Rɔmfuɛ Mun 3:24 - Nyanmien nde Ufle

²⁴ Sannge Nyanmien i klun-ufué dan'n ti o bu bé swran kpa, wa dé'a bé liké fi, Christ-Jésus b'o déli bé'n ti.

NYANMIƐN NDƐ'N 1998

²⁴ Sanngɛ Nyanmiɛn bu be sran kpa ɔ de-man be like fi i klun-ufue dan'n ti. Ɔ buli be sran kpa Krist-Jésus i delɛ b'ɔ deli be'n ti.

Rɔmfuɛ Mun 3:24 ပူးပေါင်းရင်းမြစ်များ

Matthieu 20:28

Ke m bo n katyii Swran'n m bale'n ke o ti soo, afin man baman ke bé su min, sannge m baa ke n su swran, nan n fa min wun kpo swran sunman bé ti.

Sa nga bé yôli'n 15:11

Nanh man é yô so, afin é bu i ke é Min Jésus i yé dan b'o yô yé'n bo i ti ye é fitéé nun'n, i kunngba'n ti ye bé fitéé nun wiéo.

Rɔmfuɛ Mun 4:16

I so'n ti, liké nga Nyanmien waan oh fah man bé'n, o fa man bé i su bo bé lafi'n nin yé dan b'o yô bé'n ti, o man sa nga Nyanmien séé ke oh yôh'n, san oh yôh man Abraham anunman'm bé kwlaa. O tié i anunman nga bé di mmla'n su'n bé ngunmin bé lie, sannge o ti i anunman nga bé lafi Nyanmien su ke i b'o ti é kwlaa é nannan'n i lie'n sa'n, bé lie wié.

Rɔmfuɛ Mun 4:4

Se swran kun di dyunman'n i kale nga bé fa tue'n bé bu'e i ke liké bo ba fa tye io, sannge i akatuaa.

Rɔmfuɛ Mun 5:9

I so'n ti, se nde i mmôdya'n ti Nyanmien a bu é swran kpa'n, tyen nga Nyanmien i ya'n dyaô'n, i ti éh nyanh é ti kpe blu.

1 Korɛntfuɛ Mun 1:30

Afin i ye man amun nin Christ-Jésus amuan katyi swran wunmuaan, ye Christ ti é katyi ngwlelefue, o bu é swran kpa, é katyi i lie mlonmlon, ye o kpo é ti.

1 Korɛntfuɛ Mun 6:11

Ke laa amun nun swran wié'm bé ti soo. Sannge sien'n, Nyanmien a wunnzin amun, wa fa amun a katyi i lie mlonmlon, wa bu amun swran kpa é Min Jésus-Christ dunman nun, nin i Wawe'n i fanngan nun.

Kolɔsfuɛ Mun 1:14

Ba so'n ti ye o déé é, o yatyi sa nga é yôlii'n tyeli yéo.

1 Timote 2:6

O fe i wun maan ke oh kpoh swran'n kwlaa bé ti. Ke o yôô so ble nga Nyanmien siéli'n su'n, ye o klé ke Nyanmien klô ke oh déh swran'n kwlaa nion.

Tite 2:14

É ti o fe i wun mannin, nan oh yih é sa tete'n kwlaa nun, nan é katyi i sa ti swran bo é wun sa tete'n kwlaa wa wié, bo é tu é klun yô swran yé.

Sa nglô yile 5:9

Bé tô dyué ufle kun, bé sé ke: Wo ye a ti fluwa'n i fafueo, bo a kwla kpekpe liké nga bé fa tyityili nuon. Afin bé kuun o, a fo o wun tô swran'm bo bé fin nvlénvlé'n kwlaa nun, nin bé bo bé anien'n ti wafawafa'n kwlaa, nin swran wafawafa'n kwlaa, nin bé nga bé fin menmen'n kwlaa nun'n, maan Nyanmien.

Sa nglô yile 7:14

N sé i ke: Nannan, wo ye a si béo. Ye o sé n ke: Bé nga bé fin afe dan'n nun muon. Bé kpuu bé trale mun Bua Gbanflen'n i mmôdya'n nun ye bé fiélio.