9:21

Ke n kô yô nan man nyan bé bo bé di'a Moïse mmla'n su'n, se n du bé sa. Kannze n yô so'n nanh ke n di'a Nyanmien mmla'n su mlonmlon tio, n di Christ lie'n su.

Galasifuɛ Mun 2:19

Afin mmla'n ti, n wuli, min nin i a bu, o man ôle nga n wô ye'n, n wô Nyanmien dunman nun. Bé bôbôô min nin Christ waka'n su,

Galasifuɛ Mun 2:21

N kpi'a nennen nga Nyanmien dii min'n i asé, afin se mmla'n bo bé fa su'n ti ye Nyanmien bu bé swran kpa'n, wuun wule nga Christ wuli'n o wuu ngben.